عندى مشكلة مجننانى ومش عارف اعمل ايه؟

[mahmoudzaied]

انا عربيتى لانسر بوما 1300 مانيول

طبعا كلنا عارفين ان العربيات المانيول لما تبقى ماشى وتيجى تقف بدوس دبرياج وفرامل
وطبعا اول ما تدوس دبرياج ال rpm بيرجع لحد اقل من ال 1000 لفة بشرطة

انا بقى مشكلتى انى لما بدوس دبرياج ال rpm بيفضل معلق على 1500 لفة ودا بيزود استهلاك البنزين ومضايقنى وبيخلى صوت العربية عالى ويبفضل معلق حوالى 5 ثوانى كدة لحد ما اقف خالص وبعدين ينزل ولو العربية بتتحرك وانا دايس دبرياج هيفضل على 1500 لفة

وعلى فكرة ساعات بتبقى زى الفل مفيهاش حاجة وادوس دبرياج تنزل لتحت 1000 لفة زى اى عربية عادى

يا ترى دى مشكلة عندى ولا الموضوع ده موجود فى كل اللانسر ولا ايه النظام اصل انا بدأت فعلا اضايق جدا
مش كفاية بالباور لما بحرك الدركسيون يمين وشمال ال rpm بيعلى كمان لما بدوس دبرياج
انا مش عايز اكره العربية دى لانى بحبها

حد يقولى حل لمشكلتى دى ايه او اعمل ايه

[د.محمود صلاح]

المكيف شغال ؟ لأنه لو شغال الأر بى ام بيعلى عادي

[NFS]

مش كفاية بالباور لما بحرك الدركسيون يمين وشمال ال rpm بيعلى كمان لما بدوس دبرياج
انا مش عايز اكره العربية دى لانى بحبها

حد يقولى حل لمشكلتى دى ايه او اعمل ايه

الاربى ام لازم يعلى لما تحرك الدركسيون, دى مش مشكله, اى عربيه باور كده.

[mahmoudzaied]

الاربى ام لازم يعلى لما تحرك الدركسيون, دى مش مشكله, اى عربيه باور كده.

ماشى اوكى انا عارف كدة ودا الفرق بين الباور العادى والكهربة

بس انا عايز حل للمشكلة التانية
اعتقد انها حاجة مش طبيعية واكيد فيه مشكلة
مستنى بقية الردود

[mohamedway]

اللى بيحصل ده طبيعى و فى كل العربيات و أنا عربيتى كده (بومه مانوال 1600) و عمى معاه شيفروليه لانوس 2009 و لا حظ نفس الملاحظه و سألنى و قولتله انه طبيعى.

كمبيوتر الموتور متبرمج على كده عشان يبقه متحفز و مستعد لأنك تطلع بيه تانى طلعه قويه بدون كركرة وكمان لو عربيتك فيها فرامل ABS و مورت العربيه و انت ماشى و فرملت جامد و الABS إشتغل لازم يكون الدينامو ساعتها جاهز بعدد لفات معقول عشان يوفر الطاقه الكهربائيه المهوله لهذا الجهاز و كل ما الأحمال بتزيد على المحرك سواء نتيجة إستخدام الباور أو تشغيل التكييف أو حتى تشغيل النور العالى (الدينامو بيحمل على الموتور مع زيادة الأحمال الكهربيه) كمبيوتر الموتور بيتعمد يعلى الRPM عشان يبقه عنده القدرة الازمه لذلك.

بعد ما الكمبيوتر بيتأكد انك وقفت تماما و مش هتحتاج الموتور تانى بسرعه بيستنى ال5 ثوانى دول لما يتأكد من كده و يبتدى يهدى الRPM و فيه سبب مهم جدا لهذا التأخير فى الوصول لل RPM الهادىء (و هو ان الكمبيوتر لازم يعمل شوية حسابات الأول عشان يعرف ايه انسب و أهدأ RPM ممكن بالنسبه للظروف من أحمال على المحرك و درجة حرارة الجو و إسلوب قيادتك ........إلخ لأنه مش مضبوط على RPM معين و لكن الكمبيوتر هو اللى بيحسب كل حاجه و بيعدل بياناته حسب الظروف و هو اللى بيزبط الموتور و بيعدل زبطته بما يراه مناسبا طول ما إنت ماشى (فاهم مش حافظ).

لذلك لو قرأت كتالوج العربيه هتلاقيه بيقولك انك لو فصلت البطارية لأى سبب الData اللى على الكمبيوتر بتتمسح و يجب إعادة ضبط المحرك و طريقة إعادة ضبط المحرك ما هى إلا انك تدور العربيه و تسيبها 5 دقائق مع نفسها و بيقولك إن سرعة الموتور سوف تكون غير منتظمه (الموتور بيجرب و بيزبط مع نفسه) لغاية ما تلاقى الموتور إستقر يبقى كده الموتور اتزبط (طبعا انت معماتش حاجه و الكمبيوتر هو اللى زبط نفسه).

