دماغى بتزقزق عاوز أشيل علبة البيئة؟

[mohamedway]

دماغى بتزقزق عاوز أشيل علبة البيئة لتزويد سحب العربيه؟؟؟؟؟!!!!!
ياريت أسمع آراء و تجارب أعضاء المنتدى فى هذا الموضوع.

وعلفكره كان فيه موضوع فى المنتدى بيتكلم عن عضو عمل التجربه ده و حس بفرق جامد فى السحب و النعوميه و لكنى عاوز أسمع تجارب أكتر و هل الفرق يستاهل إنى أشيلها و لا بسيط و أسيبها أحسن و من فضلكم مش عاوز أسمع الآراء اللى خايفه على البيئة و التلوث و لما البلد كلها تبقه عربيات جديدة و فيها علبة البيئه ده و الميكروباسات و الأتوبيسات تبطل تدخن هباب أبقه أركبها تانى و محدش يقولى هتخرج العربيه من الضمان لأنها بره الضمان خلاص.

العربيه 1600 مانوال مصرى و علبة البيئه موجوده فيها عشان الناس اللى هتقولى ده موجوده فى الخليجى بس!!!!!! و حساس الأكسجين قبل العلبه و ليس بعدها يعنى شيلها مش هيعمل Error فى حساس الأكسجين.

و علفكره أنا مش هفضيها.......أنا هشيلها و هأحتفظ بيها سليمه و هركب مكانها ماسورة.

يا ريت الإفادة عن جدوى الموضوع بالنسبه للسحب و فقط و ياريت تجارب.... وشاكر جدا لأحلى منتدى.

[mohamedway]

http://www.nilemotors.net/Nile/5245-a.html

ده لينك الموضوع إللى أشرت إليه للى معندوش فكره إيه هى علبة البيئة (توجد مداخلات كثيرة و صاحب الموضوع مصورها)

[أحمد كمال]

و من فضلكم مش عاوز أسمع الآراء اللى خايفه على البيئة و التلوث و لما البلد كلها تبقه عربيات جديدة و فيها علبة البيئه ده و الميكروباسات و الأتوبيسات تبطل تدخن هباب أبقه أركبها تانى و محدش يقولى هتخرج العربيه من الضمان لأنها بره الضمان خلاص.

لا ضرر و لا ضرار

و ابدا بنفسك

لو كل واحد عمل كده و قال اشمعنى و اما كله يبطل ابقى ابطل هتخرب خالص

علبة البيئة بتقلل بشكل كبير من انبعاثات أول أكسيد الكربون (غاز سام عديم اللون و الطعم و الرائحة) عن طريق تحويله الى ثاني اكسيد الكربون (غاز تمتصه النباتات و تحوله إلى أكسجين)

بلاش أنانية مش عشان تشد بعربيتك شوية تخرب صدر اطفال و نساء و رجال كتير جدا مالهمش ذنب و منهم كتير ما بيركبوش عربية فيها قزاز كهربا و تكييف و بيشموا الزفت ده ليل نهار

[mohamedway]

لا ضرر و لا ضرار

و ابدا بنفسك

لو كل واحد عمل كده و قال اشمعنى و اما كله يبطل ابقى ابطل هتخرب خالص

علبة البيئة بتقلل بشكل كبير من انبعاثات أول أكسيد الكربون (غاز سام عديم اللون و الطعم و الرائحة) عن طريق تحويله الى ثاني اكسيد الكربون (غاز تمتصه النباتات و تحوله إلى أكسجين)

بلاش أنانية مش عشان تشد بعربيتك شوية تخرب صدر اطفال و نساء و رجال كتير جدا مالهمش ذنب و منهم كتير ما بيركبوش عربية فيها قزاز كهربا و تكييف و بيشموا الزفت ده ليل نهار

كلام حضرتك على عينى و راسى و أنا مقتنع بيه طبعا و وجهة نظر سليمه مقدرش أنكرها و لكن هذا الكلام مكرر و إتقال كتير فى الموضوع اللى أنا حاطط اللينك بتاعه و لو كل عضو فى المنتدى رد علية من هذا المنطلق هيبقه الموضوع مكرر و ساعتها أتمنى من إدارة المنتدى حذفه.......... أنا دلوقتى يا أستاذ أحمد عاوز أناقش الموضوع من وجهة نظر أداء العربيه و ليس البيئة و ليك عليه يا سيدى مش هاشيلها بس أعرف لما بتتشال التغيير فى الأداء عامل إزاى و أعتقد ان ده فضول هندسى لا تلومنى عليه.

