حاجه غريبه حدا

[m.aligamal]

لاحظت فى الاونه الاخيره ان عربيتى لما بتكون متفوله بيبقى السحب كويس وبعدين تقريبا بعد الصفيحه الاولى فى التانك منتخلص احس ان الاكسراتيرتقيل و السحب مش كويس و كمان بضغط جامد عشان العربيه تجرى ياترى ايه الحل

[bmya]

متسيبش التانك يفضى للاخر

[m.aligamal]

يباشا بقلك بعد 20 لتر هوا تانك الانسر بياخد تقريبا كام بيتهيئلى اكتر من صفحتين وده معناه ان فى صفيحه على الاقل فى التانك يعنى بيتهيئلى مش مشكله بنزين

[ahmed-moga]

يباشا بقلك بعد 20 لتر هوا تانك الانسر بياخد تقريبا كام بيتهيئلى اكتر من صفحتين وده معناه ان فى صفيحه على الاقل فى التانك يعنى بيتهيئلى مش مشكله بنزين

علي فكرة الموضوع دة لحظتة معايا انا كمان ان العربية لما بتبقي متفولة علي الآخر بيبقي سحبها حلو بس ممكن الأنجكشن محتاج تنظيف او نجيب السائل منظف دورة الوقود اعتقد هو دة اللي ممكن نعملة لحد مانلاقي حل

[mohamedway]

هل حضرتك بتمون من بنزينه ثابته؟ و أيه هى البنزينه ديه؟ جاوبنى الأول على السؤال ده و هرد عليك تانى.

[m.aligamal]

ايوه يباشا بنزينه ثابته و نضيفه وهيا موبيل او اسو و الاتنين عندنا سمعتهم كويسه جدا

[mohamedway]

نصيحه حط بنزين 92 من وطنية لتضمن انه غير مخلوط ب 90 فيبقه المحصله 91 أو 90.5 فى بعض الأحيان و طبعا الحركه ده ما بتتحسش أوى ل90% من الناس و بنزينات كتير جدا بتعملها لأنه لما يملأ نصف خزان ال92 بتاع المحطة ب92 و النصف الأخر ب90 يبقه باعلك بنزين 91 و نصف الكمية بتاعت خزان المحطة بكده يبقه باعها على انها 92 و هى 90 فقط و يبقه كسب فيها 10قروش زيادة بحالهم و ده بتفرق معاهم جدا لأن حضرتك لو تعرف المحطة بتكسب كام فى اللتر هتتعجب (11 مليم فى اللتر مكسب) و رغم كده مع كميات البنزين المهوله اللى بتتباع محطة البنزين اللى حالها ماشى نص نص ممكن تحقق صافى ربح حوالى 7000 جنيه فى اليوم بدون غش بال11 مليم فما بالك لما يبيع كميه لا بأس بها من بنزين 90 بمكسب 10قروش + ال11مليم فى اللتر؟؟؟؟؟

الحركه ده بتتعمل بحرفيه شديده ليظل إحساسك ان البنزين ال92 أفضل من 90 و هو فى الحقيقه أقل من 92 لأنه مخلوط ب 90 و ممكن تحس بإختلاف فى جودة البنزين من مره للتانيه نتيجة إختلاف الخلطه من مرة للتانيه لأنه مش هيقدر يضبطها بالمسطره يعنى ممكن مرة تمون 92 و هو 91.5 و مرة تانيه من نفس المحطة الغشاشه 90.5 و لكن محطات و طنيه هى الوحيدة اللى مضمونه فى الموضوع ده حيث انها بتاعت الجيش و الجيش اللى بيديرها و ما يقدروش يغشوا و الجيش مش شخص غلبان بيدور على 10 قروش مكسب فى اللتر و ما تفرقش معاه و بالفعل كل اللى بيتعامل مع وطنيه بيحس بالفرق و فيه موضوع فى المنتدى العام بيتكلم عن محطات البنزين و الغش فيها و الكل أجمع على وطنية و عن تجربه انا مش بحط بنزين غير منها.

تانى حاجه عاوز أقولها لحضرتك بخصوص عربيتك و العيب اللى انت بتلاحظه (غير فلتر البنزين).

[iBiZa]

هو موضوع بعيد تماما بس احتمال الموضوع دة يبقى مش من البنزين و يبقى من الطرمبة حيث ان كل العربيات الجديدة بتبقى الطرمبة جوة التنك و فى Forums كتير برة بتنصح انك متسيبش التنك يقل عن النص عشان وجود الطرمبة فى وسط سائل (البنزين) بيساعد على تبريدها و دة بيطول عمرها و يديها اداء احسن.

و ياريت لو حد يقدر يبحث الموضوع دة و يفيدنا.

[m.aligamal]

بيتهيئلى طرمبه البنزين فى الكبوت قدام جمب المكنه مش فى التنك وبعدين انا لسه مغير فلتر بنزين اانا هقول على الى بحسه و انا سايق ان العربيه لما بتكون متفوله بيكون الاكسراتير تحت رجلى خفيف جدا باللمس الاقى العربيه بتطير واوقات تانيه احس انه تقيل ملح بالزان لما يكون التنك فضى منه حوالى عشرين لتر و شغال على الباقى
ياترى فى مشكله فى طرمبه البنزين وازاى اعرف ان كانت سليمه ولا مش سليمه ياريت يجماعه الرد

[m.aligamal]

???????????????????

[m.aligamal]

ازاى اعرف ان طرمبه البنزين كويسه ولا مش كويسه