إعـــــــلان

Collapse

.

,
See more
See less

بعد بحث ومقارنة قوية ... حجزت السوزوكي sx4 الحمدلله أخيرا

Collapse
X
 
  • Filter
  • الوقت
  • Show
Clear All
new posts

  • بعد بحث ومقارنة قوية ... حجزت السوزوكي sx4 الحمدلله أخيرا

    الحمد لله حجزت السوزوكي SX4 سيدان 2009

    وده بعد رحلة بحث طويله دامت لعدة شهور بشكل جاد ( وربما سنة كمان )

    حجزت العربيه من فرع مودرن موتورز مدينة نصر - توكيل سوزوكي - وأحب اشكر الأستاذ كريم ناصر suzuk مسؤول المبيعات في التوكيل وزميلنا في المنتدى على اهتمامه وجدعنته معانا الحقيقه عمل الواجب وزياده

    و بالفعل كان عند وعده وكلمني عشان نعمل test drive اليوم الجمعه

    تقييمي السريع للسياره من خلال فحصها عدة مرات في المعرض وتجربتها في ال test drive كالتالي :

    هقول التقييم ده الأول وبعدين هقول ايه الاختيارات الاخرى اللي كانت قدامي وليه اخترت العربيه دي

    1- الشكل : ده أذواق ولكن العربيه تصميمها مميز ولا يخلو من الشياكه واسبور في نفس الوقت
    2- الكماليات : مرضيه جدا ... جنوط سبور 15 , سي دي mp3 , اتنين ايرباجز , ABS , طاره ملتي فنكشن ومن الجلد الطبيعي , طبعا مرايات كهربا و4 زجاج كهربا وسنتر لوك وريموت وباور وفوج لايت .
    3- الوسع الداخلي ممتاز جدا ... سياره عائليه ... مقصوره واسعه ومريحه ... وشنطه كبيره جداااااااا
    4- سياره يابانيه 100% وتقفيل ياباني ممتاز لا يقل عن التويوتا او الهوندا
    5- السياره مواصفات خليجيه ( هي بتاعت التوكيل مش من معرض بره ) .
    6- محرك 1600 سي سي قوي ونشيط بقوة 107 حصان ( انا اتقالي ارقام كتير بس غالبا هو ده الرقم الصحيح ) وعزم 145 نيوتن ...
    العربيه سحبها راائع فعلا ... كيك داون استجابته ممتازه ... المحرك صوته هادي في القياده الهاديه ورياضي جدا في القياده الرياضيه ...
    7- الفرامل ادائها ممتاز
    8- التكييف رائع وتأثيره على السحب يكاد لا يذكر .
    9- الثبات ... الحقيقه مالحقتش اختبره فعلا ومش هفتي .
    10 - العفشه يا جماعه ناعمه جدا جدا جدا وانا مستغرب على الكلام اللي اتقال في المنتدى عن ان العفشه ناشفه ... انا لبست بيها كل المطبات وبلاعات وعيون القطه والعفشه في نعومة الكورولا ويمكن انعم .
    11- العزل مرضي جدا لكن ماكنتش مركز معاه انا كنت مركز مع الكيك داون .
    12- الساوند سيستم ظريف ونقاء الصوت وتوزيعه تمام .
    13 - ماليش خبره في تقييم صاج العربيه ... لكنها مصفحه خلف الشبكه الاماميه امام الردياتير وده بيوفر حمايه ان شاء الله وايضا مصفحه من الاسفل .
    14- العفشه GTI زي عفشه الجولف ان العجل بيفرش على الطريق مع السرعه ودي بتدي ثبات عالي ... وفعلا لما دعبست في النت لقيت انها زي عفشة ال BMW في التكنولوجي بتاعها بس مالقتش تفاصيل .
    15- العربيه محتاجه باركنج سنسور وده مقدور عليه ان شاء الله .

    انا زودت Accessories وحدة رفع وانذار صلي من التوكيل وكونسول امامي وممكن بعد كده اركب باركنج سنسور وسبويلر .

    ان شاء الله لما استلم العربيه واعمل بيها الف كيلو ولا حاجه هعمل تقييم اخر بالصور والتفاصيل بإذن الله .

