لانسر 1300 أوتوماتيك

[Islam_Naeem]

السلام عليكم ياشباب
عملين ايه كلكم...
انا عايز اشترى لانسر 1300 أوتوماتيك2010 وعايز النصحية وخاصة فى موضو الفتيس وان العربية سحبها مش حلو
عايوز اعرف رايكم واذا كان فى حد اشترها ممكن يقول عداد ال كم بيوصل ال 100 كم فى كام من الوقت...
وايه عيوب السيارة

[mohamedway]

بلاش 1300 أتوماتك

[KSA2011]

العربيه كانت معايا وكويسه جداا بس هى هتدايقك لو هتشغل التكييف
لو قدرت تجيب 1600 تبقى افضل هتريحك بعد كده

[Islam_Naeem]

ممكن بعد اذنك تقول لى عيوبها ايه ... وتوصل لغاية 100 فى كام ثانية وانت مشغل التكيف... وايه نوع الفتيس وموديل العربية

[kemoelord]

بلاش صدقنييييييييييييييي وابعد عنها

[Islam_Naeem]

شكرا شكرا كتيييييييييير
طيب تنصحنى بايه كبديل

[cuppo0o0o]

تويوتا 1300 مع التكيف جامده جدا

[kemoelord]

شوف حضرتك في هنا مواضيع في المنتدى بتكتب اخر الاسعار الجديدة وخصوصا اسعار 2010 لان في سيارات في موديلات 2010 غليت وطبعا من ضمنها اللانسر ,, بس طبعا لو ناوي على لانسر يبقى هات ال1600 مانيوال على اعتبار هيبقى قريب من الرينج الي حضرتك حاطه

[KSA2011]

ممكن بعد اذنك تقول لى عيوبها ايه ... وتوصل لغاية 100 فى كام ثانية وانت مشغل التكيف... وايه نوع الفتيس وموديل العربية

انا بصراحه ما حسبتهاش خالص بس بتوصل للميه
التكييف هيدايقك فى السحب ولازم تحرق اوى عشان العربيه تجرى لكن لو ماشى على 120 او 140 وشغلت التكييف التاثير مش هيبقى موجود
الفتيس كان اوتوماتيك
بص انت ممكن يعجبك فى الاول بس مع الوقت هتندم انك ما جبتش ال 1600
وربنا يكرمك ويوفقك للصح ان شاء الله

[ahmed-moga]

السلام عليكم ياشباب
عملين ايه كلكم...
انا عايز اشترى لانسر 1300 أوتوماتيك2010 وعايز النصحية وخاصة فى موضو الفتيس وان العربية سحبها مش حلو
عايوز اعرف رايكم واذا كان فى حد اشترها ممكن يقول عداد ال كم بيوصل ال 100 كم فى كام من الوقت...
وايه عيوب السيارة

بص حضرتك في الأمثال قالوا أسئل مجرب وانا مجرب انا معايا 1300 الأتوماتك موديل 2008 العربية بأمانة اول ماجبتها كانت حلوة جدا وبعد 10000 كيلو العربية بقي سحبها وحش جدا وخصوصا لو انت مشغل التكييف ومعاك حمولة زيادة في العربية تحس ان العربية بتمشي بالعافية فامتغلطش غلطتي وهات 1600 احسن واقوي وهاتها بالفتيس الجديد الستربتونك بصراحة وبأمانة شديدة انا جربت الفتيس الجديد بصراحة جامد جدا في الشد والجري وسحب العربية فوق الممتاز وانا حاليا بسعي لتغير العربية بتاعتي واجيب السوبر اكشن السبورت 2010بس مستني لما العربية بتاعتي تجيب سعر حلو لأن التجار بيبخسوا بيها الأرض ولسة عاملة 16000 كيلو والله
فخليك في 1600 احسن وفرق البنزين والله مش واضح بينها وبين 1600 وكمان فرق الضريبة لما تيجي ترخص يعني 1600 احسنلك بكل المقاييس

[Islam_Naeem]

جزاكم الله كل خير....
والله انا مشكوووووووووور ليكم كلكم كتييييييير جدا جدا جدا
ربنا يكرمكو

[meeedooo]

