نور ال Abs منور على طول دا طبيعى ولا لأ

[Ba7ar]

نور ال Abs منور على طول فى المازدا 3 اللى عندى وهى موديل 2008 خليجى بس الفرامل كويسة الحمد لله بس هل دا طبيعى ولا المفروض ينور لما ادوس دواسة الفرامل بس برجاء الإفادة و شكرا

[Ba7ar]

نور ال Abs منور على طول فى المازدا 3 اللى عندى وهى موديل 2008 خليجى بس الفرامل كويسة الحمد لله بس هل دا طبيعى ولا المفروض ينور لما ادوس دواسة الفرامل بس برجاء الإفادة و شكرا

[محمد عز]

لا طبعا مش طبيعى

ده كده بيديك تحذير ان نظام ال abs فيه حاجة غلط

الافضل انك تروح لمركز خدمة كويس ويكشف على العربية بالكومبيوتر

[محمد عز]

ممكن نحصر العيب فى سببين

الاول ان الدائرة الكهربائية فيها عطل ( يعنى فيه فيوز عاوز يتغير)

التانى ان فيه سنسور فيه عطل وبرده عاوز يتغير

مش هتقدر تحكم على العطل اللى لما تعمل اسكان لسيستم العربيه

او زى ما بيقولو تكشف على العربيه بالكومبيوتر وساعتها تشوف ايه الخطا اللى قاريه الكومبيوتر

ابقى طمنا عملت ايه

[Ba7ar]

ممكن أعرف أكشف فين علشان انا لسة جيبها مستعملة من فضلكم مع العلم انها من الإمارات(مواصفات خليجية) و لا يوجد بها ضمان فى مصر

[محمد عز]

ممكن أعرف أكشف فين علشان انا لسة جيبها مستعملة من فضلكم مع العلم انها من الإمارات(مواصفات خليجية) و لا يوجد بها ضمان فى مصر

ممكن تشوف اللينك ده

http://www.carsdir.com/services.asp?p=1&cid=4

فيه مراكز خدمة وصيانة العربيات فى مصر وارقام تليفوناتهعم

اتصل بيهم واسئلهم

وابقى قولنا عملت ايه

غير كده ممكن تنزل منطقة الحرفيين واسئل

[Eng.Sameh]

ممكن تكشف بنفسك الأول على الفيوزات هتلاقي فيه فيوز مسئول عن نظام ال Abs ممكن يكون ضارب ومجرد ما يتغير هتلاقي اللمبة طفت ومتحتاجش لصيانة ولا غيره ، واحتمال كبير يكون ده السبب ، شوف وابقى طمنا

[Ba7ar]

انا اتصلت بسونستا و قالولى ان احتمال كبير يبقى فيوز خصوصا ان مفيش لمبة(check) منورة بس مش هينفع اروح علشان موصفات خليجى
و ان شاء الله هعمل عضوية فى سمارت كار و هصلحها قريب بإذن الله.
شكرا لكل واحد ساعدنى و رد عليا و كل واحد حاول يساعدنى
ان شاء الله لو فى جديد هبلغكم

[AmRElSiSi]

لا دى تقريباً مشكله فيوزات مادام بتقول ان الفرامل شغاله كويس
انا كانت نورت بس طفت تانى لما كنت كبست جامد و شغلت ال abs اكتر من مرة
مشكله ان انت عربيتك خليجى مش فارقه لو روحت اى مركز صيانه هيشتغل فيها عادى

[gomha]

اذا كان فيوز مش محتاجة صلحها بنفسك علبة الفيوزات تلاقى واحدة مع جنب الموتور وواحدة تحت الدريكسيون افتح الغطاء ودور على كلمة abs شوف الرقم على غطاء العلبة بتاع الفيوز جيب بنزة بانف طويل واخلع الفيوز دة وروح لاى محل قطع غيار واشترى نفس الفيوز يوجد رقم على الفيوز 10 او 20 ممكن 30 المهم نفس المقاومة واذا لايوجد روح للاقل وبس ركبة وانتهت المشكلة عزيزى

[AmRElSiSi]

ممكن بس يا باشا اشوف صورة الجنط اللى بينزل فى الخليجى
و لا هو زى المصرى

[Ba7ar]

السلام عليكم
طبعا أسف جدا على التأخير بس والله انا لسة مصلح العيب دا يوم 29/5/2009
و عاوز أشكر الناس الجميلة اللى ساعدتنى فى الحل و اللى أقترحت عليا حلول بجد ربنا يكرمهم و يكرم كل واحد حاول أنة يساعدنى

المهم دا بقى طلع عيب اية
فى سلك بعد لما تفك الكاوتش كدة تقريبا نازل و داخل فى الجزء اللى فية التيل و الطنبورة السلك دا كان مقطوع و روحت لمركز أسمة صبحى سند لحمهولى و الحمد لله أشتغل تمام بفضل الله
دا كان أول عيب
نيجى لتانى عيب كان مدوخنى و دا بجد بقى كنت قربت انى أطلع من هدومى منه لأنه عيب جامد و صلحتة فى التوكيل بس ودى بقى نصيحتى لكل واحد معاه مازدا 3 فى مصر و ياريت كل الناس تعرف حاجة مهمة جدا ياجماعة لما يحصل عيب عندك يشيبك لازم تروح التوكيل لأنهم بجد بيفهموا جامد جدا
العيب كان ان التكييف بيشتغل لمدة ربع ساعة أو نص ساعةو بيكون ساقع جدا زى الفل وبعد كدة بيدخل سخونية العربية لدرجة انى كان انا و الكرسى مدبهدلين فى خلال 2 دقيقة
الحل إن التكييف لية سنسور و السينسور دا مكنش شغال و لما غيرته الحمد لله أشتغل تمام و اتكلف 300 جنية
طبعا السؤال اللى كتير عاوز يسألة أزاى انا صلحتة فى التوكيل
سمارت كار عامل عضوية للسيارات اللى هوه مش وكيلها لتوفير قطع الغيار و الصيانة و يبيعهالك عادى كأنك شارى من عندهم

و العيب دا أكدلى أنك لازم تعرف إن مش كل العيوب ممكن حد يكتشفها لأن مش كل العربيات فيها السينسور دا و مراكز خدمة التكييف الكبيرة مكتشفتش العيب دا

[Ba7ar]

بالنسبة للأستاذ AmRElSiSi دا شكل الجنط اللى عندى

[mohamed777]

حصلت معايا نفس المشكلة بس كانت لانسر مو 2007 - وروحت لميكانيكى عادى بيفهم فيها وجد ان التيل متأكل وعاز يتغير

[mohamed777]

وكمان نفس الحكاية الفرامل كانت شغالة كويس جداً بس كانت بتسفر لما ادوس عليها