اشتريت مازدا 232 موديل 1982 وعايز مساعدتكم

[moatazbunny]

اعضاء المنتدى الكرام أولا كل سنة وانتم طيبين

ثانيا باركولي أنا جبت أول عربية في حياتي ولسة بتعلم السواقة عليها أهوه بس عايز أعمل فيها شوية حاجات كده
أولا عايز اركب فيها حزام أمان بدل اللي فيها عشان اللي فيها ده بايظ
ثانيا عايز اغير جلدة المساحة اللي فيها عشان نشفت من الزمن - المساحات شغالة مية مية على فكرة
ثالثا عايز اغير الشمسات اللي في الصالون عشان اللي راكبين فيها عدى الزمن عليها لما قال يا بس
رابعا عايز اغير كوالين البيبان عشان العربية كانت مركونة وال كوالين بتاعتها مصدية وكمان برده أمان ليَّ فيما بعد عشان أصلا صاحبها ساكن جمبي بشارعين وأنا مش مطمن بصراحة
خامسا عايز اغير الدواسات التلاتة بتوع البنزين والفرامل والديبريياج عشان ممسوحين على آخر وبيتزحلقو تحت رجلي
سادسا عايز اغير إزاز الفوانيس بتاعها عشان متكسر وكده - الباغة يعني

يا ريت تقوللي أجيب الحاجات دي منين واركبها فين وطبعا أنا لسة باداورلاها على ميكانيكي كويس وكهربائي كمان
ياريت اللي يعرف ميكانيكي أو كهربائي مازدة 323 كويس يقولي بس يكون آمين وبيفهم فيها
وياسلام لو كان في الهرم

وكل سنة وانتم طيبين
مستني ردودكم
اخوكم ميزو

[Terrible_DaRsH]

الف مبروك , ربنا يبارك لك فيها .

احسن لك تنزل تاخد جولة فى التوفيقية من اولها لاخرها , هتلاقى كل اللى انت عايزه هناك و باسعار مختلفة .

[moatazbunny]

شكرا يا Terrible_DaRsH على سرعة الرد والله يبارك فيك اخي بس ممكن تقولي أروح هناك إزاي معلش أصلي دي أول عربية في حياتي

[Terrible_DaRsH]

انت منين طيب علشان اوصف لك السكة ؟

[asbeats]

اولا الف مبروك على العربية...وهي للعلم عربية ممتازة جدا ولما بتتشد بتبقى شيك جدا وخطيرة وأي شغل بيتعمل فيها بينطقها


اعتقد انه اسهلك تروح بالمترو عشان ركنة العربية صعبة هناك شوية والمترو بينجز...والحاجات اللي انت هتجيبها بيتهيألي مش تقيلة


هي العموم عند محطة الأسعاف في وسط البلد

لو هتروح بالمترو هتنزل محطة جمال عبد الناصر "الإسعاف" على خط حلوان المرج.
التوفيقية هناك بالظبط عند محطة المترو

[moatazbunny]

شكرا يا جماعة بجد على مساعدتكم ليه بس في حاجة كده حصلت
العربية باظت مني امبارح بعد الفجر وبطلت وما دارتش تاني خالص لحد مازهقت وركنتها مكانها وإن شاء الله بكرة هجبلها الدكتور بتاع عربية أخويا
وللأسف أنا زعلان جدا ومش هيجيلي نوم خالص أنا عارف
أنا كنت رايح أعمل التوكيل النهاردة مع صاحب العربية واديله بقيت فلوسه بس إن شاء الله كله خير
أنا هقوم أنام
شكرا يا جماعة على العنوان أنا عرفتها تقريبا بس لوا توههت هناك هابقى أسأل

[eslamrace]

الف مبرووك وربنا يديك خيرها ويكفيك شرها

[Mosmafa]

حلوة العربية دي
جراية اوي
المهم اتعلم عليها و ظبط حياتك
وانجز وبيعها لان الموديلات القديمة بيتقال عليها كده
المازدا فاسدة
وخد بالك من الصيانة و خش عالمنتدى هتلاقي فيه ازاي تحافظ عليها تمام

[moatazbunny]

يا شباب أنا رحت عملتها خلاص الحمد لله وراكبتلها طقم بوجيهات جديد وظباتلها الكهربة بتاعتها وكله تمام بس إن شاء الله بعد الفطار هانزل اغسلها في البنزينة عشان ركنتها تحت شجرة والنمل عمل منها بيت ليه وإن شاء الله خير

هو ماحدش يعرف ليها ميكانيكي كويس وكهربائي عشان أبقى زبون مستديم مش كل شوية بقى اغير
أنا سمعت إن في واحد فالسيدة عيشة متخصص مازدا بس ... بس ده بعيد عني قوي بصراحة
ياريت تفيدني لو تعرفه حد بتاع مازدا وبيفهم

ادعولي وانتو بتفطررو

[moatazbunny]

حلوة العربية دي
جراية اوي
المهم اتعلم عليها و ظبط حياتك
وانجز وبيعها لان الموديلات القديمة بيتقال عليها كده
المازدا فاسدة
وخد بالك من الصيانة و خش عالمنتدى هتلاقي فيه ازاي تحافظ عليها تمام

يعني إيه يا باشا المازدا فاسدة متهيألي مش فاهم حضرتك خالص ... ياريت توضح أكتر


هي فعلا جارية قوي بس أنا لسة في الأول بس كل اللي ركبها قال لي كده

[moatazbunny]

