طلب هام وعاجل " لانسر 98"

[meg2006]

السلام عليكم
يا جماعة أنا إنهارده عاينت عربية لانسر98 خليجي وإتفقت مبدئيا علي السعر
بس أنا عاوز أرفعها في التوكيل واشوف كفائة الموتور بس صاحبها قالي مش مستهالة توكيل دا غالي وبيأخذ وقت كتير وقالي ممكن نرفعها الصبح في أى محطة (إيه رأيكم) ولو ممكن حد يقولي عنوان توكيل قريب من الهرم

على فكره أنا كنت طلبت تسعيرها هنا في المنتدى والناس قالو أخرها 45000 بس صاحبها قالي دا تهريج و اتفقنا على مبلغ حوالى47500

أرجو من حضراتكم الإهتمام وعذرا على الإطاله

[meg2006]

صباح الخير

يا جماعة أنا عرفت إن في مركز خدمة في شارع بورسعيد جبت النمرة وكلمتو قالي هات العربيه أى وقت والفحص هيتكلف 165جنيه

[mady2007]

لو حضرتك ساكن فى الهرم فى بنزينه شل اللى عند الخزان ممكن ترفع هناك العربيه وهيعملوا كشف على الموتور وعلى الشاسيه وعلى العربيه من تحت وهتاخد تقرير بحاله العربيه والتكلفه هناك 100 جنيه أو هتروح مركز خدمه متسوبيشى اللى فى شارع عبد الخالق ثروت بجوار السفارة وهناك هتلاقى مهندس محمد جابر وهوة راجل محترم وهيعملك كشف كامل بس معرفش هناك التكلفه كام..وربنا يوفقك للى فى الخير

[zoro007]

بالنسبه للسعر ف 45 دا فعلا تهريج
العربيه ممكن توصل ل 52 الف واكتر

العربيه بدايتها من 40 الف حتى فوق ال 50 الف حسب الحاله والكماليات وووو .. الخ

فانته شوف حالتها ولو تستاهل المبلغ دا توكل على الله واشترى

[meg2006]

السلام عليكم

أولاً أنا عاوز أشكر كل اللى رد عليا و عاوز أخذ رأيكم في اللى حصل إنهارده

أنا أقنعت صاحب العربية إني أكشف عليها في التوكيل و روحت مركز خدمه متسوبيشى اللى فى شارع عبد الخالق ثروت الناس قالولي هنعمل فحص شامل ما عدا السمكرة مش عندنا قولت ماشي
ودي نتيجة الفحص
مطلوب تغيير
كاتينه 220 جنيه
سير باور 150جنيه

بلية كاتينه 255
دينامو110جنيه
2 مسمار ميزان أمامي 150
2 أويل سيل ( كامه وكرنك) 100
المجموع 985 والمصنعيه 320 +15% ضريبة

أنا اللي مقلقني إني لما رفعت العربية وبصيت ناحية الموتور لقيت ترشيح زيت خفيف من تحت و الفني قالي لازم اغسلها علشان أعرف الزيت مرشح منين وقالي لما نغير الأويل سيل الترشيح هيروح
المهم أنا العربيه رغم كل ده ورغم شغل السمكره والرش اللي فيها عاجباني ومستريحلها ولكن حاسس إن كده سعرها هيبقى غالي مش عارف أنا محتاج النصيحة من حضراتكم وعذرا على الإطاله

[mon3em]

لا كده سعرها حلو بالنسبه للمصارف اللي فيها
هي كده مش محتاجه مصارف كتير علي فكره
ربنا يباركلك فيها

[أبو إياد]

توكل على الله وربنا يباركلك فيها كفايه ان الموتور والعفشه واساسيات العربيه سليمه
انت لو صرفت 1500ج عباره عن صيانه

[re3ooo]

بوص يا كبير لو ترشيح الزيت من عند الكرتيرة بتاعة الزيت الي هوة خزان الزيت يعني يبقا عوزة جوان ب10 جنية وخلاص غير كدة تبقا حاجة مظنش انها لطيفة

[meg2006]

السلام عليكم يا جماعة الخير
إمبارح كلمت صاحب العربية وأتفقنا إني أروح له علشان نخلص روحت من الشغل جبت الفلوس والعقد الإبتدائي من المكتبه ذي ما قالي وإديته معاد على 8 أو 8:30قالي أنا مستنيك
المهم أخدت المشوار من مصر الجديده لحد عنده في الهرم وكان معايا 2 صحابي وتهنا في الطريق المهم وصلت عنده ع الساعة 9:15 و بكلمه من تحت البيت
راح قالي أنا لقيتك أتأخرت أفتكرتك صرفت نظر!!!!!!!!!!!!!!!!
وجالي مشوار ونزلت ممكن تستناني ساعتين أو تيجي يوم تاني !!!!!!!


أنا مبئتش فاهم حاجة ممكن حد يفسرلي هي الناس دي بتهرج في البيع

[أبو إياد]

بص هو الميعاد كان الساعه 8.30 وحضرتك كنت فى الطريق يبقا اول لما الساعه جت عليك الساعه 8.20 المفروض مكالمه منك فى الوقت ده تاكد عليه حضوركمع التنويه بانك هاتتاخر شويه لظروف الطريق

[sherif4004]

طيب هل الكرستاله بتستهلك بنزين 80 ام لازم 90
لان بفكر اجيب بس مش عارف اجيب بنزين ايه

[zoro007]

طيب هل الكرستاله بتستهلك بنزين 80 ام لازم 90
لان بفكر اجيب بس مش عارف اجيب بنزين ايه

تمشى كدا وتمشى كدا لكن الافضل 90 بيعطى سرعه فى السحب للعربيه وبيحافظ على الموتور عن ال البنزين ال 80

[sherif4004]

تمشى كدا وتمشى كدا لكن الافضل 90 بيعطى سرعه فى السحب للعربيه وبيحافظ على الموتور عن ال البنزين ال 80

شكرا يا مان