كل ما يخص مازدا 323 موديل 82 (اعطال.قطع غيار.كماليات)

[Android]

حد جرب الكبالن الصينى يقولنا اخبارها ايه

بالنسبه للكبالن انا كنت شاري راسين كوبلن من زيدان الى في الدقي الاتنين ب 180 مكتوب عليهم تايواني وهو الى بيستوردهم جبتهم من شهر ونص تقريبا والحمد لله شغالين تمام بس بصراحه معرفش فيه كبالن صيني ولا لأ

وبالنسبه للزيت بصراحه انا داخل في دماغي زيت اسمه visco فيسكو لزوجته عاليه وبيقولو انه بيعمل شغل عالى مع العربيات القديمة وصوت الماتور بيبقي هادي وبيستحمل الحر والماتور سحبه بيتحسن طبعا هو سعره تقريبا 120 جنيه بس طبعا كل عربية وبترتاح لزيت معين وان شاء الله نجرب ونشوف النتيجه
وزيت الفتيس من اسبوعين عديت على قشطه وقلتله يبصلي عليه بص قالي ناقص تقريبا كيلو فجابلي من بتاع الزيوت الى قدامه جركن التعاون لونه احمر كده ب 17 جنيه وزوده فمعرفش بقي هل نوع الزيت بيفرق في حاجه ولا ايه الدنيا وهل ممكن يتغيير كله

اها ويا ريت لو حد يعرف انضف فين الردياتير واسلكه في اي بنزينه ولا اماكن معينه وحد جرب يحط الميه الخضرا والكلام ده مع العلم ان الردياتير عندي فيه خرطوم فايظ هو وتنك البنزين

[abdo7000]

السلام عليكم
حد من اخواننا هنا ركب تكيف لسيارتة المازدا يقولنا اخبار التكيف مع عربيتة اية ؟؟؟
ومين افضل فني تكيف يمكن التعامل معاة ؟؟؟

[ahosny]

السلام عليكم,
ازيكم يا شباب ايه الاخبار. كنت عايز اقول شويه حاجات كده حصلت معايا :d. اولا بخوص نوع الزيت انا الميكانيكي نصحني بكالتكس الازرق او شل الاحمر. اللي ارتحت معاه اكتر شل الاحمر. زيت تقيل و سعره غالي نسبيا حوالي 80 جنيه بس بيكمل معاك لقرب ال 3000 و احسن كتير من التعاون عن تجربه.
المهم كانت العربيه عندي بتنقص الزيت و الميكانيكي قالي في الاخر دي بتاكل زيت و الموتور خفيف. مقتنعتش بس مكنش عندي اختيارات.خصوصا ان البوجيهات مكنتش بتعرق زيت و قالولي عادي ممكن تحصل.
من كام يوم لاقيتها بتنقط زيت جامد طول ما العربيه دايره. روحت لاقي ساعه الزيت و دي شبه صاموله كبيره كده ب 15 جنيه مش عارف لزمتها ايه بتنقط. المهم غيرتها هيه و اولسيه الزيت "بالمره" و بعديها العربيها مبقتش بتنقط و استهلاك الزيت اللي فيها قل كتيييييير . لسه بتاكل زيت بس حوالي 20% من اللي كان في الاول. غالبا الساعه دي كانت بتنقط خفيف في الاول و محدش خد باله لحد ما فتحت خالص و غيرتها. لو حد عنده مشكله نقط الزيت ممكن يتاكد من ان الساعه مش بتعرق. سؤالي بقي انتوه بتغيروه تيل الفرامل في المتوسط كل كام الف تقريبا؟

[mazagngi2010]

صور الاسكترا لما كان الشحم دايب




اتاكدوا ان الكاوتشه اللى بتغطى الحته دى سليمه



قشطه ظبط الرجلاش من هنا

[mazagngi2010]

الصالون اتعمل اخيرا ياجدعان للاسف مصورتش قبل كتير بس عموما كانت الكراسى معفنه والسوست ضاربه والكراسى مهبطه والمكن بايظ وبيعلق وحاجه اخر قرف
فيه صور قديمه لانى نسيت اصور قبل :(








اثناء الشغل







مرشتش الحمد لله





ضهر الكنبه اللى ورا و المخدع اللى قدام والقالب (ركبت 4 قوالب للكرسيين اللى قدام)



كان فيه سوست مكسوره



ايه رايكم فى التفصيله؟ هى مش زى جينز كار طبعا وكنت عايز اعمل حتت سودا بس رجعت فى كلامى