[tigernet]

انا عربيتى لانسر بوما 1300 مانيول

طبعا كلنا عارفين ان العربيات المانيول لما تبقى ماشى وتيجى تقف بدوس دبرياج وفرامل
وطبعا اول ما تدوس دبرياج ال rpm بيرجع لحد اقل من ال 1000 لفة بشرطة

انا بقى مشكلتى انى لما بدوس دبرياج ال rpm بيفضل معلق على 1500 لفة ودا بيزود استهلاك البنزين ومضايقنى وبيخلى صوت العربية عالى ويبفضل معلق حوالى 5 ثوانى كدة لحد ما اقف خالص وبعدين ينزل ولو العربية بتتحرك وانا دايس دبرياج هيفضل على 1500 لفة

وعلى فكرة ساعات بتبقى زى الفل مفيهاش حاجة وادوس دبرياج تنزل لتحت 1000 لفة زى اى عربية عادى

يا ترى دى مشكلة عندى ولا الموضوع ده موجود فى كل اللانسر ولا ايه النظام اصل انا بدأت فعلا اضايق جدا
مش كفاية بالباور لما بحرك الدركسيون يمين وشمال ال rpm بيعلى كمان لما بدوس دبرياج
انا مش عايز اكره العربية دى لانى بحبها

حد يقولى حل لمشكلتى دى ايه او اعمل ايه

ياباشا الحل بسيط جدا عن تجربة
rpm بتاع العربية عايز يتظبط فى فى الماتور حاجة زى المسمار بيظبط منها
و حكاية لما تلف الدريكسيون لما rpm يظبط دة كمان هيخف
ودة لما بيطلع بيكون 900 لفة الماتور و لما يطلع بيوصل 1100 و بينرل بسرعة ودة الطبيعى بتاع العربية

[mahmoudzaied]

اللى بيحصل ده طبيعى و فى كل العربيات و أنا عربيتى كده (بومه مانوال 1600) و عمى معاه شيفروليه لانوس 2009 و لا حظ نفس الملاحظه و سألنى و قولتله انه طبيعى.

كمبيوتر الموتور متبرمج على كده عشان يبقه متحفز و مستعد لأنك تطلع بيه تانى طلعه قويه بدون كركرة وكمان لو عربيتك فيها فرامل abs و مورت العربيه و انت ماشى و فرملت جامد و الabs إشتغل لازم يكون الدينامو ساعتها جاهز بعدد لفات معقول عشان يوفر الطاقه الكهربائيه المهوله لهذا الجهاز و كل ما الأحمال بتزيد على المحرك سواء نتيجة إستخدام الباور أو تشغيل التكييف أو حتى تشغيل النور العالى (الدينامو بيحمل على الموتور مع زيادة الأحمال الكهربيه) كمبيوتر الموتور بيتعمد يعلى الrpm عشان يبقه عنده القدرة الازمه لذلك.

بعد ما الكمبيوتر بيتأكد انك وقفت تماما و مش هتحتاج الموتور تانى بسرعه بيستنى ال5 ثوانى دول لما يتأكد من كده و يبتدى يهدى الrpm و فيه سبب مهم جدا لهذا التأخير فى الوصول لل rpm الهادىء (و هو ان الكمبيوتر لازم يعمل شوية حسابات الأول عشان يعرف ايه انسب و أهدأ rpm ممكن بالنسبه للظروف من أحمال على المحرك و درجة حرارة الجو و إسلوب قيادتك ........إلخ لأنه مش مضبوط على rpm معين و لكن الكمبيوتر هو اللى بيحسب كل حاجه و بيعدل بياناته حسب الظروف و هو اللى بيزبط الموتور و بيعدل زبطته بما يراه مناسبا طول ما إنت ماشى (فاهم مش حافظ).

لذلك لو قرأت كتالوج العربيه هتلاقيه بيقولك انك لو فصلت البطارية لأى سبب الdata اللى على الكمبيوتر بتتمسح و يجب إعادة ضبط المحرك و طريقة إعادة ضبط المحرك ما هى إلا انك تدور العربيه و تسيبها 5 دقائق مع نفسها و بيقولك إن سرعة الموتور سوف تكون غير منتظمه (الموتور بيجرب و بيزبط مع نفسه) لغاية ما تلاقى الموتور إستقر يبقى كده الموتور اتزبط (طبعا انت معماتش حاجه و الكمبيوتر هو اللى زبط نفسه).

الف شكر يا كبير فعلا المعلومات اللى قلتها افادتنى كتير
متشكر اوى على المساعدة

[mahmoudzaied]

ياباشا الحل بسيط جدا عن تجربة
rpm بتاع العربية عايز يتظبط فى فى الماتور حاجة زى المسمار بيظبط منها
و حكاية لما تلف الدريكسيون لما rpm يظبط دة كمان هيخف
ودة لما بيطلع بيكون 900 لفة الماتور و لما يطلع بيوصل 1100 و بينرل بسرعة ودة الطبيعى بتاع العربية

