استفسارات عن التكنولوجيا المستخدمة( لانسر)

[kemoelord]

السلام عليكم ورحمة الله وبركاته :-

انا كنت عاوز اعرف شوية معلومات عن العربية الي انا بركبها وهي لانـــسر شارك 2009 "خليجي " ,,,,,,

1 - هل كل موديلات الشارك الي فيها ABS بيبقى فيها EBD لان انا لما دخلت على الموقع لاقيت انهم كاتبين ال ABS &EBD ولا مش شرط

2- انا دخلت على مواصفات المحرك وفي حاجات مش فاهمها او فايدة التكنولوجيا المستخدمة في المحرك ده ومنها :

أ- fuel system = ECI-multi electronically controlled mutli point fuel injection

ب- نوع الفتيس INVECS ll وايه الفرق بينه وبين اي نوع فتيس اخر

ج- ايه الفرق بين curb weight & gross vechicle weight

د- ايه الفرق بين ال max output & max torque والارقام علاما تدل
وكنت عاوز اعرف الرقم تبع ال Drag Coefficient

ولو ممكن اتقل عليكوا شوي كمان , العربيه اتوماتيك فطبيعي اجيب النقله D وامشي لكن امتى استخدم النقلات 3,2,L مع اني سمعت ان النقله L بتستخدم في المنازل شديدة الميلان فقط هل صح ولا ايه ؟؟؟

[kemoelord]

شكرا يا جماعة على الافادة الصراحه يعني !!!!!!!!!!!!!

[مصراوي جدا]

اهلا وسهلا بيك معانا في منتدى ميتسوبيشي ومبروك العربية

1 - هل كل موديلات الشارك الي فيها ABS بيبقى فيها EBD لان انا لما دخلت على الموقع لاقيت انهم كاتبين ال ABS &EBD ولا مش شرط

فعلا في ميتسوبيشي (وربما في غيرها) نظام ABS مرتبط بنظام EBD هو جهاز واحد يا موجود يا مش موجود في العربية

2- انا دخلت على مواصفات المحرك وفي حاجات مش فاهمها او فايدة التكنولوجيا المستخدمة في المحرك ده ومنها :

أ- fuel system = ECI-multi electronically controlled mutli point fuel injection

هو نظام متطور لحقن الوقود الاليكتروني متعدد النقاط
شوف الصفحة دي برضه عن اللانسر
http://en.wikipedia.org/wiki/Mitsubishi_Lancer


ب- نوع الفتيس INVECS ll وايه الفرق بينه وبين اي نوع فتيس اخر

ده نوع فتيس متطور من ميتسوبيشي وله عدة اجيال ودي صفحة شرح له من ويكيبيديا

http://en.wikipedia.org/wiki/INVECS


ج- ايه الفرق بين curb weight & gross vechicle weight

Curb weight هو وزن العربية كامل وفيها كل المكونات من محرك وفتيس وكراسي وخلافه ما عدا الركاب مثلا في عربيتك 1260 كيلو لو GLS و 1245 لو GLX

أما Gross weight هو أقصى حمل للسيارة بالركاب والشنط وخلافه وفي عربيتك 1750
يعني وزن الركاب والشنط يجب ألا يزيد عن 500 كيلو

د- ايه الفرق بين ال max output & max torque والارقام علاما تدل

max output هو اقصى خرج للعربية يعني قوتها بالحصان (عربيتك 109 حصان)
max torque هو اقصى عزم للعربية (عربيتك 143 نيوتن-متر)
طبعا كلما زادت الأرقام كلما كان المحرك اقوى

وكنت عاوز اعرف الرقم تبع ال Drag Coefficient

شوف الصفحة دي
http://en.wikipedia.org/wiki/Automobile_drag_coefficient

ولو ممكن اتقل عليكوا شوي كمان , العربيه اتوماتيك فطبيعي اجيب النقله D وامشي لكن امتى استخدم النقلات 3,2,L مع اني سمعت ان النقله L بتستخدم في المنازل شديدة الميلان فقط هل صح ولا ايه ؟؟؟

النقلة L أو Low speed هي تمثل (الأول) في المانوال وفيها تجبر الفتيس على المشي على الأول وعدم الانتقال منه وذلك في المرتفعات او المنخفضات الحادة جدا أو الأرض الوحلة جدا

كذلك 2 و3 تمثل التاني والتالت في الفتيس المانوال وفيها كذلك تجبر الفتيس على المشي على التاني او التالت وذلك للأرض المنحدرة او المرتفعة بدرجة اقل من السابق او الأرض الوحلة العادية
وفي الثلاث حالات يجب ان تكون السرعات قليلة مثل الأول والثاني والثالث في المانوال

[kemoelord]

شكراااااااا يا استاذ طارق على التوضيح والافادة والشرح الاكثر من رائع الحقيقه وجزاك الله كل خير

[kemoelord]

بس انا بحثت عن ال drag coefficient مش لاقيته

[مصراوي جدا]

http://en.wikipedia.org/wiki/Automobile_drag_coefficient

Automobile drag coefficient
From Wikipedia, the free encyclopedia


The drag coefficient is a common metric in automotive design, where designers strive to achieve a low coefficient. Minimizing drag is done to improve fuel efficiency at highway speeds, where aerodynamic effects represent a substantial fraction of the energy needed to keep the car moving. Indeed, aerodynamic drag increases as the square of speed. Aerodynamics are also of increasing concern to truck designers, where a lower drag coefficient translates directly into lower fuel costs.
About 60% of the power required to cruise at highway speeds is taken up overcoming air drag, and this increases very quickly at high speed. Therefore, a vehicle with substantially better aerodynamics will be much more fuel efficient.

والترجمة

معامل السحب في السيارات

من ويكيبيديا ، الموسوعة الحرة

معامل السحب هو مقياس شائع في تصميم السيارات ، حيث يسعى المصممون للتوصل إلى معاملات منخفضة.

ان تقليل السحب يتم القيام به لتحسين كفاءة الوقود في السرعات العالية ، حيث تمثل الآثار الهوائية جزء كبير من الطاقة اللازمة لإبقاء السيارة تتحرك.

في الواقع ، تزداد الديناميكا الهوائية كما في مربع السرعة. الديناميكا الهوائية هي أيضا محل اهتمام متزايد من مصممي الشاحنات ، حيث ان انخفاض معامل السحب يترجم مباشرة إلى انخفاض تكاليف الوقود.

حوالي 60 ٪ من الطاقة المطلوبة للسفر على السرعات العالية تؤخذ في التغلب على سحب الهواء ، وهذا يزيد بشكل سريع جدا على السرعات العالية.

ولذلك ، فان تحسن الديناميكا الهوائية للسيارة سيكون أكثر كفاءة في استهلاك الوقود.