حتت بيج فى الابواب علشان تكسر السواد ده























اللى اتجاب
4 قوالب نوبيرا ب 300 (كنت ممكن اجيب الشاهين اطول بس شكله زفت زى مانتوا عارفين)
مخدعين نوبيرا 150 وطلع الحديد بتعها نفس مقاس بتاع المازدا بالظبط
سوست وسفنج وحداده وتظبيط المكن وجلد المانى مع انى حاسس ان المانى دى اشتغاله وخامات ومصنعيه وتثبيت ونتضيف الارضيه القديمه مكنتش طالبه 200 جنيه كمان علشان اعملها جلد فخليتنى على القديم
وطبعا فرش البيبان اتلزق كله من اول وجديد كان فاكك واتعمله الحتت التعبانه اللى فوق دى

( الكراسى بقت بترجع للاخر وتقدم والضهر بيروح وييجى مش مصدق بصراحه بس فيه فرق صغير بيحصل لما تثبته على وضع معين مش مشكله كنت فين وبقيت فين)

الكراسي عليت واهم حاجه الضهر اللى مكنش له اى لازمه وبيوصل لنص ضهرى بقى مريح جدا وطويل الواحد كان ضهره بيتقطم بعد اى مشوار

المهم الموضوع صرف كله كله فى حدود 1150
وطبعا متاكد ان اتنصب عليا بس مش طالبه افكر كتير علشان مش ناقصه زعل
واصلا مستعجل وعايز اخلص فمديتش البحث عن السروجى حقه

الصنايعى اللى اشتغل كويس بس حاسس انه غالى ومنصحش حد يروحله علشان الغلو ده ممكن يكون الشغل اللى اتعمل فى العربيه كتير وده سبب الغلو وممكن انا اللى حاسس انه غالى معرفش

العربيه دلوقتى كراسيها عليت واريح بكتييييييييير للصبح
فعلا كانت كنبه

الخطوه الجايه اعرض الكاوتش
وبعد كده تاخد العين التمام ونعمل الحادثه على نضافه

رايكم ايه فى الشغل والتطريزه واللون
وربنا يستر طريق الكل

[mazagngi2010]

فيه مقابله فى مول العرب (اكتوبر) الخميس الجاى بالليل ياريت تيجوا ياجدعان

http://www.nilemotors.net/Nile/287077-a.html

[Android]

الصالون اتعمل اخيرا ياجدعان للاسف مصورتش قبل كتير بس عموما كانت الكراسى معفنه والسوست ضاربه والكراسى مهبطه والمكن بايظ وبيعلق وحاجه اخر قرف
فيه صور قديمه لانى نسيت اصور قبل :(








اثناء الشغل







مرشتش الحمد لله





ضهر الكنبه اللى ورا و المخدع اللى قدام والقالب (ركبت 4 قوالب للكرسيين اللى قدام)



كان فيه سوست مكسوره



ايه رايكم فى التفصيله؟ هى مش زى جينز كار طبعا وكنت عايز اعمل حتت سودا بس رجعت فى كلامى




حتت بيج فى الابواب علشان تكسر السواد ده























اللى اتجاب
4 قوالب نوبيرا ب 300 (كنت ممكن اجيب الشاهين اطول بس شكله زفت زى مانتوا عارفين)
مخدعين نوبيرا 150 وطلع الحديد بتعها نفس مقاس بتاع المازدا بالظبط
سوست وسفنج وحداده وتظبيط المكن وجلد المانى مع انى حاسس ان المانى دى اشتغاله وخامات ومصنعيه وتثبيت ونتضيف الارضيه القديمه مكنتش طالبه 200 جنيه كمان علشان اعملها جلد فخليتنى على القديم
وطبعا فرش البيبان اتلزق كله من اول وجديد كان فاكك واتعمله الحتت التعبانه اللى فوق دى

( الكراسى بقت بترجع للاخر وتقدم والضهر بيروح وييجى مش مصدق بصراحه بس فيه فرق صغير بيحصل لما تثبته على وضع معين مش مشكله كنت فين وبقيت فين)

الكراسي عليت واهم حاجه الضهر اللى مكنش له اى لازمه وبيوصل لنص ضهرى بقى مريح جدا وطويل الواحد كان ضهره بيتقطم بعد اى مشوار

المهم الموضوع صرف كله كله فى حدود 1150
وطبعا متاكد ان اتنصب عليا بس مش طالبه افكر كتير علشان مش ناقصه زعل
واصلا مستعجل وعايز اخلص فمديتش البحث عن السروجى حقه

الصنايعى اللى اشتغل كويس بس حاسس انه غالى ومنصحش حد يروحله علشان الغلو ده ممكن يكون الشغل اللى اتعمل فى العربيه كتير وده سبب الغلو وممكن انا اللى حاسس انه غالى معرفش

