كل ما يخص مازدا 323 موديل 82 (اعطال.قطع غيار.كماليات)

[mazagngi2010]

ياريت كلنا نشارك بعض فى اى حاجه بنعملها ياجدعان

http://www.nilemotors.net/Nile/276632-a.html#post3874164730

السلام عليكم ورحمة الله وبركاته

بقالنا فترة بنشتكي من الركود في المنتدى هنا بشكل محبط للغاية

ومننكرش قد ايه المنتدى ده ادانا وكان مرجع لينا كلنا وانا اولكم والله

بالنسبالي اصبح المنتدى جزء من حياتي لا استطيع الاستغناء عنه

واي حاجه بعملها في العربية لازم يكون للمنتدى دور فيها

من هذا المنطلق, النا حبيت اننا نرجع لسابق عهدنا ونرجع المنتدى تاني للقمة خصوصا وان عندنا منسق في القسم من اروع مايكون
اكسيل باشا Axel

طيب لو حبينا نتكلم عن المشكلة فين تحديدا؟؟؟

الحمد لله عدد اعضاء مالكي السوزوكي كتير ولكن الحقيقه محدش بيشارك برأيه واللي بيشارك غالبا بيبقى بيستفسر عن حاجه وبعدها ادي وش الضيف....

طيب ليه لما نستفسر عن مشكلة منرجعش تاني وندي فيدباك ونقول ايه اللي حصل واتحلت ازاي؟؟؟
ده كمثال اننا نحول مواضيع الاستفسارات السريعة والمشاكل الى مواضيع فعالة وبناءة في القسم

ياترى كم واحد بيعملنا تقارير عن الحاجات اللي بيعملها في العربية؟؟؟
ولا احنا مبنحبش نفيد زي مبنستفيد؟؟؟

عالمستوى الاجتماعي...
انا اتشرفت بمعرفة ناس كتير في المنتدى من اروع مايكون
اخلاق وخبرات وتعامل كويس

طبعا ده الجانب اللي بيتطور يوم عن يوم بفضل الله وبفضل المقابلات البناءة

انا والله بوجه رسالة لكل واحد بيخش على منتدى السوزوكي وبقوله بجد نفسي اشوفكم واحد واحد واتشرف بيكم وافيدكم واستفاد منكم...

حاليا يبقى عندنا شوية اهداف عايزين نحققها لحل المشكلة الحاصلة...

1- زيادة عدد المشاركات البناءة

2- زيادة عدد التقارير سواءا المصورة او الغير مدعومة بالصور

3- نشر الدعاية للمنتدى على مختلف الأصعدة وكمثال لا للحصر على الجروبات الآتية:

https://www.facebook.com/groups/256480914367492/?ref=ts

https://www.facebook.com/groups/Suzuki.Maruti.800/?ref=ts

4- تطوير الجانب الاجتماعي بفعالية كبيره وعمل مقابلات فعالة وبلاش اقولكم كمية الاحباط لما المقابلة بترسى على شخصين والله شخصين فقط وساعتها برجع البيت حتى مبرضاش اقول اي كلمة ومبيبقاش ليا نفس اشارك

5- خلي شعارك وانت فاتح المنتدى خد وهات وحط في دماغك انك هتفيد زي مبتستفيد

6- عشان محدش يقول الموضوع بياخد وقت ولا صعب ولا انه مبيعرفش ينسق الموضوع
التقرير ده ما هو الا معلومات بسيطه حتى لو على غسيل العربية بطريقة معينه
اي معلومه جديده ومفيده اي حاجه اكتشفتها حتى لو اتكتبت قبل كده في الاعادة افاده

7- اغلب الاعضاء في القاهرة والكلام كله عالقاهره
طيب فين اعضاء اسكندرية والمحافظات التانيه؟؟؟
هو للدرجادي احنا مش قادرين نعمل تبادل خبرات موسع شوية ليشمل محافظات تانيه



مش هوصيكم بقا ياشباب
بجد بحبكم كلكم ونفسي اشوف مشاركات منكم كلكم ولو كاثبات تواجد وان عددنا مش قليل في المنتدى

وترقبو مني تقارير جامده خلال اليومين القادمين باذن الله...


تحياتي

تعددت كتاباتك باللون الاحمر لما يخالف قواعد وقوانين المنتدي
الرجاء الالتزام بالقواعد
مشرف عام 1

[mado83]

امبارح روحت البنزينه اكشف على زيت الفتيس الراجل فك بيبه السرعه زى مازاجانجى ماقال فعلا
ولقاه ناقص وزوده نص كيلو بس
ودفعت 12ج
و5 للراجل جدعنه وهو ماطلعش جدع معايا بعد مامشيت لقيته شد الواير اوى ووقع الفيشه من التابلوه بس الحمد لله ركبتها بس مازالت مشكله الطقه اللى فى الدبرياج موجوده ومش عارفلها حاجه

[bishr_nba]

النهارده رحت لبتاع العفشه وفك العجلتين الى قدام كان عندي الكوتش الي قدام على اليمين في عوجه بسيطه وكمان غيرت البيضه قدام على اليمين وظبط العفشه والاسكاترا والحمد لله العربيه نوعا ما بقت فى المطبات كويسه ودفعت كلو 60 جنيه مصنعيه و ثمن البيضه والشحم .

