حاجة تحرق الدم

[hmostafaahm]

اليوم نزلت صباحاً فى موعدى المعتاد وبرفع الغطاء عن السيارة فى واحد من الأفعال الروتينية اليومية دون أى هتمام او مبالاة وفجأة تنبهت لعدم وجود شعار ميتوبيشى المثبت فى منتصف الشنطة، حيث كان واضحاً أنه قد تمت عملية سرقة لهذا الشعار اللامع نتج عنها تشوية منظر الشنطة، طبعا حرام وحاجة تحرق الدم على الصبح خصوصا بعد السؤال فى مركز بيع قطع الغيار لدى مصرية والذى أوضح أن سعر الشعار الخلفى 99 جنيه ( خدوا بالكم من الدقة المتناهية 99 مش 100)
طبعا اكيد الشعار اللى اتسرق ده دلوقتى مثبت على واحد توك توك مع شعار اخر مسرق من عربة النترا مع شعار ثالث من عربة كورولا ومش بعيد كمان يسرقوا شعار مكتوب عليه بوينج

[Goodspeed]

هذا الموضوع بدأ ينتشر كثيرا في الأونه الأخيرة...و لكن سؤال؟؟!

لا حظت مؤخرا اختفاء شعار تويوتا كورولا من علي كثير من السيارات في الشارع و أحيانا الأمامي و الخلفي معا !!!
السؤال الذي يطرح نفسه ما هي الاستفادة التي تعود علي السارق ؟
هل يبيعه ؟!! وبكام
هل فعلا وصلت الحالة الاقتصادية لهذا الحد؟
و بالنسبة للأخ صاحب السيارة أكيد ممكن تشتريه من محلات الاكسسوار و سيكون أرخص بكتير جدا لأن الأصلي أكيد كده غالي جدا

[hmostafaahm]

اخى الفاضل لا اعتقد ان هذه الشعارات يتم بيعها وإنما يتم لصقها على التوكتوك نوع من أحد انواع الفانتازيا المؤسفة والكوميديا السوداء اللى بنشوفها فى الشارع

[ahmadelsaeed]

اخى الفاضل لا اعتقد ان هذه الشعارات يتم بيعها وإنما يتم لصقها على التوكتوك نوع من أحد انواع الفانتازيا المؤسفة والكوميديا السوداء اللى بنشوفها فى الشارع

حسبى الله و نعم الوكيل ... الحمد لله إنه معلملكش على الشنطة و حب يسيبلك إسمه على سبيل الذكرى

أنا متهيألى الواحد لو مسك حد من الناس و هو بيعمل كده ممكن يقتله و لا حاجة ... أصل هو مش حاسس إنت شقيان فى العربية دى قد إيه.

معلش يا باشا .... قلبى معاك ... و هدعيلك ربنا يحميلك عربيتك

[A7MED_PHARMA]

حصلت معايا في الانسر
والعلامه بتاعه العربيه رخيصه اوي..مش لدرجه 100 جنيه
تلاقيها ع الرصيف في التوفيقيه ب5 جنيه

[bmya]

علي فكره ياباشا البواب بتاع العماره مسك عيل صغير في ابتدائي بس مشترد كان عمال يقلب في العلامات بتاعت العربيات
ومسكه وهوبيشيل كلمه sunny من عندي في عربيتي وجاري معه اسبرانزا معدتش عليها ولا حرف ولا علامه بقيت مللللللط ونداني ونزلت للواد وبقوله بتعمل ايه بيهم يا امووور قالي ببعهم لمحل اكسسوارات
بقوله بكام تخيلوا الحرامي بيشتري العلامه بكام من العيل ده













ربع جنييييييه تخيلوا بقه ربع جنييييه وهتلاقيه بيبعها للتوكتوك ولا المكروبصات ب 5 جنيه بالكتيييير
واحنا نجبها من التوكيل ب 100 جنيه حسبي الله ونعم الوكيل في الناس دي

[zoro007]

فعلا الموضوع دا منتشر بشكل كبير جدا جدا اليومين دول تقريبا 90% من العربيات اللى بشوفها بلاقى مسروق العلامه اللى ورا واللى قدام

ووصلت كمان انها بتتسرق من الفولكس والاسكودا والبى ام دبليو
واللى يعرف علامه الفولكس نظامها ايه يقول اللى سرقها دا محترف
لانها بتبقى جوه العربيه لما بتتشال بقى بيبقى منظر العربيه شنيع لانها بتبقى مجوفه لجوه تحس ان العربيه مخرومه العلامه مش سطحيه

حصل موقف قبل كدا قدامنا واحد كان بيشيل الجلد اللى بيبقى على باب العربيه فى عربيه مرسيدس والعلامات خلاها على البلاطه واحنا شايفينه لكن مفكرينه بيظبط العربيه او بيصلحها مجاش فى بالى انه حرامى علنى كدا عينى عينك وفجاه سمعت واحد من البلكونه بيزعق وفى دقيقه كان تحت جرا ورا الواد ومسكوه ونزلوا فيه ضرب لحد معدموه العافيه ودخلوه فى مدخل العماره وقفلوا الباب والله اعلم بقى موتوه ولا ايه ههههههههه :]

[A7MED_PHARMA]

يستاهل
الناس مش بتلاقي فلوسها






.

[M.almaghraby]

والله العظيم شوفت اودي علي مكروباص