    في المجمل : انا في رأيي ان اكتر عربيه تشبه ال sx4 هي الكورولا 2007 شبهها في الوسع والنعومه والاداء ... فعلا كإني راكب الكورولا الياباني .

    العربيات اللي كنت بقارن بينها وبين ال SX4 :

    في البدايه كنت عايز حاجه في حدود التمانينات

    شفت الاكسنت والريو والسيمبول بس ماكنتش مقتنع بيهم قلت احاول ازود شويه واجيب حاجه اعلى

    شفت GEELY MK الجديده ... عربيه تحفه في كماليتها وتقفيلها وتختلف تماما عن معظم الصيني في جودة الخامات والتقفيل ... بس طبعا قلت ابعد عن الصيني وغنيله .

    فكرت في الصني بس قلت برضو نبعد عن التقفيل المصري وكمان سمعت ان فيه مشكله في العفشه او علبة الدركسيون المهم صرفت نظر عنها .

    الياريس ... تويوتا ... توكيل وقطع غيار واعادة بيع ... وعربيه عمليه ... وكانت منافس حقيقي ... بس الصراحه استكترت ادفع كام وتسعين باكو واجيب عربيه مافيهاش اي اوبشنز حتى الازاز عاده وكتير عليها ادفع اكتر من ال 100 الف عشان اجيبها فل اوبشنز .

    النيو سيراتو كانت منافس قوي ... الفئه اللي ب 109 ... هي عربيه محترمه جدا ومع احترامي للكوري ووالدي راكب كوري برضو ( هيونداي تراجيه 2000 سي سي ) بس قلت ليه اجيب كوري لما ممكن اجيب ياباني وارخص كمان ؟؟؟
    ده غير بقى الحجز والاوفر برايس وحوارات .

    اللي خوفني من ال SX4 : موضوع قطع الغيار والصيانه والتوكيل ... قطع الغيار اسعارها زي كل الياباني ... والتوكيل الناس اختلفت في تقييمهم لكن انا في المبيعات الصراحه استاذ كريم ماكنش مقصر والمعامله كانت محترمه . لكن عموما لو الصيانه ماعجبتنيش في مودرن موتورز اعتقد ان ممكن اعملها في السبع ... بس لسه هتاكد من المعلومه دي

    سعر اعادة البيع ... ان شاء الله مش هبيع غير بعد كتير ... مش هتفرف يعني ... والياباني برضو ان شاء الله معمر .

    عندي سؤال وارجو النصيحه ... هل التأمين هام وضروري ولا نخليها على الله وناخد رزقنا ؟ وايه احسن شركة تامين ؟

    وكل عام وانتم بخير
    سبحان الله وبحمده ... سبحان الله العظيم
    تحياتي ,,,
    أحمد مجدي

  • #2
    الف الف مبرروك يا دكتور وفعلآ اختيار موفق ونتيجة من تحت المكرسكوب وان شاء الله موفق ربنا يعطيك خيرهااا ويكفيك شرهااا وانسى موضوع التأميين علشان الاجماع على حرمتو شرعآ وطول منتا بتتحرا الحلال ربنا هيسترهااا معاك ويباركلك
    [CENTER][SIGPIC][/SIGPIC][/CENTER]
    [CENTER]قلب الارض ويخرج منه شرايين الحياه[/CENTER]
    [CENTER]....استغفر الله العظيم ..... رب العرش العظيم [/CENTER]
    [CENTER]سبحانك اللهم وبحمدك ..اشهد ان لا الله الا انت .. استغفرك وأتوب اليك[/CENTER]

    Comment


    • #3
      المشاركة الأصلية كتبت بواسطة ashrafsadany مشاهدة المشاركة
      الف الف مبرروك يا دكتور وفعلآ اختيار موفق ونتيجة من تحت المكرسكوب وان شاء الله موفق ربنا يعطيك خيرهااا ويكفيك شرهااا وانسى موضوع التأميين علشان الاجماع على حرمتو شرعآ وطول منتا بتتحرا الحلال ربنا هيسترهااا معاك ويباركلك
      الف شكر لرد حضرتك يا باشا ربنا يبارك فيك

      وربنا يسترها معانا و معاك ...
      سبحان الله وبحمده ... سبحان الله العظيم
      تحياتي ,,,
      أحمد مجدي