[أحمد كمال]

زيادة الاداء هتحصل بسبب زيادة قدرة المحرك على طرد العوادم بسرعة بس مش زيادة سوبر

[mohamedway]

زيادة الاداء هتحصل بسبب زيادة قدرة المحرك على طرد العوادم بسرعة بس مش زيادة سوبر

كلام حضرتك طبعا مضبوط هندسيا و أنا عارفه بس اللى نفسى فيه هو إنى أسمع تجارب فعلية لناس عملت الموضوع ده و تدينى أرقام زى مثلا أقصى سرعه بالعلبه و بدون العلبه و زمن الوصول لسرعة 100كم/س بالعلبة و بدون العلبة و هذه الأرقام لا تكدب و ستوضح الصورة الحقيقية للفرق بين وجود العلبة من عدمه بالنسبه للأداء و ربما هذه الصورة الحقيقية بالأرقام تعزز وجهة نظر حضرتك بعدم شيل العلبه إذا أظهرت الأرقام أن الفرق مش كبير(فلن تكون هناك جدوى لهذا أصلا) ولغة الأرقام ستكون بعيدة عن الخرافات و تعظيم الأمور بأكبر من حجمها عندما نسمع شخص بيتكلم عن إن أداء عربيته بقه جبار بعد إزالتها و فى الحقيقه ان التغيير ليس جبار لهذه الدرجه و لكنه بيقول كده لأنه فرحان بهذا التغيير و لو أنه تغير طفيف وهكذا.....

عشان كده أنا عاوز أعرف تجارب بالأرقام و مقارنات بين عربيات بالعلبه و بدون لإيضاح صورة هذا الأمر بشكل محسوس و حقيقى بعيد عن التهويل و الخرافات لأن خلى بال حضرتك ان ممكن ناس كتير تفكر تشيلها زييى و تشيلها بالفعل و ما تعملش التغيير المرضى ليهم كالمتوقع و لكنهم ساعتها مش هيرجعوا يركبوها تانى لاكن لو خدوا فكره حقيقية محسوسه بالأرقام عن التغيير المتوقع ممكن ياخدوا القرار السليم من وجهة نظرك بعدم شيلها قبل الفاس ما تقع فى الرأس.

[hossam_elwani]

فيه سؤال بيطرح نفسه

لو شيلت علبت البيئة ورحت تفحص العربية فى المرور للتجديد او خلافه هل ممكن تسقط فى اختبار العادم؟؟

[أحمد كمال]

فيه سؤال بيطرح نفسه

لو شيلت علبت البيئة ورحت تفحص العربية فى المرور للتجديد او خلافه هل ممكن تسقط فى اختبار العادم؟؟

انا رخصت و جددت ياما و عمري ما عملت اختبار عادم اصلا !!!!!!

[mohamedway]

انا رخصت و جددت ياما و عمري ما عملت اختبار عادم اصلا !!!!!!

تمام كده.............

و عشان كده فى بداية كلامى قولت ما معناه ان علبة البيئه ده لغاية دلوقتى مش لمصر أصلا و العربيات القديمه كلها مافيهاش العلبه ده و بترخص ده غير الميكروباصات و الأتوبيسات اللى بدخن هباب إسود؟!!!!!!!!!!!

بقولكم إيه؟؟؟؟؟؟؟؟؟؟؟؟؟؟!
مفيش علبة بيئه لقش الرز اللى خنقنا؟!

