انا محتار جدا بالله عليكم

[sholef]

السلام عليكم يازملاء المنتدي الكرام وكل عام وانتم بخير
بجد انا في حيره من امري انا دلواتي معايا حوالي 17000ج وعايز اشتري عربيه وبجد نفسي اركب المازدا الهاتشباك وخايف اجيبها وتعذبني في اماكن تصليحا وقطع غيرها الغاليه ومش عايز اركب 28 انتو ايه رايكم بالله عليكم عشان انا محتار وانا مابفهمش في العربيات اوي ومش عارف اعمل هل اجيب المازدا ولا اجيب ال28

[sholef]

ياريت حد يرد علي بالله عليكم

[Ahmed Hassan]

لو قصدك على المازدا ٣٢٣ هاتها احسن كتير من ال ١٢٨

كمان قطع غيارها مش غاليه ولا حاجه و كمان منتشره. المهم تكون حالة العربيه كويسه

[khaled_rafea]

الماذدا قطع غيارها رخيصة و متوفرة و صيانتها سهلة حجدا وبرقبة ال28 , توكل على الله وهاتها و مش حتندم ان شاء الله

[mohamed777]

فعلا المازدا عربية محترمة جداً
بالرغم من انها قديمة لاكن ناعمة وبتسحب كويس بس المهم الحاله اللى انت هتشتريها خلى بالك كويس
وقطع غيارها رخيصة ومتوفرة فى التوفيقية وفى اماكن تانية
توكل على الله

[max52lolo]

هى عربية فوق اللممتازة بالنسة 28 واكبر واقتصادية وانسيابية عن 28 بس خلى بالك لازم يكون معاك حد بيعرف فى العربيات لانك زى مبتقول متعرفش فى العربيات وتوكل على الله وهات 323

[himaz]

مازدا اكيد

توكل على الله و ممكن تاخد حد من عند نبيل مازدا يكشفلك عليها كويس و فى بنزينة بردو زيادة تاكيد




انا فاكر واحد زميلى كان معاه 28 نضيفة جدا اول ماشاف المازدا بتاعتى غير و باع ال 28 و جاب مازدا 323

ربنا يوفقك يا باشا