[hosamsief]

تغيير طقم الديبرياج .........
صباخ الخير على كل الاعضاء المازداويه ....
بأختصار .... قمت بتغيير طقم الدبرياج و بلتين العجلات الخلفية ....
التلكفه : لطقم الدبرياج و العجلات الخلفيه و وش فانوس امامى و وشين اشارة هى 620 جند
داخل ضمنيهم 66 زيت فتيس و مصنعية احمد قشطه ....
و العربية ما شاء الله بقت كويسة بس مش للدرجه اللى كنت متخليها .....
الشغل معقول جدا و المعامله جيدا و لكن حدث عند استلامى للسيارة فوجئت بأن عداد السرعه مش شغال
رحت تانى يوم عند قشطه و الراجل غيرة بواحد من عندة و اشتغل بس بيرعش شوية و بيدى قرايه اقل من اللى كان راكب فيها و كلمته تانى و قالى تعالى نشوف المشكله ده ...
المهم ... الراجل ذوق فى معاملته و محترم .......
لية سئوال ... محدش عارف سعر كابل العداد بتاع السرعه بالجراب بكام .....؟؟؟؟

[mazagngi2010]

تغيير طقم الديبرياج .........
صباخ الخير على كل الاعضاء المازداويه ....
بأختصار .... قمت بتغيير طقم الدبرياج و بلتين العجلات الخلفية ....
التلكفه : لطقم الدبرياج و العجلات الخلفيه و وش فانوس امامى و وشين اشارة هى 620 جند
داخل ضمنيهم 66 زيت فتيس و مصنعية احمد قشطه ....
و العربية ما شاء الله بقت كويسة بس مش للدرجه اللى كنت متخليها .....
الشغل معقول جدا و المعامله جيدا و لكن حدث عند استلامى للسيارة فوجئت بأن عداد السرعه مش شغال
رحت تانى يوم عند قشطه و الراجل غيرة بواحد من عندة و اشتغل بس بيرعش شوية و بيدى قرايه اقل من اللى كان راكب فيها و كلمته تانى و قالى تعالى نشوف المشكله ده ...
المهم ... الراجل ذوق فى معاملته و محترم .......
لية سئوال ... محدش عارف سعر كابل العداد بتاع السرعه بالجراب بكام .....؟؟؟؟

سلك يابانى بالجراب (الطويل مش القصير) ب 40 جنيه

[abdo7000]

السلام عليكم اخواني الكرام
لدي سيارة مازدا 323 موديل 1983 سعة الماتور 1300 والماتور حالتة معقولة
تم تركيب تكيف لها ( استيراد ) وتم تركيبة في عين شمس تكلفة تركيب التكيف والشحن ب 2100 جنيها
ولكن بعد تركيب اشعر ان العربية بتسخن وخصوصا وانا مشغل التكيف
هل يوجد حل للموضوع السخونة ؟؟؟
ومين افضل فني لصيانة الميكانيكية للمازدا 323
ومكانة وعنوانة ورقم تليفونة
دمتم بألف خير

[bishr_nba]

عايز اركب سوسته للشنطه علشان لما افتح الشنطه من جوه علشان تفتح معايا علطول وتفضل مفتوحه - حد عارف مكان السوسته دي فين ؟؟؟ وايه المقاس الى اشتريه ؟

[mado83]

لسه راجع من المرور الله يخرب بيتهم على الفلوس اللى بياخدوها
وهيا هيا البنديره قبل الثوره زى بعد الثوره حتى ماختاشوش على دمهم وقللوها
285 تأمين اجبارى
60 ورق وتصوير وملف وكده
528 ضريبه
110 مخالفات
20 لمهندس الفحص
5 للبصمه
20ج لموظفه الشباك
وحسبى الله ونعم الوكيل
على فكره الاسعار دى ل3 سنوات مع انى كنت هعملها على سنه واحده بس قولت انا مش عايز اشوف وشهم تانى لاكبر فتره ممكنه

[alsad]

السلام عليكم
ازيكم يا شباب

انا مزداوي زيكم لكن مشاركاتي قليلة جدا معلش
مازدا 323 موديل 82

الكاربراتير عندي في مشكلة من يوم ماجبت العربية عملت اكس وباب قعد معايا سنة تمام قوي وساعة ازمة البنزين اللي فاتت دي بدا يعك جامد لدرجة ان العربية ماباقتش تدور اصلا .

