مازدا 3 الشكل الجديد ولا الشكل القديم ؟ ايهما افضل !!!!!؟

[som3aa]

انا الصراحة مش شايف وجه مقارنة و بجد هتجنن مش قادر ادخل فى مخى ان فى ناس عاجبها الشكل القديم اكتر من الجديد او اساسا ان فى ناس مش عاجبها الشكل الجديد!!!!!
بجد الموضوع دا تاعبنى , حد يفهمنى يا جماعة!!
انا عارف ان الناس اذواق و كل حاجة بس مش للدرجة دى , انا فى رايى المقارنة مثلا كاننا بنقارن شكل اللانسر بشكل الs-class المرسيدس!!!! علشان كدا مش قادر اقنع نفسى فى الموضوع دا ان عادى يبقى فى اختلاف فى الاذواق برده!!!
حد يحاول يقنعنى يا جماعة
يا ريت كمان كل واحد يقول القديمة احلى يقول عنده كام سنة لان انا شايف الجديدة شبابى شويتين فيمكن دا السبب

[Eng.Sameh]

انا الصراحة مش شايف وجه مقارنة و بجد هتجنن مش قادر ادخل فى مخى ان فى ناس عاجبها الشكل القديم اكتر من الجديد او اساسا ان فى ناس مش عاجبها الشكل الجديد!!!!!
بجد الموضوع دا تاعبنى , حد يفهمنى يا جماعة!!
انا عارف ان الناس اذواق و كل حاجة بس مش للدرجة دى , انا فى رايى المقارنة مثلا كاننا بنقارن شكل اللانسر بشكل الs-class المرسيدس!!!! علشان كدا مش قادر اقنع نفسى فى الموضوع دا ان عادى يبقى فى اختلاف فى الاذواق برده!!!
حد يحاول يقنعنى يا جماعة
يا ريت كمان كل واحد يقول القديمة احلى يقول عنده كام سنة لان انا شايف الجديدة شبابى شويتين فيمكن دا السبب

يا بشا متستغربش قوي كده ، وبالنسبة للسن أعتقد ان كل اللي بيفكر يشتري مازدا اي شكل هيكون شاب لأن سواء الشكل القديم او الجديد فهو شبابي جدا ، بس الشكل القديم شبابي مع شياكة وجمال ، ومش بس فيه ناس كتير هنا مش عاجبها الشكل الجديد ، ادخل على اللينك ده وشوف تعليقات الناس اللي بعد الموضوع نفسه ، هتلاقي اكتر من 90% بيفضلو الشكل القديم ، وادي اللينك
http://www.autoblog.com/2009/01/12/d...-as-the-sedan/

[bedo13]

القديم اشيك واوجه الجديد مالوش شخصيه شبه تصميمات البيجو والشبكه فعلا كما وصفوها ابتسامه الجوكر.
من الداخل مفيش فروق جوهريه يمكن كمان القديمه ابسط واهدى الجديده مهرجان زراير .

انا بردة رايي كدة الجديدة رخمة اوي من ورا و كمان سعرها غالي

[mohamed777]

من رايى الشكل القديم
اكصدام الجديده واخد شوية من مازدا نجاريا

[king_h]

اول مشاركة ليا واقولك فيها
المازدا الشكل القديم اجمل فـ فوانيسه خصوصوا الفوانيس الخلفية
الداخلية مازدا القديمة اجمل وده من رأيي
انا كان معايا تقريبا اول مازدا نزلت اسكندرية 2006 كنت جايبها من الخليج بس عملت حادثة :)
ولم قلت اجيب مازدا تانية قالولي 2010 شكل جديد شفته على الانترنت ,, ما عجبنيش
رحت شاري مازدا3 2009
فـ انا بالنسبة ليا عموما مازدا من 2006-2009 احلى من الجديد
وحاليا المازدات 2010 بتمشي قدامي كتييييييير مش بتعجبني

[ahmed4000]

يجماعة بجد محدش يتكلم عنها الا لما يشوفها فى الواقع لان الصور تفرق عن الواقع
هى معروضة اسود فى المصرية مصر الجديدة

دى من كتر حلاوتها مردتش اجبها علشان حتلفت النظر جامد

[himaz]

يا باشا انا شوفتها اكتر من مرة و مش مقتنع بيها بردو خصوصا بسعرها الخيالى ده اللى من الواضح انو حيبوظ مبيعات مازدا فى مصر لو فضل على المستوى ده !!!!!

[Ahmed.TV]

الشكل القديم احلى , بس ياريت اسعار قطع الغيار بتاعت المازدا تهدى شوية لانها غالية جدااااا

[Busquets]

انا سمعت عنها كلام قلت هشوف عربية مقرفة نزلت اتفرجت عليها بصراحة اتصدمت وخاصة الفانوس الامامى و الشبكة !! روعة عربية تحفة

الناس اذواق وعادى انه يحصل اختلاف

[SAMEH_FOUAD]

مازدا الشكل الجديد شكلها وهم جامد جدا جدا ,بس للاسف لما ركبتها لقيت خاماتها تعبانة جدا ,سيارة ضيقة جدا فوق ماتتصور ,والله عشان اخرج من الكنبة اللى ورا قومت صاحبى اللى كان قاعد قدام وعلى فكرة وزنة حوالى 65 كيلو وطولة لايتعدى ال180 سم ,وقومتة وخليتة يطلع الكرسى لقدام عشان اعرف اخرج من العربية ,ودة عشان عيب رهيب فى العربية ان الكراسى بتاعتها واطية قوى والعتب عالى اوى ودة هاسيبب مشكلة وياريت حد يجرب الموضوع دة ,لكن كاداء هيبقى واحد الماتور ماتغيرش يمكن هيقل كمان شوية عشان وزن العربية زاد وحجمها كبر شوية

[ledo7]

القديم حلو اوي من جوه
بس الجديد جديد
ولو ماكنش فيه جديد ماكنش بقى فيه قديم

[makavelimorsy]

,لكن كاداء هيبقى واحد الماتور ماتغيرش يمكن هيقل كمان شوية عشان وزن العربية زاد وحجمها كبر شوية

انت كدة فعلا قلت اهم حاجة الواحدلازم يفكر فيها.....الجديده من قدام كلها بيجو.. مش شخصية الزوووم زووم..... بس من ورا حكااااااااااية.......التابلو تقريبا هو.. من فتحت التكيف وحامل الأكواب والفتيس بس برد الجديدة تكسب .... بس العدادات قديمة ٣ عيون أشيك مش ٢ .....

[max_ziro]

انا اسف بس انا شايف الشكل القديم احلى 100 مرة وله شخصية مختلفة وخاصة

+111111111111111

[sanghin]

عربية مبالغ فيها حرام نانيها