ارجو الدخول ياملاك المازدا!!

[mazda323]

أعضاء المنتدى الكرام لو تكرمتوا ممكن أخد من وقتكم شوية وتدوني رأيكم أنا من عشاق المازدا بس في فكرة في راسي عايز أخد خطوة فيها ومحتاج المشورة انا بعد متابعتى لأخبار المازدا في مصر لقيت الناس نفسها تركب المازدا بس خايفة من قطع الغيار ففكرت في حل من الاتنين وعايز رايكم :
1- أحاول الحصول على توكيل المازدا ونرحم العربية دى من توكيلها المحترم!
2- أوفر مكان يتم الإعلان عنه بصورة دعائية ليتعرف عليه ملاك المازدات ويكون المكان ده مخصص لتوفير قطع غيار أى مازدا وده عن طريق اني هتفق مع محلات قطع غيار فالرياض للمازدا ببتوفير القطع وارسالها لي وبكدا يتم حل مشكلة قطع الغيار فهل ممكن حد يدينى رأيه فالموضوع ده وهل ينجح ومعاناة ملاك المازدا تختفي واسف على الإطالة عاشق المازدا

[mohamed_mohsen]

يا ريت بس في مشكله
1-توكيل مازدا مع غبور و هو مش مهتم بالعربيه خالص.
2-موضوع قطع الغيار ده اعرضه الاداره و شوف ايه رأيهم
و يارب تقدم لنا الخدمه دي لاني عايز قطع غيار للمازدا بتاعتي
تقبل تحياتي,,,,

[mohager68]

تماااااااااااااااااااااااااااام جدا جدا

[mazdaprotege]

يا رييت يا باشا و اعتير ان ايدى فى ايدك و نشتغل فيها علشان نساعد كل اللى نفسة يركب مازدا و يحافظ عليها
شوف و انوى و انا معاك و الله

[محمد عز]

1- أحاول الحصول على توكيل المازدا ونرحم العربية دى من توكيلها المحترم!

اقدر حماسك

لكن انت تعرف يعنى ايه الحصول على توكيل سيارات ومتطلباته

اللى غالبا بتتطلب ملايين الجنيهات

[mohamed_mohsen]

اقدر حماسك

لكن انت تعرف يعنى ايه الحصول على توكيل سيارات ومتطلباته

اللى غالبا بتتطلب ملايين الجنيهات

بالظبط
ده غير ان غبور مش هيسيبك و التوكيل معاه بقاله سنين
و الشركه الام اصلا مش مهتمه بمبيعات المازدا هنا
(نقطه في بحر)
و السوق المصري لا يمثل اي اهميه بالنسبه لهم