صيانة ال 20000 اعملها فين من رئيكم ؟؟؟

[boody2]

للاخوة اهل الخبرة :

انا مقيم في الخارج و زوجتي معاها الانسر 1600 خليجي موديل 2007 بس مش من عند الرواس و هي مقيمة في الهرم و عايزة تعمل صيانة ال 20000 و دايما كنا بنعمل الصيانات عند مركز بوش الي في مصر الجديدة و لكن نفسي اعمل صيانة ال 20000 عند اهل الخبرة مصرية او الرواس و لكن للاسف مصرية مالهاش الا في قليوب و سوق القنال و دول بعاد عليها و لكن عرفت ان الرواس ليه في 5 شارع النيل في العجوزة فهل يا تري حد جربه و هل عنكوا فكرة عن اسعار خدماته و هل هما كويسسين و لا لأو لا من رئيكم ايه البديل للرواس ؟لاني بصراحة هي مش بتفهم قوي في موضوع السيارات و مش عايزها تتخم او تتبهدل

و اسف علي الاطالة عليكم و شكرا

[Zekairy]

أنا معايا لانسر1600 موديل 2007 خليجي برضه
يعني نفس حالتك بالضبط
بس العربية عاملة 9 آلاف كيلو
وقررت أعمل صيانا ال10000 في مصرية عند الباشمهاندس طارق (مصراوي جدا) عشان أنا مستريحله نفسيا
وأنا سألته قبل كده على موضوع اللانسر الخليجي وهانقلك كلامه :

من مصراوي جدا :بخصوص العربيات الخليجي فحسب معلوماتي ان كل معرض بيبيع العربية الخليجي بيكون متفق مع مركز خدمة معين (او كل مجموعة معارض لها مركز خدمة) بيكون متفق معاه ان الصيانة عنده وكمان بيقول للعميل ان ضمان العربية عنده (ربما بيكون متفق معاه ان لو فيه حاجه تلفت في الضمان بس يكون سعرها معقول انهم يتحملوها مع بعض المعرض والمركز) ومثال على كده مركز اسمه صبحي سند بس انا ما اعرفش ده فين

فاذا كان المعرض اللي حضرتك اشتريت منه مقالكش على مركز صيانة معين تروح له خاصة لو مقالش الضمان عنده يبقى الافضل حضرتك تبقى معانا في الصيانة (انما طبعا مش في الضمان وباذن الله ما تحتاجش الضمان)
هي الصيانة بتكون عند الألف الأولى ثم عند العشرة ومضاعفاتها

الفرع القريب لسكنك هو فرع مصر الجديدة اللي في شارع جسر السويس عند سوق القنال الدولي وبجوار الألمانية توكيل مرسيدس وبجوار توكيل بي ام ثم دايو كلهم جنب بعض في شارع واحد واولهم هو مركزنا (ميتسوبيشي)
لكن بيحتاج حجز لصيانة العشرة آلاف وتليفونهم 26981976 و 26982975

انتهى كلامه

أما الرواس أكيد كويس وفاهمين شغلهم برضه ........... ودي عناوينهم وأرقامهم :
شركة الرواس: ك 12 طريق مصر اسكندرية الزراعى - ت: 2151570
12 عبد الخالق ثروت - ت: 5758130
5 شارع النيل - المهندسين - ت: 3472396

[zoghaby]

الفرع اللى عند سوق القنال ده محتاج حجز قبلها بشهر لأنه زحمة جدا أما توكيل قليوب مش محتاج ممكن تتصل وتحجز وتروح علطول وناس ممتازين عن تجربة شخصية أنا لسا عامل صيانة ال 20000 ومغير تيل أمامى
رقم التليفون 0242157629
أنا عربيتى خليجى 1600 برده

[boody2]

لشكرا ليكم علي ردودكم و لكن هل فرع قليوب بيحتاج برده ميعاد قبلها بفترة زي سوق القنال ولا عالطول

[مصراوي جدا]

أستاذ مهاب

اهلا بيك وبالمدام في اي وقت عندنا في مركز الخدمة الرئيسي في قليوب

هو فيه حجز لكن بيكون بعد يومين تلاته

ومش مهم المدام تكون بتفهم في العربيات علشان تيجي تعمل الصيانة عندنا وباذن الله تتعامل بما يرضي الله - اطمن

بلغها بس تتصل تاخد ميعاد ويا ريت حضرتك تعرفني الموعد وباذن الله نقدم لها اي مساعدة ممكنه

رقم تليفون قليوب 42157629

[boody2]

جزاك الله كل خير وانا اول ما تحجز حبلغ حضرتك

و شكرا علي اخلاقك الكريمة