العربيه دلوقتى كراسيها عليت واريح بكتييييييييير للصبح
فعلا كانت كنبه

الخطوه الجايه اعرض الكاوتش
وبعد كده تاخد العين التمام ونعمل الحادثه على نضافه

رايكم ايه فى الشغل والتطريزه واللون
وربنا يستر طريق الكل

الف مبرك يا مزجانجي
بصراحه العربية تحس انها نورت من جوا والكراسي شكلها بقت مريحه وفرق شاسع عن القديمة يا راجل ربنا يباركلك فيها وتعيش وتدوب بس انت دايما اهتم بنضافتها لان اللون البيج بيبان فيها الهوا فخلي بالك وبلاش شحم او زيت او الكلام ده يجي عليه ودايما نضف الكراسي اول باول من التراب عشان لونها ميغمقش ولمع التابلوه بقي وعيش يا معلم
بصراحه انت قومت مع المازدا دي بالواجب وزياده وان شاء الله ربنا يحفظهالك من كل شر وحسد

انا برده كنت بفكر اظبط الصالون بس قلت لسه لما ابقي اديها وش نضافه من بره وبعدين ادخل على الصالون من ارضيه لسقف والكراسي دي اخر حاجه
وبصراحه جينز كار دي بتعمل حاجات فظيعه فناوي ابقي اعملها هناك هي اه هتتكلف بس بصراحه شغلهم حلال فيه كل قرش

[mazagngi2010]

فعلا اكبر مشكله هتقابلنى هى النضافه لانى مهمل شويه
للاسف مش هينفع جينز كار لانى كلمت ا-احمد مشعل بتاع جينز كار وقاللى للاسف مينفعش نشتغل فيها علشان معندهمش القوالب بتاعتها ! مع انها كانت هتعمل معاه شغل جامد وهتكون تحدى محترم ليهم
فرحت للسروجى :(

[Android]

فعلا اكبر مشكله هتقابلنى هى النضافه لانى مهمل شويه
للاسف مش هينفع جينز كار لانى كلمت ا-احمد مشعل بتاع جينز كار وقاللى للاسف مينفعش نشتغل فيها علشان معندهمش القوالب بتاعتها ! مع انها كانت هتعمل معاه شغل جامد وهتكون تحدى محترم ليهم
فرحت للسروجى :(

ايه الاحباط ده يعني ايه معندوش القوالب يخرابي

المشكله انه بيعمل الفابريكة بتاعه العربية وفي الغالب بتوع المازدا بيبقو عايزين يعلو الكراسي ويغيرو فيها وقتها هبقي اعمل محاولة معاه تاني يمكن يوافق او على الاقل يعمل الارضيه والسقف مش لازم الكراسي

يعني اخرتها هينتهي بيا الحال عند سروجي يجرب فيا وياكل على قفايا عيش وحلاوة

[mazagngi2010]

على فكره الموضوع طلع سهل مش كيميا زى ماكنت فاكر
هو بيجيب الكرسى على الشاسيه وبيلبس القالب الجاهز فيه فيه وبيثبت بشويه سلوك معاه ويحط الكسوه اللى بيفصلها وفيها السفنج ويشد الكلام ده على قد مايقدر ويدبس بسلوك وشكرا
الفن كله فى التطريز والمقاسات والتدبيس والسلك
غير شغل المكن المقرف
اللى عاجبنى هو الضهر اللى علي بعد ماكان قصير موت

[mado83]

مبروك يا مزاجانجى وربنا يكفيك شر العين

[mazagngi2010]

الله يبارك فيك يامادو
بعد مالفيت على كاوتش عريض ملقيتش للاسف اللى انا عاوزه
اه لو كان جنط 15 بدل 14 كان زمانى هايص
المهم
اشتريت 4 فرد جى تى شامبيرو
GT Radial CHAMPIRO GTX-60
مقاس r14 -60-185 زى مقاس الكوموهو اللى كان راكب
فعلا الكوموهو كان زباله بالذات الفرامل وسعر الجى تى معقول
الفرده ب 380 بالترصيص والبلف والتركيب والهوا طبعا من سمير بيومى اللى فى الدقى

فاضل تربيط العفشه وظبط الزوايا وبس كده علشان ورمت وربنا يسهل وناخد خيرها تانى ل8 شهور ولا حاجه
الفرد القديمه كانت متلغمه مسامير وداخله لجوه عادى خالص الحياه حلوه
استنضفت فردتين من الكوموهو اللى كانوا معايا وروحت بيهم لو حد محتاج فرده منهم ياخدها

[Android]