بص حضرتك في الأمثال قالوا أسئل مجرب وانا مجرب انا معايا 1300 الأتوماتك موديل 2008 العربية بأمانة اول ماجبتها كانت حلوة جدا وبعد 10000 كيلو العربية بقي سحبها وحش جدا وخصوصا لو انت مشغل التكييف ومعاك حمولة زيادة في العربية تحس ان العربية بتمشي بالعافية فامتغلطش غلطتي وهات 1600 احسن واقوي وهاتها بالفتيس الجديد الستربتونك بصراحة وبأمانة شديدة انا جربت الفتيس الجديد بصراحة جامد جدا في الشد والجري وسحب العربية فوق الممتاز وانا حاليا بسعي لتغير العربية بتاعتي واجيب السوبر اكشن السبورت 2010بس مستني لما العربية بتاعتي تجيب سعر حلو لأن التجار بيبخسوا بيها الأرض ولسة عاملة 16000 كيلو والله
فخليك في 1600 احسن وفرق البنزين والله مش واضح بينها وبين 1600 وكمان فرق الضريبة لما تيجي ترخص يعني 1600 احسنلك بكل المقاييس

هو استهلاك البنزين في ال 1300 عامل ازاي !!

[ahmed-moga]

هو استهلاك البنزين في ال 1300 عامل ازاي !!

بص حضرتك يعني الفرق بين 1300 و1600 الأتوماتك في أستهلاك البنزين تقريبا 1.5 لتر في الصفيحة ودة عن تجربة عملية

[omaroof]

اخوتى الاعزاء ال1600 اكيد احسن من 1300 فى السحب والجرى بس عارفين الفرق بسيط اوى يعنى من 0 الى100 كيلو فى الساعه فرق 3 او 4 ثوانى موش اكتر
2- انتو عايشين فى مصر فياريت تقولولى حاتجرو فين عشان ابقى اجرى معاكو
3- اكيد 1600 على المدى البعيد احسن بس موش معنى كدا 1300 سئ
4- كنت املك لانسر موديل 2001\ 1300سى سى مانول وكانت عامله 400 الف كيلو وبحالتها فما قول من يقول الماتور تعبان والكلام ده
المشكله اننا لا نشترى العربيه على حسب استخدامنا ولكن عاوزين اعلى كماليات وقوه ويارتنا بنستخدمها

[ahmed-moga]

اخوتى الاعزاء ال1600 اكيد احسن من 1300 فى السحب والجرى بس عارفين الفرق بسيط اوى يعنى من 0 الى100 كيلو فى الساعه فرق 3 او 4 ثوانى موش اكتر
2- انتو عايشين فى مصر فياريت تقولولى حاتجرو فين عشان ابقى اجرى معاكو
3- اكيد 1600 على المدى البعيد احسن بس موش معنى كدا 1300 سئ
4- كنت املك لانسر موديل 2001\ 1300سى سى مانول وكانت عامله 400 الف كيلو وبحالتها فما قول من يقول الماتور تعبان والكلام ده
المشكله اننا لا نشترى العربيه على حسب استخدامنا ولكن عاوزين اعلى كماليات وقوه ويارتنا بنستخدمها

انا مع حضرتك في اللي بتقولة بس جرب كدة واركب 1300 اتوماتك موديل 2007 او 2008 بس تكون العربية مليانة وبعدين شغل التكييف وقولي رآيك في اللي حصل للعربية طب تخيل موقف طارئ حصل وانت معاك ناس كتيرة ومشغل التكييف ومحتاج انك تشد علشان تتطلع من الموقف دة اعتقد ان العربية مش هتسعفك وهتحمل علي الماتور جامد والموضوع دة حصل معايا بالفعل وكنت في زفة وفي عز الصيف والتكييف شغال علي اقصي درجة والعربية حاسس انها ماشية بالعافية واذا بواحد من الأصحاب اللي بتزف معاة عربية هيونداي النترا جاي وراية بسرعة رهيبة وطبعا انتم عارفين العربية الهونداي لما يجي صاحبها يوقفها علي سرعة كبيرة لأي سبب ممكن يحصل اية فطبعا انا خوفت جدا علي الناس اللي معايا وعلي نفسي وعلي عربيتي وقلت اقرص شوية علشان اوسع المسافة اللي بيني وبينة لحد مايبعد عني وخصوصا اتضح لية بعد كدة ان الأخ متهور ومجنون كبير في السواقة والشد وطبعا لاحياة لمن تنادي ولا كيك دون نافع ولا غيرة بس ربنا ستر واخدت يميني وبعدت عنة ومحبتش احتك بية لا من بعيد ولا من قريب بس حسيت بأحباط شديد من ناحية العربية وانها متنفعش الا في المشاوير الداخلية بس والسواقة الهادية جدا وان انت تفضل في يمينك علي طول المشوار بتاعك