شباب احطها زيت اييه وإيه انسب زييت ليها

[lotfyonline]

السلام عليكم
ألف مبروك ..بصراحة العربية حلوة قوي وهي اللي تستحمل طرق مصر ..المهم أنا معايا العربية من سنة نص ولما جبتها كنت متلخبط شوية علشان مش عارف قطع غيارها بس ربنا هداني لعم نبيل أو (بلبل مازدا) وده في القلعة خلف دار المحفوظات بيشتغل في المازدا بس من صغره وعارف كل حاجة في العربية (وللعلم هو سافر مصانع مازدا وهو صغير أخد دور في ميكانيكا العربية دي) وكمان بيشتغل في عفشتها وكل قطع الغيار هتلاقيه بيتصرف فيها رحله مرة يظبتلك العربية ومش هتندم على فكرة هو أمين جدا ورخيص جدا.

[mohamed777]

شباب احطها زيت اييه وإيه انسب زييت ليها

انا غيرت من موبيل سوبر الابيض الى شيل الاصفر والحمد لله كويس احسن

[agwaa]

عم معتز
كل سنة وإنت طيب
وألف مبروك على العربية وعلى فكرة أنا راكب إختها وهى كانت تاني عربية ليا بعد فيات 132 وهى ( ال 132 كانت أحسن مدرسة للقيادة والميكانيكا )
نيجي للمازدا 323 / 82 دي أحسن عربية قديمة في مصر وما تسمعش كلام حد ( المازدا فاسدة ولو كانت طيارة ) دة كلام الإخوة العرب إللي بيركبوا الكابريس والجاجوار والبورش وخلافه
أما المازدا بكل أنواعها أحلى عربيات دخلت مصر من اليابان ( إحم إحم ) بعد التويوتا طبعاً
المازدا 323/82 أو 323/ 83 ( بتاعتي ) يقال عنها عربية الغلابة لأن قطع غيارها متوفرة ومعمرة نسبياً وفي متناول اليد
_ أي حاجة عاوزها إحنا كلنا تحت أمرك وهندلك ( إحنا مين ....؟ ) أدخل على اللينك ده هتلاقينا معاك

http://www.nilemotors.net/Nile/93075-323-82-a.html

[moatazbunny]

السلام عليكم
ألف مبروك ..بصراحة العربية حلوة قوي وهي اللي تستحمل طرق مصر ..المهم أنا معايا العربية من سنة نص ولما جبتها كنت متلخبط شوية علشان مش عارف قطع غيارها بس ربنا هداني لعم نبيل أو (بلبل مازدا) وده في القلعة خلف دار المحفوظات بيشتغل في المازدا بس من صغره وعارف كل حاجة في العربية (وللعلم هو سافر مصانع مازدا وهو صغير أخد دور في ميكانيكا العربية دي) وكمان بيشتغل في عفشتها وكل قطع الغيار هتلاقيه بيتصرف فيها رحله مرة يظبتلك العربية ومش هتندم على فكرة هو أمين جدا ورخيص جدا.

ألف شكر يا باشا على الرد الجميل ده وعلى فكرة شكلي كده هرُوح ل نبيل مازدا ده بس هو ماحدش يعرف إيه ظروفه جمعة وسبت وياسلام لو حد عنده صورة من جوجل للمكان بتاعه تبقى تمام قوي

انا غيرت من موبيل سوبر الابيض الى شيل الاصفر والحمد لله كويس احسن

أستاذ محمد ممكن أعرف إنت غيرت ليه عشان اللي اشتريت منه العربية قال لي إنه كان بيجيب الجركن الأبيض ده وياريت لو تقولي ده بكام وشيل الأصفر ده بكام

عم معتز
كل سنة وإنت طيب
وألف مبروك على العربية وعلى فكرة أنا راكب إختها وهى كانت تاني عربية ليا بعد فيات 132 وهى ( ال 132 كانت أحسن مدرسة للقيادة والميكانيكا )
نيجي للمازدا 323 / 82 دي أحسن عربية قديمة في مصر وما تسمعش كلام حد ( المازدا فاسدة ولو كانت طيارة ) دة كلام الإخوة العرب إللي بيركبوا الكابريس والجاجوار والبورش وخلافه
أما المازدا بكل أنواعها أحلى عربيات دخلت مصر من اليابان ( إحم إحم ) بعد التويوتا طبعاً
المازدا 323/82 أو 323/ 83 ( بتاعتي ) يقال عنها عربية الغلابة لأن قطع غيارها متوفرة ومعمرة نسبياً وفي متناول اليد
_ أي حاجة عاوزها إحنا كلنا تحت أمرك وهندلك ( إحنا مين ....؟ ) أدخل على اللينك ده هتلاقينا معاك
http://www.nilemotors.net/Nile/93075-323-82-a.html

يا باشا أنا بعد ماجبتها عرفت إنها كويسة بس الظاهر إنها بس عايزة تتظبط
وأنا متابع الموضوع ده بتاع أستاذ محمد كويس

على فكرة الردياتر عندي شكله كده مخروم لاني بشوف المية نازلة تحت العربية
إن شاء الله العيد يخلص وأنزل كده يوم اظبطها إن شاء الله
متشكر ليك وللأستاذ محمد ولل أستاذ lotfyonline