بنزين الكريستالة

[hanymoharem]

سوالى الى اهل الخبرة
معايا لانسر كريستالة 99 العربية كاملة اوتوماتيك 1300 سى سى فابريكة بالكامل وعاملة 55000 كيلو من الزيرو و هية بحالة الزيرو تماما لم يتم تغير اى شى فيها من الفبريكة
انا لسة شريها من شهرين وعملتلها طقم سرفيس كامل فى التوكيل
المشكلة انى حاسس ان العربية بتاكل بنزين جامد جواء البلد و على السريع
جو البلد بتعمل معايا فى الصفيحة 125 كيلو من غير تكيف
على السريع بتعمل 150 كيلو
و بالتكيف مش هاقول اكيد حاسين بية
الى جانب العربية حاسس ان سحبها ضعيف و مخنوقة
التوكيل قال ان العربية زى الفل و ان اللى انا حاسس بية دة علشان العربية اوتوماتيك
ياريت حد يفدنى و يكون عندة حل غير انى انظف الكربتير لانى عاملت كدة
و شكرا

[mnhab4554]

انا معايا نفس الموديل واعاني من نفس المشكلة بس بتعمل معايا 200 كم في الصفيحة بدون تكييف والميكانيكي قال ان ده طبيعي عشان اتوماتيك نرجو الافادة من اهل الخبرة ياترى ده طبيعي فعلا

[medo1527x]

انا معايا نفس الموديل لانسر 99 بس مانيوال بتعمل حوالى 170 كيلو للصفيحة بس سحب العربية جميل ولكن للاسف فيه ريحة بنزين مع السرعة داخل السيارة وفيه تقطيع ظاهر فى الغيارات من الأول حتى الثالث بالرغم من انى غيرت البجوهات ونظفت الكربرتير (ميكانيكى قال عاوزة كربرتير استيراد) افيدونى افادكم الله

[ConDoR]

اضم صوتي لصوتكم بس لان عندي كريستاله 1300 اتوماتك بردو وبتاكل بنزين بس دا الطبيعي في كل الكريستالات الاتوماتيك بالنسبه للسحب فهيا فعلا سحبها خنيق اوي اوي بس انا غيرت بوجيهات 3 شمعه والسحب اتحسن شويه

[ConDoR]

انا معايا نفس الموديل لانسر 99 بس مانيوال بتعمل حوالى 170 كيلو للصفيحة بس سحب العربية جميل ولكن للاسف فيه ريحة بنزين مع السرعة داخل السيارة وفيه تقطيع ظاهر فى الغيارات من الأول حتى الثالث بالرغم من انى غيرت البجوهات ونظفت الكربرتير (ميكانيكى قال عاوزة كربرتير استيراد) افيدونى افادكم الله

انا برده بشم ريحه بنزين عندي في العربيه

[ainshouka]

بالنسبة لسحب الكريستالة هو كده فمتقلقش منه ومتنساش كمان انها اوتوماتيك و1300 سى يى فعلشان كده سحبها ضعيف ومفيش انك تقرص شوية وانت طالع بيها لكن حتة البنزين فهى بتستهلك عندك بنزين كتير جدا

[HeMa_LanCeR]

كده الاستهلاك كتير ومن الافضل تروح مركز متخصص في الكربراتير وتقيس نسبه البنزين قد ايه والعادم قد ايه
بس ممكن اعرف حضرتك بتستخدم بنزين كام؟؟

[islamaboelnaga]

جوه البلد 220 كم فى الصفيحه و على الطريق بتبقى 300-320 كم فى الصفيحه (مانيوال و سرعه 100 كم على الخامس ) و بالنسبه للسحب فمش هقولك ان مفيش عربيه 1300 هتطلع منك و هتطلع من 1600 كتييير و عربيتى معديه 100 الف كم بس صيانه فى التوكيل من الزيرو (من الاخر فى حاجه عندك مش مضبوطه حاول تروح التوكيل اللى فى قليوب)

[أبو_حمزة]

الاحساس بالسحب نسبى يعنى لو متعود على عربيات مواتيرها كبيرة ها تحس ان السحب ضعيف
أما استهلاك البنزين فكل الارقام اللى فوق كتير ما عدا الخ "islamaboelnaga" تقريبا عندى نفس الاستهلاك والعربية اتوماتيك

[dr-mohamed]

جوه البلد 220 كم فى الصفيحه و على الطريق بتبقى 300-320 كم فى الصفيحه (مانيوال و سرعه 100 كم على الخامس ) و بالنسبه للسحب فمش هقولك ان مفيش عربيه 1300 هتطلع منك و هتطلع من 1600 كتييير و عربيتى معديه 100 الف كم بس صيانه فى التوكيل من الزيرو (من الاخر فى حاجه عندك مش مضبوطه حاول تروح التوكيل اللى فى قليوب)

الله يبارك لك فيها والله يسامحك متهيالي عقدتنا كلنا
اكبر رقم اتقال قبلك كان 200 كيلو في الصفيحة وده تقريبا المتوسط بتاعي بردو
لكن انت بتقول ارقام خرافية بتعملها ازاي قلنا حاجة تانية غير ان الصيانات بتتعمل في التوكيل