رحت لاتنين بتوع كاربراتير وكنت بقولهم اني عملت اكس وباب قبل كده . الاتنين قالوا محتاج اكس وباب والافضل نجيبلك واحد استيراد طالما عملته قبل كده .
بكام ياعم الحج ( 350 و 400 جنيه ) .
رجعت للي كنت عامل عنده الاكس والباب طبعا قالي مش محتاجة اكس وباب .
قالي ان البيكات اتسدت وباظت من وساخة التنك ( العربية وصلت فعلا لمستوي بنزين قليل ايام الازمة )
غير البيكات واخد 70 جنيه .

المهم العربية رجعت تاني دلوقتي بتخنق في المشي ساعات وتفتح ساعات
السحب ساعات كويس وساعات تعبان
استهلاك البنزين عالي
احيانا بوابة السرعة بتعلق وتفضل مفتوحة .

طبعا الميكانيكي غير لي طقمين تلاته كهربا بعد ماكان بيقول الكاربراتير كويس وفي الاخر لما حصلت تعليقة البوابة قال كده الكاربراتير في مشاكل .

انا مش عاوز اصلح تاني
بس ايه يضمني ان الكربراتير الاستيراد ده مش متصلح ؟؟؟؟؟ او حالته تعبانة وهيمشي اسبوع ويعملها ؟؟
الواحد يقول هاشتري من بتاع الكربراتير يشك في موضوع التصليح
يقول هايشتري من السوق يشك انه يطلع بايظ .

مش عارف اعمل ايه ؟؟ وبعدين هو سعره كام استيراد لو حد يعرف ؟؟

سؤال تاني لو بوجيه واحد بس عليه زيت وفي بخر من فايظ الموتور لكن مفيش دخنه من الشكمان والزيت مش بينقص هل يحتاج طقم شنبر ؟
وهل ممكن اركب بوجيه سن قصير والباقي سن طويل ؟؟

شكرا جزيلا
ومعذرة على الاطالة ؟

انا رحت لواحد بتاع كاربراتير كذا ميكانيكي شكروا فيه .
فتح الساعة 9 مساءا كان فيه حوالي 3 عربيات امامي . فك الكاربراتير بتاعي الساعة 11.5 وطلع الكاربراتير في الدور التاني ( المعمل )
الساعة 1.5 ناداني قالي الكاربراتير عاوز اكس وباب وطقم اصلاح . بكام يا حج قالي 170 جنيه وهيرجع زيرو وضمان سنتين . قلت له طيب ماتجيبلي واحد استيراد اريح . قالي براحتك لكن ما انا هافتحه برضه اكشف عليه وانضفه علشان يخرج على ضمانتي . ولو محتاج اصلاح اصلحه برضه .
انت بتاعك هيكون ممتاز بعد التصليح .

قلت له اشتغل يا حج .
بعدها قالي ان البيك مدقوق عليه ومش بيخرج ومبوظ القلاووظ ( وفعلا شوفته وكان كده ) المهم غير الجزء السفلي من الكاربراتير ب70 جنيه وطبعا ده ظهر في وسط الشغل .

خلص الكاربراتير الساعة 3.5 تقريبا .

ركب ياحج وجرب

انا بصراحة مش بفهم قوي في صوت الموتور والحاجات دي .

بعد ما ركب هو اللي قال الصوت مش مظبوط .
فك غطا التاكيهات وبص عليها وكانت مظبوطة . ربط هواء السرفو كويس وغير طقم البوجيهات بواحد مستعمل من عنده وجرب . برضه قال لي مش عاجبني
( اصبر معايا معلش علشان اروقهولك )

فك الكاربراتير تاني وغير بيك تقريبا . وركب
بعدها فك تاني وركب بيك غيره .

بعدها ربط وقعد يشد بنزين جامد قالي علشان ننظف المسار او حاجه زي كده ( انا كنت بنام طبعا )

بعدها غير بوجيه تاني وحط واحد غيره لقاه مهبب

قالي انا هركب واحد تاني اجرب به علشان تشوف الفرق دلوقتي بعد الشغل والنظافة .

قعد يشد بنزين جامد وفك البوجيه لقاه كويس وقالي كده تمام .

كانت الساعة 7 صباحا . ( واخد 220 بدل 240 ) .

قالي ابقى غير بلف غطا التاكيهات علشان بايظ .

سألته ان فيه بوجيه كان بيلقط زيت . قالي لا الموتور ده 10 /10
الكاربراتير هو اللي كان مبهدل الموتور

غير بس بلف التاكيهات واسبوع كده وتغير البوجيهات هتبقى تمام .

