مازدا ٣ الجديدة ( options & prices )

[som3aa]

والله ياريت يكون رايك صائبا لان الام 3 كانت امل كبير لمحبى اليابانى ( كماليات كتير وسعر عادل وامكانيات عالية ) يعنى السكل القديم 140000 فول اوبشن اتوماتيك و149900 فتحة سقف وهى هى نفس الموديل مه اختلاف الشكل فقط 177900 يرضى ربنا الكلام ده زيادة 30000 عشان اغير الشكل
لكن مع احترامى مين قال ان سعر السيتى نزل 13000 انا سائل عليها فى المعرض سعرها 127900 نفس السعر المعلن حين نزولها

هوندا عاملة اعلانات فى الجرايد سعر السيتى نزل فعلا و انا شفت اعلان هوندا و اعلانات موزعين كتير, بالنسبة للمازدا فاعلى فئة دلوقتى ب 128 الف و دى اللى اسمها الaero و سعرها بين 128-138 حسب العرض يعنى لو الجديدة ب 178 يعنى الفرق 40-50 الف جنيه .

[Eng.Sameh]

هوندا عاملة اعلانات فى الجرايد سعر السيتى نزل فعلا و انا شفت اعلان هوندا و اعلانات موزعين كتير, بالنسبة للمازدا فاعلى فئة دلوقتى ب 128 الف و دى اللى اسمها الaero و سعرها بين 128-138 حسب العرض يعنى لو الجديدة ب 178 يعنى الفرق 40-50 الف جنيه .

ملحوظة عن تجربة .. المازدا3 ايرو أقل سعر ممكن تجيبو بيها من اسبوع أو عسرة ايام هو 135000 ( وده لو حد معرفة وهيكرمك ) واي سعر اقل من كده في الجرايد بيكون نصب وكلام مش أكتر ولما تروح أما يقولك خلصت وموجود الفئة اللي قبلها ، أو يقولك ده سعر الفئة اللي قبلها أو اي هري من ده ، ودلوقتي على فكره سعرها رفع تاني زي ما كان والكلام ده لسه عارفة الأسبوع اللي فات ( غالبا عشان الجديدة سعرها نازل غالي بعبط ، وكمان معظم الناس مش عاجبها الشكل وبيفضلو الشكل الحالي اكتر )

[waleedseng]

يا جماعة أنا كلمت سونستا و سمارت كار على موديل 2009 و الكلام كان كاللأتي:
سمارت : قاللي معنديش مازدا 3 2009 و هاتيجي بعد 6 أسابيع و مرضيش يقوللي سعرها أبداً
سونستا : ال مازدا3 2009 سبورت بقت ب 145 قلتله دا أنا سألتك من 10 أيام قولت ب 135 إزاي تغلى 10,000 جنية. قال: أصل الجمارك زادت و كان بيتكلم بتناكة مش عارف ليه.
حسبي الله و نعم الوكيل و لا واحد فيهم معاه توكيل العربية و الأتنين بيسرقونا. سونستا تزود 100,000 في موديل 2009 و سمارت تزود 30,000 في موديل 2010 .

الناس دي يا جماعة الطمع عماهم و نسيو إن العربية ملهاش توكيل و إن دا يخرجها من المنافسة مع العربيات التانية على الرغم من تميزها كسيارة . ولكن سعرها هوا إللي دخلها المنافسة تاني و كان المفروض يحافظو على الميزة دي لكن و اضح إنهم مبيفهموش في التسويق.
أنا شايف إن إحنا نشوف بديل معرفش زي إيه بس ممكن نفكر سوا

[AHMED REFAT]

والله يا جماعة ان غدا لناظره لقريب .. وبكره هايكشف حاجات كتير جدا فى السوق والمنافسة ستكون حارة خصوصا بتخفيض الجمارك على الاروبى 10 % اعتبارا من اول العام القادم 2010 ان شاء الله وطبعا كل اسعار الاوربى هاتنزل وبالتالى لازم اليابانى يتزل علشان يعرف ينافس وهلم جره ... هنشوف لكن فعلا سواء سمارت كار او غيرها يعتمد على ان السيارة كويسة ويعلوا السعر طبعا ده كلام فاضى لانها بتنافس الكورلا واللانسر والهوندا سيفيك الفول اوبشن كمان اعلى كاتجرى فيهم وطبعا المنافسة لن تكون فى محلها نهائيا ... على العموم يا خبر النهاردة .... وتقبلو تحياتى

[som3aa]

ملحوظة عن تجربة .. المازدا3 ايرو أقل سعر ممكن تجيبو بيها من اسبوع أو عسرة ايام هو 135000 ( وده لو حد معرفة وهيكرمك ) واي سعر اقل من كده في الجرايد بيكون نصب وكلام مش أكتر ولما تروح أما يقولك خلصت وموجود الفئة اللي قبلها ، أو يقولك ده سعر الفئة اللي قبلها أو اي هري من ده ، ودلوقتي على فكره سعرها رفع تاني زي ما كان والكلام ده لسه عارفة الأسبوع اللي فات ( غالبا عشان الجديدة سعرها نازل غالي بعبط ، وكمان معظم الناس مش عاجبها الشكل وبيفضلو الشكل الحالي اكتر )

