العربيه سحبها ضعيف

[hesham69]

ازيكم يا شباب عضو جديد بانضم ليكم فى اسره لانسر

انا اشتريت الحمد لله عربيه لانسر بومه 2003 النهارده

العربيه 1300 اوتوماتيك

هى عربيه محترمه وكل حاجه بس فى مشكله العربيه اول لما تدورها تلاقى الار بى ام على فجاه كده وطلع لتلاته وبعدين ينزل تانى ويخلى صوتها عالى والسحب بتاعها عشان يقبل دوسه النزين لما تدوس بنزين جامد عشان يجمع بسرعه بتحس انه بطىء اوى مع ان اليبانى معروف بتجميعه السريع

المهم صاحب العربيه قالى ان العيب ده حساس البنزين وده بيتعمل فى التوكيل وكده ب 250 جنيه ياترى الكلام ده صح

وعلشان افوق العربيه فى السحب والتجميع ممكن ايه يتعمل فيها
مستنى ردودكم يا احلى شباب

[zoro007]

اولا مبروك العربيه وربنا يعطيك خيرها ويكفيك شرها

لكن للاسف الاوتماتك مع ال 1300 بالنسبه للسحب بيكون مش كويس دى طبيعة العربيه

[mada121977]

من العوامل المؤثره فى سحب العربيه
فلتر الهواء و فلتر البنزين والبوجيهات وياريت لو تعرف تتصل بالراجل اللى انت شارى منه وتعرف هل كان بيعمل الصيانه الدوريه ولا لا وغير الحاجات دى امتى واصلى ولا لا .

[ahmed-moga]

علي فكرة انا معايا بومة 2008 1300 اتوماتك فيها نفس المشكلة ومستني لما يجي ميعاد صيانة العشرين الف وقولهم علي الموضوع دة

[khaledmekawy2008]

اللانسر الاتوماتيك 1300 كلها الزيرو منها مشكلته السحب بتاعها ضعيف جدا جدا لو شغلت معاه تكييف او كان معاك حمولة نفسى الميتسوبيشى تعيد النظر فى الاتوماتيك بتاع 1300 عشان سحبها ضاايع

[hesham69]

شكرا لكل الناس الى ردت بس مش معقوله يعنى يكون سحب الاوتوماتيك بتاع 1300 ال 128 اسرع منه عشان هى مانيوال مش ممكن انا ركبت عربيات كتير

هو موضوع الحساس ده بيقولو انه بياثر وممكن فلتر الهوا وانا عايز اغير سير الكاتينه بالمره ياترى ايه يا جماعه تانى يفرق وياريت اعرف اوديها لفنى او ورشه يعملى الشغل ده ولا التوكيل وياترى لو عايز اعمل ده فى التوكيل يكلفنى كام ياريت حد مجرب يرد عليا

[zoro007]

شكرا لكل الناس الى ردت بس مش معقوله يعنى يكون سحب الاوتوماتيك بتاع 1300 ال 128 اسرع منه عشان هى مانيوال مش ممكن انا ركبت عربيات كتير

هو موضوع الحساس ده بيقولو انه بياثر وممكن فلتر الهوا وانا عايز اغير سير الكاتينه بالمره ياترى ايه يا جماعه تانى يفرق وياريت اعرف اوديها لفنى او ورشه يعملى الشغل ده ولا التوكيل وياترى لو عايز اعمل ده فى التوكيل يكلفنى كام ياريت حد مجرب يرد عليا

السحب مش لدرجه 128 يعنى السحب مش كويس بالنسبه لمثيلتها المانيوال فرق كبير جدا هتلاحظه لما تركب المانيوال 1300

لكن بما انك حاسس انها سحب 128 يبقى اكيد فيها مشكله وربنا يوفقك ان شاء الله