مشكلة صغيرة

[gta10]

السلام عليكم و رحمة الله و بركاته

انا يا جماعة عندى مشكلة صغيرة انا معايا لانسر بومه 2009 و من كام يوم كنت باقيس الزيت و المياه فلاقيت قربة الريداتير من غير الغطاء و مش عارف الغطاء راح فين فانا خايف امشى بالعربية ليكون غلط و لا حاجة و كنت عايز اعرف اجيب منين الغطاء و بوضح تانى غطاء (القربة) مش غطاء الريداتير فياريت تساعدونى لان كده معظم المياه اللى فى القربة ها تتبخر فياريت تقولولى الاقيه فيييين؟؟؟؟....و شكرااا

[مصراوي جدا]

غطاء قربة الردياتير هو الأحمر الموضح في الصورة الخاصة بردياتير عربية لانسر 2009 بومة

سعره أصلي من التوكيل (مصرية) 20 جنيه +10%

موجود في محل بيع قطع الغيار التابع للتوكيل في الكيت كات اول شارع السودان ت : 33057640 شغالين طوال ايام الأسبوع

[mohamedway]

مفيش مشكلة إنك تمشى بالقربه من غير غطاء بس إلتزم بعلامة الmax و ما تملاش القربه على الأخر عشان ما توقعش ميه فى الملفات و المطالع و المنازل و أصلا غلط انها تتملى على الأخر و علامة الmax إللى بقولك عليها ده تقريبا فى منتصف القربه.

بالنسبه لإنك تجيبها منين أعتقد انك تسأل عليها أولا فى محلات قطع الغيار و مش مهم خالص تكون أصلى و لو ما لقيتهاش إسأل عليها فى الحرفيين إستعمال و أعتقد هتكون أرخص من التوكيل حتى لو إضطريت تاخد قربه إستعمال كامله على بعضها و طبعا أحسن واحد ممكن يقولك هى موجوده فى التوكيل و لا لأ و بتتباع لوحدها و لا القربه كامله و الأسعار كام هو البشمهندس طارق.

نصيحه لو طلعت موجوده لوحدها أصلى فى التوكيل بسعر لا يتعدى 30 جنيه مثلا هاتها من التوكيل و إخلص لكن لو طلعت سعرها خيالى كعادة التوكيل فى الإكسسوارات يبقى شكرا.

[mohamedway]

البشمهندس طارق سبقنى و رد !!!!!!!!!!

[مصراوي جدا]

نصيحه لو طلعت موجوده لوحدها أصلى فى التوكيل بسعر لا يتعدى 30 جنيه مثلا هاتها من التوكيل و إخلص لكن لو طلعت سعرها خيالى كعادة التوكيل فى الإكسسوارات يبقى شكرا.

والله يا باشمهندس محمد سعر قطع الغيار معقول انما سعر الاكسسوارات بمعنى الكماليات هو اللي مش معقول

[gta10]

شكراااا جدا جدا جدا

[alex_life1989]

انا فى مرة سافرت للمحلة من اليكس بدون غطاء للقربة
و عادى جدا
بس كانت عربية شاهين الله يرحمها