فعلا انا قريت يوم الجمعة اعلان بتاع اوتو سمير ريان لقيته كاتب الAero ب 138 قلت ايه الهبل دا , دا كان بيبيعها ب 128 , يظهر فعلا غليت 10000 جنيه

اعتقد دى حركة عاملينها علشان يخلصوا من stock قديم عندهم علشان يعرفوا ينزلوا القديمة بسعر غالى و يبيعوها , دا رايى الشخصى و من الاخر حركة قديمة و يلعبوها على نفسهم و احسن حاجة الناس تقاطع اى و كل تاجر حرامى لد ميفلس

[sa3dawy]

خلوها تتحرق بجاز مش تصدى ... قال 177 ... حلوة دى و الله !!!!

برجاء تحري الدقه عند كتابه لفظ الجلاله
مشرف عام الياباني

[bmw323]

أسعار كويسة بصراحة بس لو كان الهورس باور بتاعها عالى شوية كانت هتبقى افضل بكتير بس ميضرش
شكرا على المعلومة

[mamido83]

و الله العظيم ده تهريج
خليها تتربى فى عزهم، و لو عدى الصيف "و انشاء الله مش هيبيعوا عشان هما مش بيراعوا ربنا فى الناس" انشاء الله اخر السنة نبقى نشوف الايرو بكام و غيرها
و الله ده مش كلام نابع عن غيظ و لا حاجة، بس دى فعلا الحقيقة، الناس مش بتحب ان حد يضحك عليها او يحس ان حد بيسرقها فى مالها، و انتو بتسرقو الناس، و معلش يعنى، كل واحد صاحب كشك عربيات هو عامل البزنس ده عشان "الناس" تشترى منه، فورونا بقى انتم و لا الناس
و التجارة فى اى حاجة و فى اى حته فى الدنيا، مكسب كبير، و كسب قليل و خسارة، و انتم بقى عاوزين ديما المكسب الكبير لدرجة الجشع
معلش انا طولت عليكم شوية، بس و الله العربية لما نزلت لى 129 الف، المبيعات رجعت تانى زى الاول، و ده كان فى مصلحه الكل، انتم شغالين و الناس بتشترى و هى مبسوطة

يلا، الواحد بس كان نفسه تتعملو بشوية ذكاء، بس خليكم طماعين و احنا برضه مش هنشترى

و خلوها تصدى و تولع بجاز

[Eng.Sameh]

على فكرة أنا عرفت من مصدر موثوق فيه جدا بالنسبالي أن العربيات اللي كان سعرها نازل ل 130000 دي كانت استيراد من اوروبا وغير ملائمة للشرق الأوسط وعشان كده كانو منزلين في سعرها وواضح أن الدفعة دي لما خلصت رجعو تاني للسعر الطبيعي للسيارات الخليجي ، فمحدش يزعل لأن اللي كنت هتوفرو في العربية كنت هتتبهدل بيه ، وعموما المازدا3 ايرو في السوق سعرها أصبح بيتراوح من 145000 الى 150000 ، بس عموما بردو سعرها بالنسبة لأمكانياتها يعتبر أحسن من اي عربية ياباني تانية في السوق ، واهي بردو اقل بفرق كبير من الشكل الجديد اللي هوه غير مفضل عن الشكل الحالي في جميع أسواق العالم لدرجة أن فيه دول الشكل القديم فيها أغلى من الجديد

[som3aa]

على فكرة أنا عرفت من مصدر موثوق فيه جدا بالنسبالي أن العربيات اللي كان سعرها نازل ل 130000 دي كانت استيراد من اوروبا وغير ملائمة للشرق الأوسط وعشان كده كانو منزلين في سعرها وواضح أن الدفعة دي لما خلصت رجعو تاني للسعر الطبيعي للسيارات الخليجي ، فمحدش يزعل لأن اللي كنت هتوفرو في العربية كنت هتتبهدل بيه ، وعموما المازدا3 ايرو في السوق سعرها أصبح بيتراوح من 145000 الى 150000 ، بس عموما بردو سعرها بالنسبة لأمكانياتها يعتبر أحسن من اي عربية ياباني تانية في السوق ، واهي بردو اقل بفرق كبير من الشكل الجديد اللي هوه غير مفضل عن الشكل الحالي في جميع أسواق العالم لدرجة أن فيه دول الشكل القديم فيها أغلى من الجديد

لأ الكلام دا مش مظبوط , دى برده من الاشاعات اللى بيطلعا التجار علشان يغلوا العربيات منغير الناس متتكلم , اولا العربية سعرها كان 132 الف عند سمير ريان لاكتر من سنة(يعنى مش شهر و لا شهرين) بعدين رخصها ل 128 لما الجديدة نزلت و رفعها تانى اكيد لما حسبوا الموضوع تانى و قالك لازم نعوض اثر انخفاض المبيعات و دلوقتى فى معارض بيتبعها ب 134 زى معرض السقا (معرفش دى ضمان و لا لأ) و فى ب 141 عند الطارق بضمان سونستا , انما سعر 150 الف دا عمرها موضلتله فى اى وقت من الاوقات , زمان كانت ب 140-145 و ارخص عند الموزعين و حضرتك شوفت التاجر كان هيجيبهاكوا بكام , انا رايى السعر دا استغلال مش اكتر علشان يخلصوا الستوك اللى عندهم و ينزلوا الجديدة و دا رايى الشخصى , و دى نصيحة لحضرتك متمدفعش و بشترى باسعار مبالغ فيها لانها حركات مفقوسة و الناس كلها عارفاها.

