مشكلة في سحب الكريستالة

[m_totti]

السلام عليكم
عندي مشكلة منذ يومين في الكريستالة لما بزود بنزين العرية ما بتسحبش مع ان rpmبيعلي وصوت العربية يزيد وكأني ممور وخاصة لما بزود بطريقة مفاجئة مش درجة درجة ( يعني فيه تدفق للبنزين وفي رد فعل في rpm وصوت العربية بيزيد بس مافيش رد فعل في السرعة )
هل المشكلة في الاسطوانة والدسك ولا في الدبرياج عالي ولا نوع البنزين 80 مع انني بستخدمه منذ فترة وماحصلش حاجة زي ده قبل ده خالص ) علما بانني قد غيرت بوجيهات السيارة منذ شهر)
برجاء الافاده وسرعة الرد

[thekiller]

انت سالت وجاوبت كمان ... اكيد فى الاسطوانة والدسك يا مان

[m.aligamal]

هوا فيه اسطوانه و دسك فى الاوتوماتك اصل تقريبا بحس بنفس الاعراض دى يا ترى يبقى الحل ايه مع الاوتوماتك

[HeMa_LanCeR]

لو منوال يبقي ديسك واسطوانه
لو اوتو يبقي الفتيس عايز يتظبط وتغيرله زيت

[أبو_حمزة]

تمام زى ما هيما قال
لو مانوال يبقى طقم دبرياج و اللى فى العربية يبقى فى حالة متاخرة
و لو اتوماتيك يبقى الفتيس بيأخر و أول حاجة تعملها تغير زيت و فلتر و تشوف اذا كانت المشكلة ها تتحل