[zoro007]

فيه سؤال بيطرح نفسه

لو شيلت علبت البيئة ورحت تفحص العربية فى المرور للتجديد او خلافه هل ممكن تسقط فى اختبار العادم؟؟

هههه مفيش حاجه اسمها فحص فى مصر انا روحت فحصت .. الفحص كان عباره ان ماشى فى طابور بتعدى بدون ميقلك حتا شغل المساحه يعنى بيتفرج على جمالك وانته معدى بالعربيه بس ...
وكل الى اعرفهم نفس الكلام بيعدى وخلاص بدون ميفحص اى شىء بالعربيه
مره واحده اللى شوفته قال لعربيه شغل المساحات لان مكنش فيه مساحات فى العربيه اساسا :] نظام تلاكيك وخلاص علشان يقبض :)

[mohamedway]

مش عاوزين بس الكلام ياخدنا فى سكة المرور و التلوث و كل الحاجات اللى إحنا عارفينها فى بلدنا الجميلة ده و عاوزين نرجع للمفيد فى الموضوع ألا و هو (التجارب فى شيل علبة البيئة).

[zocor742]

انا هقول تجربتى بعد ما شيلت علبة البيئة بس كانت بظروف مش عشان السحب
العلبة باظت فاشلتها لأنها كانت عملالى مزيكة وانا ماشى فضحانى بجد
فحطيت علبة بيئة اصغر بس فاضية مفهاش فحم
بس الحق يتقال ريحة العادم بقت مشمومة عن الاول نتيجة انها اتلغت والعربية تمام مفهاش مشاكل تغير رائحة العادم
وانا سايب الموضوع كدة شوية لأنى شوية كدة ان شاء الله هغير الجكمان كانظافة عشان حضرتكم عرفين الجكمان اكتر جزء فالعربية معرض للصدأ والتأكل وهبقى اجيبة كامل بجميع العلب بس دة ياخد واقتة

[mohamedway]

انا هقول تجربتى بعد ما شيلت علبة البيئة بس كانت بظروف مش عشان السحب
العلبة باظت فاشلتها لأنها كانت عملالى مزيكة وانا ماشى فضحانى بجد
فحطيت علبة بيئة اصغر بس فاضية مفهاش فحم
بس الحق يتقال ريحة العادم بقت مشمومة عن الاول نتيجة انها اتلغت والعربية تمام مفهاش مشاكل تغير رائحة العادم
وانا سايب الموضوع كدة شوية لأنى شوية كدة ان شاء الله هغير الجكمان كانظافة عشان حضرتكم عرفين الجكمان اكتر جزء فالعربية معرض للصدأ والتأكل وهبقى اجيبة كامل بجميع العلب بس دة ياخد واقتة

تمام بس حضرتك معلقتش على سحب العربيه بعد إلغاء العلبة؟ و هى ده النقطه اللى عاوزين نركز عليها

[mohamedway]

انا كنت متوقع سيل من الردود و إن الموضوع ده هيبقه سخن جدا و خصوصا من هواة التعديلات و الناس اللى بتفنن فى إزاى تزود أداء العربيه و لكن الظاهر إن الناس معندهاش فكرة عن علبة البيئة أصلا و معندهاش التجارب اللى أنا طالب نتكلم فيها........شكرا جزيلا لكل اللى ردوا.

[zocor742]

هو من ناحية السحب فالعربية حسييت انها ارتاحت كتييييييييييييييييييير عن الاول والتجميع بقى اسرع بس مش بنسبة كبيرة اوى حاجة بسيطة تحسها لو انت متابع صوت الجكمان مع السحب ... هتقدر تحث بالفرق وهى العملية ان الجكمان سلك ومبقاش فية اعاقة لخرج العادم زى الاول وحتى لو العلبة سليمة بردة من غيرها الجكمان اسلك لأن كدة العادم بيخرج طوالى انما بوجود العلبة العادم لما بيدخل العلبة يتفلتر اكيد بياخد وقت اطول وهيا كلها لحظات غير محسوبة (والجزء الاخير دة وجهة نظرى مع التجربة) بخصوص السحب... حضرتك بقى حسيت بفرق فى استهلاك البنزين ولا لأ بعد الغاء العلبة