      Comment


      • #4
        المشاركة الأصلية كتبت بواسطة ashrafsadany مشاهدة المشاركة
        الف الف مبرروك يا دكتور وفعلآ اختيار موفق ونتيجة من تحت المكرسكوب وان شاء الله موفق ربنا يعطيك خيرهااا ويكفيك شرهااا وانسى موضوع التأميين علشان الاجماع على حرمتو شرعآ وطول منتا بتتحرا الحلال ربنا هيسترهااا معاك ويباركلك
        +10000000000000000000000
        [FONT=Comic Sans MS][SIZE=5][COLOR=#665353]The worst is Not come Yet[/COLOR][/SIZE][/FONT]

        Comment


        • #5
          السلام عليكم,

          يا أستاذ أحمد مجدى .... أحب أقولك .....

          إنك أحســــــــــــــــــــــــــــــنت الإختيار تماما و إنى مبسوطلك قوى قوى قوى قوى إن ربنا وفقك و عرفت تحجز العربية

          ربنا يا رب يا رب يباركلك فيها لما تستلمها , و ربنا يديك خيرها و يكفيك شرها مقدما

          أحمد مصطفى و أنا هنا فى المنتدى عمالين نعمل أبحاث عن العربيات المحترمة اللى فى السوق ده اللى فى الرانج ده من السعر و لقينا فعلا ال sx4 محققة اللى مطلوب منها و زيادة.

          إدعيلى معاك و إنت بتصلى إنى أحصلك بقى و أحجز أنا كمان ... أنا ناوى إن شاء الله على نص 10 .... بس على الله ما العرض يخلص قبلها .. و ربنا يقدم اللى فيه الخير لينا كلنا إن شاء الله

          و مادام فيه مسؤول مبيعات من سوزوكى معانا هنا, عايز أعرف العرض هيخلص إمتى و هل لو هيخلص بدرى ينفع أحجز دلوقتى و أستلم أول 11 ؟؟

          شكرا على الرد

          Comment


          • #6
            ماشاء الله
            العربيه جميله جدا ومن اقوى العربيات فى الفئه دى و انا شخصيا بحترمها جدا
            ربنا يبارك لحضرتك فيها و يديك خيرها و يكفيك شرها
            بس ملحوظه على حوار التأمين .. التأمين العادى حرام لكن التكافلى والله اعلم حلال ,, لأن مبدأه ان بعد انقضاء مده التأمين و انت مطالبتش الشركه المؤمنه باى حاجه خلال فتره التأمين بتسترد اللى دفعته ( اوجزء منه ) بعكس التأمين العادى اللى طبعا مش بتاخد اى حاجه فى الأخر (يعنى خساره 100 % ) و الناحيه التانيه واحد بيكون واخد حقه و حق ناس تانيه معاه و بالتالى بالنسباله ( مكسب 100 % ) و ده وجه الحرمانيه
            عموما شركه وثاق التكافليه من افضل شركات التأمين الموجوده بمصر دلوقتى ,, و هى و بيت التأمين المصرى السعودى الوحيدين الللى شغالين بمبدأ التكافل ,, و الباقى طبعا تأمين عادى
            لو حضرتك عاوز معلومات مفصله وادق من كده تقدر تراجع قسم التأمين فى المنتدى العام
            و الف مبروك مره تانيه على العربيه وربنا ما يحوج حضرتك لتأمين ولا لغيره :)
            [RIGHT][COLOR="black"][B][caps]Mohamed Badr[/caps][/B][/COLOR][/RIGHT]

            Comment


            • #7
              الف الف مبروك يا باشا على الاختيار الموفق ان شاء الله
              وربنا يعطيك خيرها ويكفيك شرها وان شاء الله تستلم على خير
              وكل سنة وانت طيب وبخير وسعادة
              [RIGHT]سبحان الله وبحمده سبحان الله العظيم
              [/RIGHT]

              Comment


              • #8
                انا بسراحة عملت عملى اللى المفروض اعملة وكل سنة واعضاء نايل موتورز طيبين ومبروك ليك يا احمد مجدى على السيارة
                توكيل سوزوكى
                فرع مدينة نصر
                كريم ناصر

                Comment


                • #9
                  كل سنة وانت طيب يا شقى

                  Comment


                  • #10
                    المشاركة الأصلية كتبت بواسطة yahiahelaly مشاهدة المشاركة
                    +10000000000000000000000
                    شكرا يا باشا
                    المشاركة الأصلية كتبت بواسطة ahmadelsaeed مشاهدة المشاركة
                    السلام عليكم,

                    يا أستاذ أحمد مجدى .... أحب أقولك .....

