الكريستالة مخنوقة موت النجدة

[dr-mohamed]

النهاردة رحت بالليل 6 اكتوبر ومعايا 3 شباب متوسطين الجسم واحد جنبي واتنين ورا
طبعا مش مشغل التكييف يعني مفيش حجة للعربية
وكانت فضيحة
والله العربية اوقات كانت ما بتعدي ال40 او 60 كيلو وبالعافية
رغم ان التكيف مش شغال ومفيش سبب للبطا الرهيب ده

السبب ايه
والحل ايه

العربية كريستالة 1300 اوتوماتيك موديل 99

[HeMa_LanCeR]

طيب ما كده في كذا سبب لازم نمشي معاهم واحده واحده
أولا : الكلام ده حصل بعد ما مونت ولا البنزين ده انت ماشي بيه كتير ؟
ثانيا : الفتيس بينقل عادي ولا هو اللي مأخر النقله ومتقل السحب
ثالثا : غيرت فلتر بنزين امتي

[dr-mohamed]

والله والله والله قلبي كان حاسس انك اول واحد هترد عليا يا هيما
بجد انت معاونة كبيرة لاى لانسراوي
بص يا سيدي البنزين كان فيه حوالى 80% يعني كنت مفول قبلها بفترة بسيطة والتانك كان ناقص منه شرطتين تلاتة بالكتير
والفتيس تقريبا بياخر النقلة
وفلتر البنزين مش فاكر غيرته امتى
الميكانيكي من شوية بيقولي ان احتمال فلتر الزيت ايه رايك؟
انا سايبها للميكانيكي وانا بكلمك دلوقت

[HeMa_LanCeR]

والله والله والله قلبي كان حاسس انك اول واحد هترد عليا يا هيما
بجد انت معاونة كبيرة لاى لانسراوي
بص يا سيدي البنزين كان فيه حوالى 80% يعني كنت مفول قبلها بفترة بسيطة والتانك كان ناقص منه شرطتين تلاتة بالكتير
والفتيس تقريبا بياخر النقلة
وفلتر البنزين مش فاكر غيرته امتى
الميكانيكي من شوية بيقولي ان احتمال فلتر الزيت ايه رايك؟
انا سايبها للميكانيكي وانا بكلمك دلوقت

يعني افهم من كده انه عيب فتيس
يبقي لو الميكانيكي قاصده علي فلتر زيت الفتيس يبقي باردو ده حل ولو انت مغيرتوش يبقي تغيره وطبعا تغير زيت
لكن لو قاصده انه فلتر زيت الموتور يبقي تاخد منه العربيه علشان اكيد ده مش ميكانيكي

[dr-mohamed]

يعني افهم من كده انه عيب فتيس
يبقي لو الميكانيكي قاصده علي فلتر زيت الفتيس يبقي باردو ده حل ولو انت مغيرتوش يبقي تغيره وطبعا تغير زيت
لكن لو قاصده انه فلتر زيت الموتور يبقي تاخد منه العربيه علشان اكيد ده مش ميكانيكي

هو فعلا كان فصده فلتر زيت الفتيس وغيره بواحد ياباني مش الاصلي واشتراه من المنير اللى في قيصل ب90 جنيه
رغم انى مغير الزيت والفلتر في التوكيل من حوالى 5 الاف كيلو بس
المهم انه بعد ما عمل كدة بردو العربية لسة تقيلة وبطيئة ومبرجلة جدا
النجدة يا هيما

[m.aligamal]

يباشا مش جايز الكاربيرتير عايز يتنضف وفى حاجه تانيه كانت عربيتى عملتها وهيا ان الموبينه الداخليه بتاعه الاسبراتير كانت بتشيع و العربيه مكنتش بتعدى 40 كيلو و تسك اكشف برضه عليها و شوف البوجيهات بتاعتك وحاجه اخيره شوف الفرامل اصل تكون قافشه

[HeMa_LanCeR]

طيب اخبار البوجيهات عندك ايه؟
ولو زودت وانت واقف و ممور للأخر بتزود ولا بتقطع معاك ؟
ومش عارف ليه انا حاسس ان المشكله في البنزين

[dr-mohamed]

لسة مغير البوجيهات من 3 اسابيع وبرغم كدة الميكانيكي طلعها سودة جدا وغيرها ببوجيهات تانية بس بردو مفيش فرق
وخليته يبص على فلتر البنزين قالي كويس
ولما بزود وانا واقف مش بتقطع ولا حاجة
والكربرتير مظبطه عند رضا الى في الهرم من 4 شهور تقريبا
والميكانيكي قالي الكهربا كانت ماخرة وقدمها
بكرة ان شاء الله اخليه يشوف الموبينة
متشكر يا هيما تاعبك معايا
بس بجد انت والمهندس طارق من غيركم ساحة الميتسوبيشي كانت قفلت

[HeMa_LanCeR]

لسة مغير البوجيهات من 3 اسابيع وبرغم كدة الميكانيكي طلعها سودة جدا وغيرها ببوجيهات تانية بس بردو مفيش فرق
وخليته يبص على فلتر البنزين قالي كويس
ولما بزود وانا واقف مش بتقطع ولا حاجة
والكربرتير مظبطه عند رضا الى في الهرم من 4 شهور تقريبا
والميكانيكي قالي الكهربا كانت ماخرة وقدمها
بكرة ان شاء الله اخليه يشوف الموبينة
متشكر يا هيما تاعبك معايا
بس بجد انت والمهندس طارق من غيركم ساحة الميتسوبيشي كانت قفلت

ربنا يخليك ياباشا
بس اصلا مدام البوجيهات طلعت سودا يبقي الكربراتير مش مظبوط

[dr-mohamed]

يبقي فيها مشوار لبتاع الكربرتير
وان شاء الله اول ما اعمله هقولك ايه اللى حصل
مش عارف يا هيما من غيرك الكريستالاوية يعملوا ايه

[ahmed_bq]

انا اعتقد ان ممكن حد يبصلك على طقم الدبرياج (الاسطوانه والديسك والبلية) انا غيرتهم العربية بقت ما شاء الله بتسحب صح حتى لو محمل فيل معايا

[HeMa_LanCeR]

العربيه اوتوماتيك