الله يبارك فيك يامادو
بعد مالفيت على كاوتش عريض ملقيتش للاسف اللى انا عاوزه
اه لو كان جنط 15 بدل 14 كان زمانى هايص
المهم
اشتريت 4 فرد جى تى شامبيرو
GT Radial CHAMPIRO GTX-60
مقاس r14 -60-185 زى مقاس الكوموهو اللى كان راكب
فعلا الكوموهو كان زباله بالذات الفرامل وسعر الجى تى معقول
الفرده ب 380 بالترصيص والبلف والتركيب والهوا طبعا من سمير بيومى اللى فى الدقى

فاضل تربيط العفشه وظبط الزوايا وبس كده علشان ورمت وربنا يسهل وناخد خيرها تانى ل8 شهور ولا حاجه
الفرد القديمه كانت متلغمه مسامير وداخله لجوه عادى خالص الحياه حلوه
استنضفت فردتين من الكوموهو اللى كانوا معايا وروحت بيهم لو حد محتاج فرده منهم ياخدها

الف مبروك يا مزجانجي

بس هو فعلا الكوموهر كان وحش كده ؟!! انا احترت ناس بتشكر فيه وناس تانيه بتلعن فيه ايه الحكايه

وانت فعلا من فترة كنت كاتب انك عايز تغير الكاوتش وكنت تقريبا عايز تجيب كونتيننتال يا تري غيرت رايك ليه عشان سعره ولا ايه الى حصل وكمان النوع الى انت جايبه ده اول مرة اسمع عنه يا تري حد نصحك بيه ولا انت هتجرب

ان لا عندي جنط ولا بتاع ..هو الحديد بتاع العربية بالكاوتش الى كان فيه وقت ما اشترتها مغيرتش حاجه ولا اعرف مقاسه كام اصلا .انا كنت بفكر اني اجيب كاوتش عريض عشان العربية ترتاح شويه لاني بصراحه مش بحب الجنط في الاحجام الصغيرة
بالمناسبه انا مرة شوفت عند قشطه مازدا مركبه جنط المازدا ثري كان عملاق جدا معرفش ازاي العربية مستحملاه كانت عربية اسود في احمر مط متظبطه اخر حاجه بس كنت مستعجل فملحقتش اسال صاحبها

المهم ربنا يستر طريقك وابقي بلغنا بالنتائج اول باول

[mazagngi2010]

احتمال تكون اللى شفتها انا ومادو عند قشطه العربيه دى
راكب جنط 15 وكاوتش عريض ماشاء الله على ثباتها مكلبشه فى الارض مفيش اى عومان


عن تجربه 35 الف للكوموهو
فرده فرقعت بعد 8 الاف كيلو زعلت عليها بصراحه
فرده عملت بالونه بعد 20 الف
فردتين لسه معقولين
الكوموهو عملى يعنى مبيتخرمش كل شويه او ينفس متخرمش معايا الا 3 مرات لحد ماغيرته غير المسامير اللى كنت بسيبها فيه ومبرضاش الحمه
لكن كفرامل كان زباله يسمعك احلو تصويت ومكنش بيكلبش فى الارض يصوت ويزحف وخلاص !!!!
ممكن اللى بيشكروا فيه علشان مركبين موديل اكستا مش السولاس الزباله اللى كان عندى
غير انى محبتش نقشته كانت عاديه وخنيقه
الجى تى ماركه محترمه جدا بشهاده ناس كتير فى المنتدى زى ا-ممدوح وده بحترم ردوده جدا
وفعلا فكرت فى الكونتننتال بس مرتحتش لنقشته رغم انه ممتاز وحبيت الم الليله شويه فى الفلوس
اللى مجننى ان العربيه لما اشتريتها كان فيها كاوتش واطى وعريييييض بس كانوا ضاربين سلك كلهم سالت زميلى اللى جيبتها منه قاللى شاريها بيهم

[Android]

مش عارف ليه بتلعب في دماغي اني اركب جنط مازدا 15 زي الواد مركبه بصراحه شكل وثبات ملهمش حل

بس طبعا تاثير على العفشه لاي درجه ؟!!!

في ناس بتقول اهم حاجه وزن الجنط يكون نفس وزن الجنط الفابريكه ومش مهم الحجم وفي ناس بتقول لازم الحجم والوزن يكونو زي الفابريكة
بس هو التاثير بيكون على انهي جزء بالظبط في العفشه لان في واحد عفشجي قبل كده قالي مازدا 323 بيركب عليها مساعدين النيسان الصني مع تعديل بسيط بس بتعمر اكتر من المساعدين الاصليه بتاعه العربية لان طبعا في فرق بين وزن النيسان والمازدا

بصراحه عايزين استشارة حد خبرة في الموضوع ده
وهبقي ابص على الكاوتش الى راكب عندي مقاساته كام لاني عمري ما قريت الى عليه بس كنت بلاحظ ان الفردتين الى قدام اعرض من الى ورا او ممكن يكون تهيأاات