الباور عندى فى اللانسر تقيل شوية

[nader makram]

لما الاستاذ اسلام جرب عربيتى لاحظ ان الباور تقيل شوية ما عن الباور كان كدة من أول ما جبت العربية فلو حد يعرف حل للموضوع دة يا ريت يقول؟
ملاحظة : انا بسيت على زبت الباور لاقيتة فوق ال max بحتة بسيطة
و شكرا

[أبو_حمزة]

يعنى هى تقيلة بالمقارنة بلانسر برضه. صح؟
لو كده يبقى روح التوكيل اظن ممكن تتعمل بسهولة

[ehab]

لا هو باور اللانسر عندي بردو تقيل مقارنة بسيارات اخري ركبتها قبل كدا ذي اللانوس
و الله اعلم

[nader makram]

هو تقيل بمقارنة للانسر تانية

[abou_sama]

جرب الاول تظبط الكاوتش

[hamada2010]

لا يا جماعة التقل شويه ده ميزة مش عيب لان عندما تسحب بالسيارة على سرعات عاليه مثلا 160 180


وانت طالع مبيبقاش فى تعويمه للعربيه ومتقدرش تتحكم فيها


انا من وجهه نظرى انها كده ميه ميه وخصوصا للناس الا بتسافر كأنك مش حاسس انك بتجرى والعربية بسم الله ماشاء الله زى الفل

ولكن تقل عن تقل يفرق يعنى ايه اقولك

يعنى وانت بتلف اى منحنى عند الرد العجل هل العجل ما بيردش معاك لوحده يعنى جرب تلف اى منحنى جامد

وبعد ما تخلص لف سي الدركسيون يرد لوحده لو رد يبقى عربيتك مافيهاش حاجة

لو مردش معاك بسرعة بعد ماتسيب ايدك بعد اللفه يبقى كده انت عندك مشكلة ولازم تروح التوكيلا

وشكرا

[tareq_khamesy]

لو الدركيسون بيبقى خفيف و انت واقف بالعربية او لى السرعات البطيئة و بيتقل على السرعات العالية بس يبقى انت كده تمام... لكن لو كان تقيل على السرعات البطبئة اة عند الركن ااو الوقوف كده يبقى فى مشكلة و لازم تروح التوكيل تكشف على زيت الباور او الطلمبة بتاعته...لانه عامة باور اللانسر اتقل من عربيات غيرها زى التويوتا او الدايو (فى السرعات العالية فقط)

[hamada2010]

عفوا يا اخ CIVILENO

كلامك غير صحيح


راجع مقالى وحضرتك تعرف الكلام الصحيح من شخص معرفته والحمد لله ليست بقليلة


مفيش حاجة اسمها سرعة بطيئة او عالية ولكن جرب فى المنحنىيات اذا الدركسيون لف ورد كله بدون تدخلك


يبقى الباور زى الفل ولو مردش يبقى فى مشكلة

[Ahmed Hassan]

عفوا يا اخ CIVILENO

كلامك غير صحيح


راجع مقالى وحضرتك تعرف الكلام الصحيح من شخص معرفته والحمد لله ليست بقليلة


مفيش حاجة اسمها سرعة بطيئة او عالية ولكن جرب فى المنحنىيات اذا الدركسيون لف ورد كله بدون تدخلك


يبقى الباور زى الفل ولو مردش يبقى فى مشكلة

المبدأ لأ مش غلط طبعا... الباور اللي بيكون خفيف و العربيه واقفه.. و كل ما العربيه تزيد سرعتها يتقل موجود و اسمه Variable assist power steering... بس اللي معرفوش اذا كان موجود في الانسر و لا لأ... بس اعتقد 99% انه موجود

[Nader]

عفوا يا اخ CIVILENO

كلامك غير صحيح


راجع مقالى وحضرتك تعرف الكلام الصحيح من شخص معرفته والحمد لله ليست بقليلة


مفيش حاجة اسمها سرعة بطيئة او عالية ولكن جرب فى المنحنىيات اذا الدركسيون لف ورد كله بدون تدخلك


يبقى الباور زى الفل ولو مردش يبقى فى مشكلة

لأ الكلام دة موجود فعلاً في البور ستيرنج الكهربائي زي اللي في الميجان مثلاً الدركسيون بيتقل على السرعات العالية والعكس صحيح.

بس اعتقد ان اللانسر الباور بتاعها عادي مش كهربائي.

[tareq_khamesy]

عفوا يا اخ HAMADA2010
و لكن الباور عندى فى الانسر بيفصل بعد سرعة 70 او 80 تقريبا و دى شىء موجود فى معظم العربيات الحديثة
و بالنسبة للباور الكهربائى زى الموجود فى الياريس او الميجان فهو اللى بيتقل تدريجى مع زيادة السرعة زى ما قال AHMED HASAN و NADER
لكن ممكن تكون انت ما اخدتش بالك لان الدركسيون بيكون خفيف بطبعه على السرعات العالية .. و مع وجود الباور كمان دى تبقى مشكلة
و تحياتى للجميع

[Adham]

زيت الباور لازم يكون بين ال Min و الMax و لو زاد او قل عن المنسوب المحدد عالخزينة يسبب ان الباور يبقى تقيل

و في الهوندا عندي زمان لاحظت دي ان لو وانا بازود الزيت زاد شوية عن ال Max بيخللي الباور تقيل جداً


اضبط الزيت و شيل الزيادة منة بسرنجة الزيت في محطة البنزين

[Adham]

و كلام الأخوة بخصوص تناسب قوة و عزم الباور عكسيا مع سرعه السيارة صحيح, و دي خاصية في بعض السيارات مش كلها

بيبقى دورة زيت الباور بتمر على "ساعه" ضغط زيت راكبة في الجير بوكس (اللي فيها سلك عداد السرعه) و دي بيبقى فيها صمام خانق كل ما السرعه تزيد بيخنق على مسار زيت الباور و يقلل الضغط فية و بالتالي يقل عزم الباور, و الصمام دة بيبقى مفتوح عالآخر و العربية واقفة و السرعه صفر و يستمر في التناسب العكسي لغاية سرعه 100 بعدها بيقفل خالص و يقفل مرور الزيت في دايرة الباور و بالتالي يتقل دركسيون العربية لأن الباور مش شغال

[hamada2010]

تمام يا جماعة والله كلامكوا سليم بس انا قصدت فى كلامى سيارتى الا نسر


ولا اتكلم عن الميجان اواى سيارة اخرى ولا اقصد بكلامى كل السيارات ولكن بعض منها


وشكرا لك وتحياتى للجميع

[hamada2010]

و لكن الباور عندى فى الانسر بيفصل بعد سرعة 70 او 80 تقريبا

ارجو التوضيح