سحب الأوتوماتيك في مازدا3

[waleedseng]

أنا عايز أسأل عن سحب الأوتوماتيك في مازدا3 2009 بطيء ولا سريع.
يعني مثلاً أسرع من سحب الأوتوماتيك في لانسر بوما ولا أيه نظامه

[horas3000]

انا هحكيلك عن تجربتي الشخصية اكرر الشخصية عشان عارف ان في ناس كتير ممكن ميعجبهاش الكلام

مبدايا الكلام ده كله حصل في الكويت (تفرق عشان البنزين 98)
المقارنة كانت بين لانسر بومة 2004 ماشية 40,000 انا اللي كنت سايق و مازدا 3 2007 ماشية 20,000 و صاحبها كان سايقها. و طلعت منة بس الفرق بصراحة مكانش كبير لكن معرفش يجيبني. و كررنا المحاولة و هو جرب السترب ترونك و انا جبت ال Ds و نفس السيناريو حصل تاني. و علي مدار اكتر من محاولة نفس النتيجة

انا بصراحة كنت شبه متاكد ان المازدا هي اللي هتطلع لاني لما ركبتها مع صاحبي و سوقتها اكتر من مرة سحبها كان هايل و احسن حاجة فيها صوتها. رياضي من الدرجة الاولي علي عكس اللانسر اللي صوتها بيعلي اوي بس ده سببه الفتيس ال CVT لكن النتيجة كانت غير كده بتفوق اللانسر في كل مرة

الخلاصة الفرق بينهم صغير ومش فارقة الا في موضوع الصوت ده

[janjon1978]

السحب اكتر من ممتاز داخل المدينة يعنى نديلة 10 \10 اما فى الdrag فالاتوماتيك عموما لا يصلح لكن برضة نديلة 8\10 و على فكرة فكرة اتوماتيك المازدا من احسن انظمة الاتوماتيك

[Fadi Ezzat]

بص بصراحة الاوتتوماتيك بتاع المازدا 3 تحفة وخصوصا الاستبرتونيك
بتاعة دمار بجد بيخلى العربية تجيب من 0-100
فى 10.5 بس يعنى من الاخر

[محمد عز]

السحب جيد جدا

لو انت من هواة الشد كل ما عليك انك تضغط على دواسة البنزين للاخر

وهتلاقى وحش طلع من مكانه

والله مش تحيز للعربيه

[enas75]

شوف بتجربتي انا الشخصيه المازدا تتفوق علي لانسر في الاتوماتيك بس ده لانسر في مصر جايز الخليجي تفرق
ده انا حتي بسبب لانسر الاتوماتيك كنت قررت اني مش حجيب اتوماتيك لو كلهم سحبهم زي لانسر بحس انها مخنوقه وفين وفين لما تجمع ده السيراتو الجديده بتجمع اسرع منها بكتييييير
المازدا غير.... دي طلقه ......لولا انها متناسبش ظروف استعمالي العائليه كنت جبتها....
وربنا يوفقك

[NaviGator_13]

هو صراحة مجربتهاش
بس سحب ال لانسر الاوتو مش بطال طبعا ال 1600
وبالنسبة للعضو horas3000
ليه مجربتش تبدل العربية مع صحبك وتجرب تانى !

[horas3000]

وبالنسبة للعضو horas3000
ليه مجربتش تبدل العربية مع صحبك وتجرب تانى !

ما جاتش فرصة و الله
احنا كنا في مشوار و مروحين و الطريق كان مغري فقولنا نجرب
بس عموما صاحبي دي سواقته حلوة و بيجري كتير
و علي فكرة اللانسر ما كانتش عربيتي ده عربية اختي و انا ما كنتش متعود عليها قوي
هي كان نجمها عالي اليوم ده الله يسهل عليها

[AmRElSiSi]

الصراحه انا مش عاجبنى سحب العربيه بس السبب ان انا مركب جنط 17 على كاوتش 245/40 خلفى و 225/45 امامى
يعنى جنط كبير و كاوتش عريض
ده ممكن يكون السبب
بس برضه سحبها مش وحش اوى

[Fadi Ezzat]

الصراحه انا مش عاجبنى سحب العربيه بس السبب ان انا مركب جنط 17 على كاوتش 245/40 خلفى و 225/45 امامى
يعنى جنط كبير و كاوتش عريض
ده ممكن يكون السبب
بس برضه سحبها مش وحش اوى

هههههههههههه
انت كدة بتقتل العربية حررررررررررررام عليك كاوتش 245/40
دة بيقتل العربية مش بيمشيها
بس طبعا الثبات معاك نار

[creative]

المازدا من احسن السيارات اللى ممكن تسمتع بقيادتها

[AmRElSiSi]

اكيد الثبات اكتر من ممتاز بس السحب فى الاول و التانى ضايع

[body]

اكيد الثبات اكتر من ممتاز بس السحب فى الاول و التانى ضايع

السحب ضايع فالاتوماتيك ازاى ياباشا ؟

يعنى زى السوبارو تقيلة فى الطلعة الاولى ؟

[AmRElSiSi]

body
حضرتك شكلك ماتبعتش الموضوع من الاول
انا بتكلم على عربيتى بس مش اى مازدا
انا السبب فى الجنط و الكاوتش