[Ahmed Nouh]

والله حسب معلوماتى موضوع رفع السعر حصل بناء على رفع توكيل العربيه لفواتير الاستيراد الاصليه ( غبور ) علشان يوقع العربيه فى السوق

وطبعا الجمارك بتعمل بفواتير التوكيل فعلشان كدا سونستا وسمارت كار اترفع عليهم الجمارك واضطرو يرفعو الفئه الاولى دى من 136 ل 150 والفئه التانيه تبقى ب 169

وفعلا العربيه سعرها هيبقى 178 ان لم يكن السعر ده نزل السوق بالفعل

اهو غبور كدا ولا منه جاب العربيه ولا منه عايز الناس تبيعها وقف حال وخلاص

[Eng.Sameh]

لأ الكلام دا مش مظبوط , دى برده من الاشاعات اللى بيطلعا التجار علشان يغلوا العربيات منغير الناس متتكلم , اولا العربية سعرها كان 132 الف عند سمير ريان لاكتر من سنة(يعنى مش شهر و لا شهرين) بعدين رخصها ل 128 لما الجديدة نزلت و رفعها تانى اكيد لما حسبوا الموضوع تانى و قالك لازم نعوض اثر انخفاض المبيعات و دلوقتى فى معارض بيتبعها ب 134 زى معرض السقا (معرفش دى ضمان و لا لأ) و فى ب 141 عند الطارق بضمان سونستا , انما سعر 150 الف دا عمرها موضلتله فى اى وقت من الاوقات , زمان كانت ب 140-145 و ارخص عند الموزعين و حضرتك شوفت التاجر كان هيجيبهاكوا بكام , انا رايى السعر دا استغلال مش اكتر علشان يخلصوا الستوك اللى عندهم و ينزلوا الجديدة و دا رايى الشخصى , و دى نصيحة لحضرتك متمدفعش و بشترى باسعار مبالغ فيها لانها حركات مفقوسة و الناس كلها عارفاها.

اتصل بمعرض فور برزرز واساله هيقولك ب 150 رغم وهتلاقي اعلاناته في جرنال الجمعة كل اسبوع ، وبعدين أنا مش بتكلم وخلاص أنا لسه شاري وعارف كل حاجة تخص المازدا3 في الوقت الحالي ، وكمان انا شوفت المازدا 3 اللي كانت معروضه من قريب بالأسعار المخفضة وفيها فعلا اختلافات غير الخليجي حتى في الفرش ، وواضح انها كانت من اسوأ الدول الأوروبية لأن الخليجي فعلا انضف منها بكتير ، ومعتقدش انك ليك اي صفة في عالم السيارات او انك وكيل المازدا3 عشان تنفي كلامي وتقولي مش مظبوط !!!!!!!!!!

[Ahmed Samy]

والله حسب معلوماتى موضوع رفع السعر حصل بناء على رفع توكيل العربيه لفواتير الاستيراد الاصليه ( غبور ) علشان يوقع العربيه فى السوق

وطبعا الجمارك بتعمل بفواتير التوكيل فعلشان كدا سونستا وسمارت كار اترفع عليهم الجمارك واضطرو يرفعو الفئه الاولى دى من 136 ل 150 والفئه التانيه تبقى ب 169

وفعلا العربيه سعرها هيبقى 178 ان لم يكن السعر ده نزل السوق بالفعل

اهو غبور كدا ولا منه جاب العربيه ولا منه عايز الناس تبيعها وقف حال وخلاص

ربنا يديله على قد نيته

[ashraf229]

ما هي موضه بقت......احانا بنحب كلمة الغالي تمنه فيه

ازاي العربية تنزل بسعر معقول و النس تقبل عليها ساعتها هتكون بيئة و مش حلوة

لازم تكون اغلى عربية في فئتها علشان تحس بأنها اتغيرت و تحولت لموديل راقي بسعر غالي فتحس انك معاك عربية سوبر

موضوع الأرباح الجنونية ده لازم يكون له أخر ده تهريج مازدا ب 177 ألف !!!!! حاجة تجنن!!!

[mazda323]

المازدا كل تقفيلها ياباني الشركة الوحيدة اللى سياراتها يابانية الصنع وشكرا تامر عاشق المازدا

برجاء عدم استخدام اللون الاحمر حيث انه مخصص للمشاركات الاداريه
مشرف عام الياباني