ازاى اظبط ارتفاع النور (الفانوس الامامى)

[M.Nasr]

انا عملت حادثة من اسبوع الحمد لله جت سليمة غيرت فانوس امامى شمال وسمكرت الرفرف والاكصدام المشكلة دلوقتى انى جبت فانوس صينى والنور بتاعو ضارب لفوق شوية مش فارش على الطريق قدامى وطبعا كل اللى جاى فى وشى بيضايق من النور بتاعو حد عنده فكره ازاى ممكن اوطى النور اخليه تحت شوية ؟ ولو حد يعرف سعر الفانوس استيراد عشان انا مش مقتنع بالصينى ده خالص

[M.Nasr]

نسيت اقول نوع العربية لانسر بومة 2007

[A.Saad]

ليه حاجة اسمها رجلاش
عندك اتنين
واحد يمين وشمال وواحد فوق وتحت

بتعمل الرجلاش وانت قايد الواطى مش العالى

ممكن تظبطه
تقرب من حيطه
تعلم قدام اللمبة
تبعد شوية تقريبا 10 متر
تظبط الرجلاش بحيث ان مركز النور يكون مكان ما علمت

ده اللى فاكرة

[M.Nasr]

شكرا على الرد يا باشا بس الرجلاش ده مكانه فين يعنى ورا الفانوس عند اللمبة وبيتظبط ازاى

[yoko]

إفتح الكبوت هتلاقيها جنب الفانوس وبتتلف بمفك عادة غالبا (معرفش مكانها بالظبط في اللانسر بس هتلاقيها بسهوله)

[M.Nasr]

انا حاولت ادور دلوقتى ماوصلتش لحاجة بكره الصبح ان شاء الله فى النور ابقى اشوفها
والف شكر على الرد

[Ahmed Nouh]

لو الفانوس اللى عندك مش اصلى هتلاقيها فى ارخم مكان ممكن , فى الفانوس اليمين هتبقى على الشمال من تحت وفى الفانوس الشمال هتبقى على اليمين من تحت ومش هتعرف تجيبها بمفك لازم يكون معاه مفتاح 13 وتزنق ايدك وتحركها

لو ملكش خلق للحاجات دى روح لكهربائى يعملهالك اسهل لأن فعلا مكانها رخم قوى قوى , لما طلبت اعملها فى التوكيل المهندس قالى بعد الصيانه مش لاقيين الريجلاش بتاع الفانوس ولما رحت لكهربائى يعملها بقا عمال ينفخ وطلع من هدومه على ما ظبطها

[M.Nasr]

ربنا يطمنك :) هاروح اعملها النهارده ان شاء الله بعد الشغل

[Eng.Osama.Afifi]

أمال الرجلاش بتاع الفانوس الأصلي حتبقى فين ؟