[islamaboelnaga]

ياباشا مش ارقام خرافيه ولا حاجه ماالاخ ابوحمزه كدا برده

[bido]

أنا معايا لانسر كريستالة 99 العربية كاملة اوتوماتيك 1300 سى سى بردو وبتاكل بنزين بتعمل حوالى 170 كيلو للصفيحة على السريع بدون تكييف بسرعة 100كيلو ودة الطبيعى لإنى عملت كل حاجة بوجيهات وظبط كربراتير وفلتر هواء وكلة ومفيش فايدة

[أبو_حمزة]

أنا معايا لانسر كريستالة 99 العربية كاملة اوتوماتيك 1300 سى سى بردو وبتاكل بنزين بتعمل حوالى 170 كيلو للصفيحة على السريع بدون تكييف بسرعة 100كيلو ودة الطبيعى لإنى عملت كل حاجة بوجيهات وظبط كربراتير وفلتر هواء وكلة ومفيش فايدة

لأ ده مش طبيعى
العربية على 100 ثابت بدون تكييف تعمل 300 كم فى الصفيحة و أكتر
الكلام عن تجربة مش سمع
استهلاك البنزين الزايد معناه اما العربية مش مضبوطة أو اسلوب القيادة عنيف
و فى كل الاحوال مع التكييف و الزحمة و خلافة اعلى استهلاك ليها 200 كم فى الصفيحة

[hemahom]

جوه البلد 220 كم فى الصفيحه و على الطريق بتبقى 300-320 كم فى الصفيحه (مانيوال و سرعه 100 كم على الخامس ) و بالنسبه للسحب فمش هقولك ان مفيش عربيه 1300 هتطلع منك و هتطلع من 1600 كتييير و عربيتى معديه 100 الف كم بس صيانه فى التوكيل من الزيرو (من الاخر فى حاجه عندك مش مضبوطه حاول تروح التوكيل اللى فى قليوب)

هو ده الاستهلاك الطبيعي لعربيه 1300 سي سي واللي عنده غير كده لازم يكشف عليها ويشوف في ايه

[amr_shedeed4]

بجد ياجماعة تعبت جداا مع الكربراتير بتاعى ومكنشى عاوز يتظبط حتى اما كنت بستعمل سبراى بتاع الكربراتير بردو مكنشى بيعالج انا كان عندى عيب فية اولا كنت فى كل نقلة الاقى العربية بتنتش والعربية بتكون مخنوقة وبتجمع بعد فترة وكان فى دخانة سودة بتطلع من الشكمان بسبب البنزين النى والعربية تبقى جية من مشوار اطفيها وارجع اشغلها تانى بدور بعد عذاب مع انها بدور الصبح عادى جداا من اول مرة وكمان البنزين كان بيخلص بسرعة جداا كان ال10ليتر بيمشونى 70 كيلو كل المكانيكية قالولى عليك وعلى الاستيراد قولتلهم لو عاوز زيرو قالولى هيبقا غالى قلتلهم بكام قالو بحوالى 4000 جنية طبعاا فقدت الامل فى الكربراتير خالص وقالولى ان كربراتير لانسر لو اتفك مش بيرجع لطبيعتو تانى قولت اجرب اروح لحد بتاع كربراتير ماهمة بيقولو جيت تضرب الاعور على عينو قال ماهية خربانة خربانة سالت المكانيكية الى فى المنطقة عندى رجحولى واحد اسمو الحاج ابراهيم فى شبرا مصر الراجل دة ياجماعة بسم الله مشاء الله علية بجد ربنا يبركلو هوة الى رجعلى الكربراتير زى الاول والله ويمكن احسن سبتهولى يوم وجيت تانى يوم بليل اختو وفى حاجة ياجماعة الكربراتير الى هيفكو وهيركبو ناس صنيعية لاكن تيجى على الظبط لازم الحاج ابراهيم هوة الى يظبطهولك ولازم تكون العربية باردة فى نقطة كمان ياجماعة الكربراتير بتاعك لو مش هيتصلح همة نفسهم هيقولولك روح هتلك واحد تانى غيرو لو هيتصلح مش هسيبك تمشى من الورشة غير اما العربية تطلع مظبوطة من تحت اديهم جربوة ياجماعة وانتو هتدعولى انا بجد قولت افيدم فى المضوع دة علشان لقيت ناس كتيرة بتشتكى من كل الحجات الى انا قولتلك عليها دى وبلذات سحب البنزين جربوة ياجماعة ومش هتخسرو حاجة انا اسف جداا نمرت المحل وعنوانو معرفهمش انا رحتلو بلوصف كدة واعت اسال علية بس هوة الشارع بتاعو قدام سينما شبرا اسالو عن شركة الابراهيمية للكربراتير ........... انا بجد ياجماعة الى خلان اعمل الموضوع دة انى استريحت اخيرا من المشاكل الى كانت فى الكربراتير بجد كان مزهقنى من العربية كلهاا كنت حاسسانى راكب عربية فيات دلوقتى بسم الله الرحمن الرحيم حسيت انى راكب لانسر فعلا فرق سحب ونعومة وصوت انعم للموتور بلتوفيق ياجماعة