                    إنك أحســــــــــــــــــــــــــــــنت الإختيار تماما و إنى مبسوطلك قوى قوى قوى قوى إن ربنا وفقك و عرفت تحجز العربية

                    ربنا يا رب يا رب يباركلك فيها لما تستلمها , و ربنا يديك خيرها و يكفيك شرها مقدما

                    أحمد مصطفى و أنا هنا فى المنتدى عمالين نعمل أبحاث عن العربيات المحترمة اللى فى السوق ده اللى فى الرانج ده من السعر و لقينا فعلا ال sx4 محققة اللى مطلوب منها و زيادة.

                    إدعيلى معاك و إنت بتصلى إنى أحصلك بقى و أحجز أنا كمان ... أنا ناوى إن شاء الله على نص 10 .... بس على الله ما العرض يخلص قبلها .. و ربنا يقدم اللى فيه الخير لينا كلنا إن شاء الله

                    و مادام فيه مسؤول مبيعات من سوزوكى معانا هنا, عايز أعرف العرض هيخلص إمتى و هل لو هيخلص بدرى ينفع أحجز دلوقتى و أستلم أول 11 ؟؟

                    شكرا على الرد
                    ربنا يبارك فيك يا استاذ احمد والله رفعت معنوياتي بكلامك وحببتني في العربيه اكتر

                    ربنا يكرمك ان شاء الله وتحجزها قريبا جدا او يوفقك في الاحسن منها كمان

                    شكرا جزيلا
                    سبحان الله وبحمده ... سبحان الله العظيم
                    تحياتي ,,,
                    أحمد مجدي

                    Comment


                    • #11
                      المشاركة الأصلية كتبت بواسطة m7nsh مشاهدة المشاركة
                      ماشاء الله
                      العربيه جميله جدا ومن اقوى العربيات فى الفئه دى و انا شخصيا بحترمها جدا
                      ربنا يبارك لحضرتك فيها و يديك خيرها و يكفيك شرها
                      بس ملحوظه على حوار التأمين .. التأمين العادى حرام لكن التكافلى والله اعلم حلال ,, لأن مبدأه ان بعد انقضاء مده التأمين و انت مطالبتش الشركه المؤمنه باى حاجه خلال فتره التأمين بتسترد اللى دفعته ( اوجزء منه ) بعكس التأمين العادى اللى طبعا مش بتاخد اى حاجه فى الأخر (يعنى خساره 100 % ) و الناحيه التانيه واحد بيكون واخد حقه و حق ناس تانيه معاه و بالتالى بالنسباله ( مكسب 100 % ) و ده وجه الحرمانيه
                      عموما شركه وثاق التكافليه من افضل شركات التأمين الموجوده بمصر دلوقتى ,, و هى و بيت التأمين المصرى السعودى الوحيدين الللى شغالين بمبدأ التكافل ,, و الباقى طبعا تأمين عادى
                      لو حضرتك عاوز معلومات مفصله وادق من كده تقدر تراجع قسم التأمين فى المنتدى العام
                      و الف مبروك مره تانيه على العربيه وربنا ما يحوج حضرتك لتأمين ولا لغيره :)
                      الله يبارك فيك يا باشا ... فعلا انا موضوع التامين ده مش مقتنع بيه و الله اعلم كل اصحابي اللي بيأمنو لازم تحصلهم حوادث ... طبعا ده قضاء وقدر بس برضو موضوع الحرمانيه يقلق

                      ربنا يسترها معانا ان شاء الله

                      المشاركة الأصلية كتبت بواسطة ringoo مشاهدة المشاركة
                      الف الف مبروك يا باشا على الاختيار الموفق ان شاء الله
                      وربنا يعطيك خيرها ويكفيك شرها وان شاء الله تستلم على خير
                      وكل سنة وانت طيب وبخير وسعادة
                      شاكر جدا لحضرتك وربنا يبارك فيك

