صوت فى لا نسر مزعج ارجو مساعده

[bassem_sams]

السلام عليكم
كل سنه و انتم طيبين و عيد مبارك و سعيد عليكم كلكم
انا بقالى كام يوم طول طريق عربيه فى صوت تكتكه طول الوقت فى الأول كنت فاكرة من بلاستيكات لما تسخن او زجاج او كاوتش بتاع زجاج او صوت من تابلوة حاولت اضغط عليه او مت بلاستيك على عداد لكن صوت موجود مش بيروح طول ما العربيه ماشيه على طريق و لو مشيت على طريق مش متسقلت مظبوط او متسقلت زلط صوت يزيد ممكن من اخوة لو عنده فكرة يفهمنى ايه موضوع

مع الشكر و فى انتظار ردودكم

[مصراوي جدا]

اهلا يا استاذ باسم

حضرتك معاك بومة 2009 مانوال 1600 (مش قوة ذاكرة انما راجعت مشاركات حضرتك السابقة) لأن دي اول معلومة هنحتاجها للرد على سؤالك

تاني سؤال : هو الصوت جاي منين بالظبط او بتسمعه من انهي اتجاه

[bassem_sams]

السلام عليكم يا استاذ طارق
كل عام و انت بخير و عيد سعيد عليك ان شاء الله
انا فعلا لانسر1600 بومه 2009 مانيوال و عامله 8 الف كيلو و ناوى ان شاء الله اعمل صيانتها فى قليوب علشان اتعرف على حضرتك
بالنسبه لصوت من ناحيتى انا كنت فاكرة من تابلوة او زجاج لأن لما بفتح زجاج مش بسمعه بسبب دوشه لكن اول ماقفل بسمعه عامل زى صوت زجاج بيتحرك فى عروة او زى تكتكه من تابلوة ارجو انى اكون افادتك

[ahmed322]

هو حضرتك مركب كاست ولا مكان الكاست فاضى لسه

انا كنت مركب كاست وكنت بسمع زيك صوت كده من ناحيه التبلوه وكان اى تعرجات او مطبات فى الارض بتعمل الصوت دا وفى الاخر عرفت ان الكاست مش مربوط كويس ولما شيلت الكاست عرفت ان الصوت كان منه بعت عزاب وركبته بأيدى تانى وبقى مفيش صوت تانى جرب وقولى

[bassem_sams]

اولا كل سنه و انت طيب و شكرا على اهتمامك فى رد
انا مركب فعلا كاسيت من سنه تقريبا لكن اجرب يمكن ده سبب بس صوت ده طول ما انا ماشى نادرا ما يفصل و يرجع تانى لكن اجرب شكرا ع نصيحه

[bassem_sams]

شكرا يا استاذ احمد انا شيلت كاسيت و ركبته تانى فعلا صوت راح و مش بيظهر الا لما اكون على اسفلت وحش طالع منه زلط فبنسبالى كده افضل من طول الوقت سامع صوته لكن بالنسبه احيانا لما بأخذ ملف على طريق مكسر او بلف على شريط مترو باسمع صوت حديد فى دركسيون على هذا طبيعى و باسمع كمان لما ادى اشارة و الف دركسيوت صوت تكه بسيطه هل دى اصوات طبيعيه هى مش فارقه معايا لكن هل ده طبيعى بالنسبه للبومه

[ahmed322]

شكرا يا استاذ احمد انا شيلت كاسيت و ركبته تانى فعلا صوت راح و مش بيظهر الا لما اكون على اسفلت وحش طالع منه زلط فبنسبالى كده افضل من طول الوقت سامع صوته لكن بالنسبه احيانا لما بأخذ ملف على طريق مكسر او بلف على شريط مترو باسمع صوت حديد فى دركسيون على هذا طبيعى و باسمع كمان لما ادى اشارة و الف دركسيوت صوت تكه بسيطه هل دى اصوات طبيعيه هى مش فارقه معايا لكن هل ده طبيعى بالنسبه للبومه

لا شكر على واجب يا باشا ... الحمد الله ان الصوت راح اللى كان عامل ازعاج معاك
اما الصوت لصوت الحديد اللى فى الدركسيون مش عارف بصراحه اما صوت التكه اللى بتتعمل لما تعمل اشاره دى حاجه طبيعيه خالص عند كل الناس علشان بعد ما تخلص الملف الاشاره ترجع تانى زى ما كانت ...معلش معرفتش افيدك فى موضوع الدركسيون اللى بيعمل صوت بس اعمل فحص على زيت الباور برده احيتاطى
وكل سنه وحضرتك طيب