مشاكل فى تكييف المازدا

[mohhmekk]

انا معايا مازا3 2009 وعندى مشاكل فى التكييف
1- التكييف شغال بمزاجة يعنى يطلع شوية هوا ساقعين وشوية هوا عادى مش سخن ولا ساقع
2- لما بقفل الفتحات اللى تحت عند الدواسات بطلع بردو هوا خفيف

انا شاريها من سونستا وبروح الصيانة عند ياسين قالولى و روحت كذا مرة علشان المشكلة دى ومتحلتش بردو

رايكوا اية

[محمد عز]

مشكلة سنسور فى التكييف

خليهم يكشفوا عليه

كان فيه زميل هنا فى المنتدى كان عنده مشكلة مشابهة

[Fadi Ezzat]

بص هو فية احتمالين مفيش غيرهم
1-فلتر تكييف ودة امرة سهل
2-الكمبروسور ودة غلس شوية بس كلة بيهون

[makavelimorsy]

أنا بردو حاسس إن التكيف عندي مش قد كدا بس الكل البيركب معايا بيقولي لأ د حلو ... بس أنا مش مقتنع ا إنشاء الله ناوي أروح التوكيل اكشف عليه بعد مخلص إمتحناتي .. بس أنا التكيف عند بكر مش توتش فد بردو يكون سنسور ولا اه ؟؟؟؟وبرد أنا بتعاتي من سونستا ؟؟؟؟ ولا هو ممكن يكون محتاج شحن ؟؟؟

[ahmed_739]

دا موضوع فلتر التكييف
ولو مش فلتر يبقى شوف الفريون لان لو الفريون ناقص او زايد الكباس لازم يفصل واى حاجة انا ممكن افيدك لانى عنيت من موضوع التكييف دة قبل كدة

[Eng.Sameh]

غالبا الفلتر من آثار الشحن والمينا وخلافه .. لكن صعب جدا يكون كومبريسور او حساس وهي 2009 ، ومن ناحية التكييف بتاع المازدا3 عموما فأنا شايفه ممتاز جدا ( اللي عندي اوتوماتيك )

[mohamed Gamal]

أنا عاوز انظف فلتر التكييف هو مكانه فيين بالضبط في المازدا 3 ؟؟؟؟

[samo_mohsen]

لو الهوا الي طالع من التكيف مش قوي خلي بالكو من ممكن يكون في فتحه بتسرب التكييف ولا حاجه تحتاج انها تتلحم او الكمبريسور يتغير ب 400 جنيه وفي الغالب بيتكشف علا الدوره كلها عشان يتعرف العيب فين ب الضبط