حد يعرف ايه اهمية البلف ده وهل يكون سبب ان فيه زيت على قلاووظ بوجيه رقم واحد فعلا ؟؟
وسعره كام ياترى ؟

يا مسهل يا رب

[hosamsief]

طيب لو هترخص سنه .... يبقى بكام ...

[bishr_nba]

لسه راجع من المرور الله يخرب بيتهم على الفلوس اللى بياخدوها
وهيا هيا البنديره قبل الثوره زى بعد الثوره حتى ماختاشوش على دمهم وقللوها
285 تأمين اجبارى
60 ورق وتصوير وملف وكده
528 ضريبه
110 مخالفات
20 لمهندس الفحص
5 للبصمه
20ج لموظفه الشباك
وحسبى الله ونعم الوكيل
على فكره الاسعار دى ل3 سنوات مع انى كنت هعملها على سنه واحده بس قولت انا مش عايز اشوف وشهم تانى لاكبر فتره ممكنه

ربنا يستر والله انا مش عارف اعمل ايه انا المفروض في شهر 7 انقل ملكيه واجدد سنه بس والله منا عارف اعمل حسابي في كام

[mazagngi2010]

alsad

مكانه فين بالتفصيل وتليفونه
ولعربيه عامله ايه دلوقتى معاك؟ ولسه السرعه بتعلق؟؟

[abdo7000]

انا رحت لواحد بتاع كاربراتير كذا ميكانيكي شكروا فيه .
فتح الساعة 9 مساءا كان فيه حوالي 3 عربيات امامي . فك الكاربراتير بتاعي الساعة 11.5 وطلع الكاربراتير في الدور التاني ( المعمل )
الساعة 1.5 ناداني قالي الكاربراتير عاوز اكس وباب وطقم اصلاح . بكام يا حج قالي 170 جنيه وهيرجع زيرو وضمان سنتين . قلت له طيب ماتجيبلي واحد استيراد اريح . قالي براحتك لكن ما انا هافتحه برضه اكشف عليه وانضفه علشان يخرج على ضمانتي . ولو محتاج اصلاح اصلحه برضه .
انت بتاعك هيكون ممتاز بعد التصليح .

قلت له اشتغل يا حج .
بعدها قالي ان البيك مدقوق عليه ومش بيخرج ومبوظ القلاووظ ( وفعلا شوفته وكان كده ) المهم غير الجزء السفلي من الكاربراتير ب70 جنيه وطبعا ده ظهر في وسط الشغل .

خلص الكاربراتير الساعة 3.5 تقريبا .

ركب ياحج وجرب

انا بصراحة مش بفهم قوي في صوت الموتور والحاجات دي .

بعد ما ركب هو اللي قال الصوت مش مظبوط .
فك غطا التاكيهات وبص عليها وكانت مظبوطة . ربط هواء السرفو كويس وغير طقم البوجيهات بواحد مستعمل من عنده وجرب . برضه قال لي مش عاجبني
( اصبر معايا معلش علشان اروقهولك )

فك الكاربراتير تاني وغير بيك تقريبا . وركب
بعدها فك تاني وركب بيك غيره .

بعدها ربط وقعد يشد بنزين جامد قالي علشان ننظف المسار او حاجه زي كده ( انا كنت بنام طبعا )

بعدها غير بوجيه تاني وحط واحد غيره لقاه مهبب

قالي انا هركب واحد تاني اجرب به علشان تشوف الفرق دلوقتي بعد الشغل والنظافة .

قعد يشد بنزين جامد وفك البوجيه لقاه كويس وقالي كده تمام .

كانت الساعة 7 صباحا . ( واخد 220 بدل 240 ) .

قالي ابقى غير بلف غطا التاكيهات علشان بايظ .

سألته ان فيه بوجيه كان بيلقط زيت . قالي لا الموتور ده 10 /10
الكاربراتير هو اللي كان مبهدل الموتور

غير بس بلف التاكيهات واسبوع كده وتغير البوجيهات هتبقى تمام .

حد يعرف ايه اهمية البلف ده وهل يكون سبب ان فيه زيت على قلاووظ بوجيه رقم واحد فعلا ؟؟
وسعره كام ياترى ؟

يا مسهل يا رب

السلام عليكم
ممكن حضرتك تعطينا تفصيل دقيق لحالة العربية بعد ظبط الكاربرتير( سحب السيارة- استهلاك البنزين))
ومكان الراجل دة فين
ورقم تليفونة كام
وشكرا ليك

[mado83]

طيب لو هترخص سنه .... يبقى بكام ...

مش عارف والله بس انا عملتها 3 عشان ماروحش هناك تانى

[ahmedreeda]

ايه رايكوا في دي..............