باركو لي وهنئوني

[m_totti]

انا كان عندي مازدا فاميلي 99 اتوماتيك هي فعلا كانت ممتازة بس الحمد لله بعتها باركولي وهنئوني عارفين ليه علشان في مصر الدنيا مشقلبة الياباني مايهتموش بيه ( المازدا ) رغم امكانيات المازدا الرائعة ويهتمو بعربيات ملهاش اي لزمة زي العربيات الصيني و الكوري والفيات ( مثلا الفيرنا مع ان والله عربية سخيفة والبودي بتاعها ورق وبعدين اربع سنين ولا حاجة هتبقي زي 128 )
وتقعد تلف وتدور علشان قطعة غيار وكل واحد يرد عليك بتصعب ماعنديش ماعنديش وكانك رايح تسأل علي حاجة مخلة بالاداب يزهقوك
انا بنصح كل اللي عايز يشتري سيارة مازدا انه يبعد عنها مش علشان امكانياتها ولكن علشان السوق والوكيل المتعب غبور اللي عايز يموت السيارة ده مش عارف ليه :10d5c8~1107:

[Eng.Sameh]

المازدا فاميلي دي حاجه ، والمازدا3 حاجه تانيه خالص ، وكمان الأنتشار مختلف تماما يعني انا مثلا عمري ما شوفت المازدا فاميلي دي ماشيه في طريق ، لكن المازدا3 بشوفها كتير ـ وقطع غيارها موجودة بوفرة ، وفيه مراكز خدمه كتير بتشتغل فيها ، على خلاف طبعا المازدا فاميلي اللي كانت معاك ،
عموما الف مبروك على البيع وعقبال ما نباركلك على العربيه الجديدة

[mokhtar]

المازدا ضحيه وكيلها فى مصر غبور اللى مموتها خالص مع ان ساعتها ماكانش لسه عنده غير يادوب الاكسيل ووراها الاكسنت والالنترا القديمه اللى ماكانش حد بيركبها مش زى دلوقتى ممكن نقول انه مركز مع هيونداى ومش عارف الشركه الام فى اليابان ساكته ليه
افتكر سنه 98 لما بدا نزول موديلا لانسر Gl , Glx والتويوتا كورولا عيون ...كان المفروض ان يبقى من اهم المنافسين ليهم المازدا فاميلى والمازدا 323 بجد عربيه هايله الخليجيين بيحبوها جدا لانها بتستحمل بس مانزلتش الا قليل وتلاقيها دايما فى بورسعيد منطقه حره وحاجتها موجوده هناك
وهى كاغلب اليابانى اعتماديه وقوه تحمل وعمر طويل واقتصاديه جدا فى استهلاك البنزين

[Dr.Mohamed]

انا واحد صاحبى معاه مازدا 3 العربيه ماشاء الله
مشكلتها بس فى انها واطيه و صاجها خفيف شوى مش زى باقى اليابانى بس العربيه ماشاء الله مشاكلها قليله

[Eng.Sameh]

انا واحد صاحبى معاه مازدا 3 العربيه ماشاء الله
مشكلتها بس فى انها واطيه و صاجها خفيف شوى مش زى باقى اليابانى بس العربيه ماشاء الله مشاكلها قليله

على فكره المازدا 3 صاجها احسن من معظم الياباني ومن مزاياها ان صاجها حلو

[AmRElSiSi]

المازدا مشاكلها بس فى قطع الغيار انها غاليه شويتين
يعنى ممكن تكون فى نفس مستوى قطع غيار الbmw مش زى باقى اليابانى
بس انا الحمد لله العربيه مش عامله معايا اى مشاكل

[mazda323]

ياجماعة كل اللى بتقولوه صحيح مشكلة المازدا توكيبها المحترم! دا إذا كان لها توكيل غبور أفندي اللى مهتم بالهيونداي وخلى المازدا على جنب صحيح مشعارف الشركة فاليابان ساكته عليه ليه التوكيل ده، ده لازم يتسحب منه وياخده توكيل محترم يرجع ثقة الناس فالمازدا وشكراً عاشق المازدا