هعدى على ميكانيكى كة يشوفلى المسمار ده
ممكن يعكون معلى العربية شوية
بس امبارح سافرت بيها والنهاردة كنت بيها فى الشغل وكانت مظبوطة لحد كبير
يعنى لما بدوس دبرياج بتنزل حد 900 لفة وساعات قليلة بتبقى 1100 او 1200 لفة
بس موصلتش لحد 1500 خالص النهاردة
وربنا يسهل يمكن تكون زوبعة شتا ولا حاجة

والف شكر يا زعيم

[mohamedway]

هعدى على ميكانيكى كة يشوفلى المسمار ده
ممكن يعكون معلى العربية شوية
بس امبارح سافرت بيها والنهاردة كنت بيها فى الشغل وكانت مظبوطة لحد كبير
يعنى لما بدوس دبرياج بتنزل حد 900 لفة وساعات قليلة بتبقى 1100 او 1200 لفة
بس موصلتش لحد 1500 خالص النهاردة
وربنا يسهل يمكن تكون زوبعة شتا ولا حاجة

والف شكر يا زعيم

ده مسمار ضبط بوابة الهواء و متخليش ميكانيكى يلعب فيه لأنه ليس المتحكم الوحيد فى الrpm بدليل ان الrpm مثلا بيبقى عالى و العربيه بارده و المسمار ده زى ما هو........... هذا المسمار لو مش مضبوط العربيه هتفضل عاليه علطول (لكن انت بتقول انها بتوصل لل rpm الصح بس مش دايما) إذن يبقى المسمار مضبوط و لما العربيه بتبقه عاليه بيبقه الكمبيوتر هو اللى معليها لأسباب تانيه و علفكره المسمار ده عشان يتلعب فيه و تقدر تضبطه صح لازم العربيه تبقه متوصله على كمبيوتر ضبط المحرك اللى موجود قى التوكيل و إلا الميكانيكى هيعكهولك و مش هيعرف يزبطه تانى.

[أبو إياد]

لالالالالالالالالالالالالالالالالالالالالالالالالا لالالالا بلاش لعب فى المسمار ده انت بتتكلم على عربيه 2007 ولو لعبت فى المسمار ده انسى ان اى حد يرجعه زى الفابريقه نهائى

بص ياسيدى انا الحوار ده بيحصلى على فترات بعيده خصوصا بعد ما العربيه تخطت 40000كم

وفضلت ورا الموضوع ده لغايه لما لقيت الحل

بس فى الاول تعبت جدا مابين تغيير فلاتر وتغيير بوجيهات وباردو مافيش فايده وفى الاخر الموضوع يطلع اهيف وابسط مما تتخيل

ولو العربيه لسه بتعمل معاك كده جرب وقولى ومش هاتخسر حاجه

افصل كبل الكهرباء بتاع البطاريه لمده 5 دقائق فقط وبعد كده قوم باعاده توصيله وافتح كونتاكت العربيه لغايه لما تطفى لمبه الاتشيك وشغل العربيه واحكيلى على الفرق

وفى حاجه تانيه اشترى اسبراى تنظيف الرشاشات وخلى ميكانيكى يفك الماسوره بتاعه العمه من ناحيه الموتور (البوابه) مكان السهم فى الصوره ويقوم برش الاسبراى والموتور شغال مع تزويد البنزين

..

[mahmoudzaied]

لالالالالالالالالالالالالالالالالالالالالالالالالا لالالالا بلاش لعب فى المسمار ده انت بتتكلم على عربيه 2007 ولو لعبت فى المسمار ده انسى ان اى حد يرجعه زى الفابريقه نهائى

بص ياسيدى انا الحوار ده بيحصلى على فترات بعيده خصوصا بعد ما العربيه تخطت 40000كم

وفضلت ورا الموضوع ده لغايه لما لقيت الحل

بس فى الاول تعبت جدا مابين تغيير فلاتر وتغيير بوجيهات وباردو مافيش فايده وفى الاخر الموضوع يطلع اهيف وابسط مما تتخيل

ولو العربيه لسه بتعمل معاك كده جرب وقولى ومش هاتخسر حاجه

افصل كبل الكهرباء بتاع البطاريه لمده 5 دقائق فقط وبعد كده قوم باعاده توصيله وافتح كونتاكت العربيه لغايه لما تطفى لمبه الاتشيك وشغل العربيه واحكيلى على الفرق

وفى حاجه تانيه اشترى اسبراى تنظيف الرشاشات وخلى ميكانيكى يفك الماسوره بتاعه العمه من ناحيه الموتور (البوابه) مكان السهم فى الصوره ويقوم برش الاسبراى والموتور شغال مع تزويد البنزين

..

انا اصلا كان عندى مشكلة فى البطارية كان القوطاش (مش هوا اسمو كدة) السالب كان سايب
وكان بيعمل جير كتير والعربية كانت بتفصل كهرباء خالص لحد ما واحد ابن حلال ظبطتهولى
فالبطارية كانت بتتفصل كتير والمشكلة بتظهر وساعتات بتختفى مش عارف ليه
عموما انا مش هفك البطارية تانى عشان انا قرفت منها لانى كنت هتجنن عربية موديل 2008 ويحصل فيها كدة لحد ما اكتشفت ان البطارية هيا السبب