بالنسبة لبنزين الانسر

[devilishtigers]

ممكن اسأل سؤال غريب شوية هو تنك البنزين بتاع الانسر اد ايه ؟؟؟؟
بالنسبة لعداد البنزين هو بيبقى فيه 5 خطوط
1 عند ال full
1 تحت ال full على طول
1 في المنتصف
1 قبل ال empty
1 عند ال empty
انا العربية عملت معايا 210 كيلو لغاية الخط اللي في المنتصف
وعملت معايا 330 كيلو لغاية الخط اللي قبل ال empty فا قولت افولها علشان معرفش المؤشر اللي قبل ال empty كدا يعني فيها اد ايه لقيتها خدت 35 لتر فهل دا طبيعي ؟؟؟؟ وبالنسبة للخط اللي في النص واللي قبل ال empty دا معناه كام لتر والمفروض لما افولها تعمل معايا اد ايه لغاية لما البنزين يخلص؟؟؟؟ (على فكرة انا مش دوست على العربية إلا مرة واحدة وجبت 140 على المحور فقط ودائما بنقل بين ال 3 و 4 ار بي ام )

[zoro007]

انا مش شايف انك ذكرت اى شىء من العربيه زى مثلا هيه كام سى سى وموديل سنه كام ومانوال ولا اوتماتك لان كل الحجات دى بتفرق

عربيتى لانسر2001 ماتول 1300 سى سى التانك بتعها تقريبا 48 لتر او 50 لتر

واستهلاكها فى البنزين جيد جدا فى السفر
بمشى من المنصوره حتى مصر الجديده بالقاهره بربع تانك يعنى رايح جاى بتستهلك نصف التانك بالظبط اى المؤشر بالمنتصف
وتقريبا كل العربيات اللانسر ال 1300 مانوال استهلاكها كدا

[devilishtigers]

انا اسف اني نسيت 1600 موديل 2007 ومانيوال

[amro_26]

انا اسف اني نسيت 1600 موديل 2007 ومانيوال

طبيعى جدا و مظبوط هى لما تنزل عن الخط قبل الأخير لما تيجى تفول تعمل من 33 - 35 لتر أما لما بتكون على المؤشر الأخير بتكون تقريبا تتفول 41- 43 لتر.
كمان احب اوضحلك ان أول ما لمبة البنزين تنور وتفصل وتنور وتفصل يبقى العربية فيها حوالى 13 لتر ولما تبقى شغالة مستمرة تعرف ان باقى فيها 7 لتر بس ماتقلقش كده العربية تمام .
ولو اى سؤال تانى انا تحت أمرك

[devilishtigers]

طبيعى جدا و مظبوط هى لما تنزل عن الخط قبل الأخير لما تيجى تفول تعمل من 33 - 35 لتر أما لما بتكون على المؤشر الأخير بتكون تقريبا تتفول 41- 43 لتر.
كمان احب اوضحلك ان أول ما لمبة البنزين تنور وتفصل وتنور وتفصل يبقى العربية فيها حوالى 13 لتر ولما تبقى شغالة مستمرة تعرف ان باقى فيها 7 لتر بس ماتقلقش كده العربية تمام .
ولو اى سؤال تانى انا تحت أمرك

الف شكر ليك يا باشا بس هو كدا مش استهلاك البنزين عندي عالي

[zoro007]

الف شكر ليك يا باشا بس هو كدا مش استهلاك البنزين عندي عالي

متقلقش مش عالى بالنسبه لانها 1600 يعتبر طبيعى

[amro_26]

الف شكر ليك يا باشا بس هو كدا مش استهلاك البنزين عندي عالي

أولا لا شكر على واجب بس احب اقولك حاجة مهمة أوى استهلاك البنزين بيعتمد على طريقة القيادة بمعنى لو الطريقة هادئة هيكون استهلاك البنزين قليل وانما لو رياضية وشد وحرق هيبقى عالى جدا الاستهلاك
المعدل الطبيعى المانيوال 1600 جوه البلد تقريبا من 200 - 220 فى الصفيحة لكل 20 لتر يعنى اللتر الواحد يعمل 11 ك جوه البلد انما على طريق السفر تعمل من 300 - 330 بس كل ده من غير تكييف ولو بالتكييف تقل حاجات بسيطة 20 - 30 ك فى الصفيحة عن المعدل بدون تكييف .
أما ال 1600 الاوتوماتيك جوه البلد من 180 - 220 بر ده حسب الشد والحرق وفى السفر 300 ك تقريبا فى الصفيحة .
وعلى فكرة انسب سرعة للقيادة الاقتصادية من 90 - 110 كم/س أما بعد ال120 بتحرق بنزين كتير
ولو فى حاجة انا ماوضحتهاش قوللى برده

[devilishtigers]

الف شكر ليك يا باشا انا بس كنت عايز اتأكد ان كدا تمام.
بس دا معناه اني مش هعرف اشد واجري تاني علشان الاستهلاك رغم اني بحب الجري جدا وبحب اسمع صوت العربية وهو عالي

[A7MED_PHARMA]

انا مش شايف انك ذكرت اى شىء من العربيه زى مثلا هيه كام سى سى وموديل سنه كام ومانوال ولا اوتماتك لان كل الحجات دى بتفرق

عربيتى لانسر2001 ماتول 1300 سى سى التانك بتعها تقريبا 48 لتر او 50 لتر

واستهلاكها فى البنزين جيد جدا فى السفر
بمشى من المنصوره حتى مصر الجديده بالقاهره بربع تانك يعنى رايح جاى بتستهلك نصف التانك بالظبط اى المؤشر بالمنتصف
وتقريبا كل العربيات اللانسر ال 1300 مانوال استهلاكها كدا

الصفيحه بتعمل معاك كام يا زورو
انا حاسس ان عربيتي بتاكل

[zoro007]

الصفيحه بتعمل معاك كام يا زورو
انا حاسس ان عربيتي بتاكل

الصفيحه بتعمل 300 كيلو وبكون فاتح التكييف
العربيه فعلا موفره فى السفر لكن جوه البلد بتشد بنزين بحس ان البنزين بيستهلك بسرعه عن انى اكون مسافر