                      كل سنه وانت طيب وعيد سعيد ان شاء الله
                      سبحان الله وبحمده ... سبحان الله العظيم
                      تحياتي ,,,
                      أحمد مجدي

                      Comment


                      • #12
                        المشاركة الأصلية كتبت بواسطة suzuk مشاهدة المشاركة
                        انا بسراحة عملت عملى اللى المفروض اعملة وكل سنة واعضاء نايل موتورز طيبين ومبروك ليك يا احمد مجدى على السيارة
                        توكيل سوزوكى
                        فرع مدينة نصر
                        كريم ناصر
                        سعادة الباشا

                        شاكرين جدا لذوق حضرتك وسعداء بمعرفتك والله

                        ونتمنى سماع صوتك قريبا عند استلام العربيه بإذن الله

                        المشاركة الأصلية كتبت بواسطة suzuk مشاهدة المشاركة
                        كل سنة وانت طيب يا شقى
                        وانت طيب يا زعيم عيد سعيد
                        سبحان الله وبحمده ... سبحان الله العظيم
                        تحياتي ,,,
                        أحمد مجدي

                        Comment


                        • #13
                          و المفروض إن شاء الله الإستلام يبقى على إمتى يا دكتور ؟

                          Comment


                          • #14
                            المشاركة الأصلية كتبت بواسطة ahmadelsaeed مشاهدة المشاركة
                            و المفروض إن شاء الله الإستلام يبقى على إمتى يا دكتور ؟
                            أنا ماخدتش معاد محدد للاستلام

                            ولكن إن شاء الله خلال أسبوعين بعد العيد ( يعني على أول أكتوبر تقريبا )
                            سبحان الله وبحمده ... سبحان الله العظيم
                            تحياتي ,,,
                            أحمد مجدي

                            Comment


                            • #15
                              انا عارف ان المباركة دى جت متاخرة وبصراحة زعلان من نفسى عشان مكنتش اول واحد يهنى , وبعدين انا اسف على التاخير فى الرد عليك على الخاص لانى كنت مسافر بره القاهرة واول ما قريت رسالتك رديت عليك فيها ولما دخلت هنا لقيتك حجزت والف الف مليون مبروككككككككككك وربنا يكرمك بيها يارب ويديك خيرها , وعلى فكرة مهندس المبيعات كريم محترم جدااا , مع انى زعلان منه عشان مش دخل على التقيم اللى كنت عمله الاولانى وقالى رايه هههههههههههه مش مهم المهم ان العربية بجد ممتازة ويارب نقدر كلنا نوصل للناس حقها المهدور ده وربنا يباركلك فيها ,
                              وبعدين بالنسبة لقطع الغيار اسعارها معقولة بالنسبة الى عربيات اخرى واعتقد قطع غيار اليابانى معمرة جدااا وبعدين هو بس لو نزل بره التوكيل حيكون اصلى , اما بخصوص اعادة البيع مفيش عربية مش بتتباع كله بيتبا صدقنى , حتى لو كانت عربية صينى ومتدغدغة , وبعدين دى عربية سوزوكى وكل السوزوكى اللى بقاله زمن فى مصر معمر وسمعته حلوة
                              ومستنين منك اول التقييم ويكون مدعوم بالصور وياريت يكون تقييم ثابت دايما , وعلى فكرة بنحاول نشوف اخونا العضو مكاوى وهو وعدنا يعمل تقييم على العربية لانه وصل بيها الى 50 الف كيلو عشان بجد عاوزين نقول للناس ان العربية دى مهدور حقها فى السوق جدااااااااااا
                              ومرة تانية الف الف مبروك ومقولتليش اخترت لون ايه
                              وبعدين الزيادات اللى طلبتها حتزيد فى تمن العربية قد ايه
                              وهستنا تليفونك لو حبيت تكلمنى انا بعتهولك على الخاص
                              وكل سنة وانت بخير
                              [CENTER][COLOR=#ff7700][SIGPIC][/SIGPIC][/COLOR][/CENTER]
                              [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
                              [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
                              [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

                              Comment

                              Working...
                              X