مطلوب مازدا 323 فاميلي

[mahmoudselim]

السلام عليكم ورحمة الله وبركاتة

تحية عطرة لجميع اعضاء نايل موتورز ولجميع مالكي مازدا بلأخص
أبحث عن عربية مازدا 323 فاميلي بسعر مناسب وحالة جيدة جدا لاستعمالي الشخصي.. أرجو ممن يرغب في بيع عربيتة ان يكتب مواصفاتها والسعر المطلوب فيها
ولكم خالص الشكر والتحية

[mazdaprotege]

الاخ العزيز
يناء على طلبك بخصوص شراء سيارة مازدا فاميلى
لدى سيارة موديل 1998 جميع الكماليات اوتوماتيك- اللون شامبين - تكييف - باور - سنتر - انذار - وحدات رفع - حساسات ركن مع مبين على مراة الصالون يوضح بعد الجسم خلف السيارة و اتجاهة مع صوت الارم - السيارة فابريقة من الداخل و الخارج عدا الاكصدامين و انا لما اشتريتها من خمس سنوات كانت راشة رفرف و لم ارش فيها اى شىء حتى تاريخة - فوانيس شبورة - فوانيس كريستالة - عداد 88000 كم - انا ثانى يد - يها بطارية جافة جديدة - 4 فرد كاوتش فرنسى الصنع لم يتعدوا 3000 كم - الجنوط مقاس 14 اصلية و ليست 13 و بها ال 4 طاسات الاصلية عليها علامة المازدا - لها ملف صيانة بالتوكيل - فرش الفايريقة بحالة المصنع - موتور و فتيس 100 % - فتحة شنطة و تنك من الداخل - كرسى السائق يتحرك فى 6 اتجاهات - مرايات كهرباء + ضم اوتوماتيك - طارة الدركسيون قابلة للتعديل متحركة - بها كاسيت بايونيير اضافة الى وجود الكاسيت الاصلى للفايريقة معى بالمنزل - 4 سماعات و هم الصلى للفابريقة و لم يتم تغييرهم و بكفاءة عالية الجودة
الملحوظات :
بها بعض الخرابيش الخارجية خفيفة - يوجد نقرة فى الكبوت من الامام غير مؤثرة على اى شىء فى الداخل - مقبض البابين الاماميين من الداخل بهم بعض التشققات
السعر المطلوب و نهائى إن شاء الله 45000 ج
اذا كانت لديك الرغبة و الجدية رجاء مراسلتى لتحديد موعد

[mahmoudselim]

متشكر جدا علي اهتمام حضرتك بالرد علي طلبي ..
بس بتهيئلي السعر ال حضرتك طالبة عالي شوية ؟! يعني انا كنت قريت موضوع
ان في واحد معروض علي صديق لة 323 موديل 2000 ب 35000 (مانيوال) معتقدش الا وتو تفرق في 10000
وعربية حضرتك موديل 98 .. وفي في نفس السعر ال حضرتك طالبة صني موديل 99 او 98 ..
انا عندي رغبة فعلا في شراء العربية بس السعر يكون مناسب فعلا .
معلش عندي استفسار هي عربية حضرتك ال هية شبة السيفك كدا ولا الشكل التاني ال هوا شبة الفاميليا ؟
ولو أمكن صورة للعربية يكون افضل طبعا
في انتظار الرد

[mazdaprotege]

الاخ الفاضل :
اشكر ردك و لكن لى تعليق :
اولا الزميل الذى كان معروض علية السيارة مو 2000 كان قد اتصل بى من فترة خلال شهر ابريل و من الحوار الذى تم كان يستفسر عن سمعة تلك السيارة و مدى توافر و سعر قطع غيار هذا الموديل و من الكلام كان قد كشف على السيارة المعروضة علية و كان كبس الموتور 60 % و كان محتاج طقم شنبر و علية نصحتة بعدم الشراء لان هذة السيارة لابد و ان تكون بحالة ممتازة حتى لا يدخل فى متاهات مع الصنايعية مع العلم ان فى خلال فترة اتصالة بى لم اكن اتخذت قرار البيع و بالتالى لم اعرض علية فكرة الشراء
و لكنى لا اشكر فى سيارتى و لكن الحمد للة الحالة العامة و الميكانيكية للسيارة اتحدى بها اى سيارة من مثيلاتها
و بالتالى لا يحق المقارنة مع النيسان 98 او 99 لانها سيارة 1300 و ليست 1600 و بالتالى الفرق فى باقى الكماليات
و عامة هذا السعر إن شاء الله سوف ابيع بة لانى شايف حالة عربيتى اللى انا راكبها و كذلك راى كل من اتوا الى السيارة لمعاينتها خلال الفترة السابقة على مدار الايام
و عامة وفقك الله و ووفقنى الى ما فية الخير و الصواب