لانسر 2007 واستهلاك البنزين

[abdlhameed]

السلام عليكم بعد التحية اشكر المهندس طارق وجميع الاخوة الذين ردو على اسئلتي عندي لانسر اوتوماتيك 2007 وعاملة 49000 كم لقد فولت العربية وصفرت العداد وحسبت استهلاك البنزين اليوم نور عندي نور البنزين يعني في بنزين في الخزان 10 لتر ومجوع المستلك 40 لتر والعداد بعطي 350 كم مع العلم اني اكثر سرعة ماشي فيها هي 70 كم في الساعة يعني مو كتير صرف البنزين ما يعادل 8.75 كيلو متر في التر الواحد مع العلم انو يجب ان يكون 15 كيلو متر في التر الواحد هيك الىفهمتو من اسئلة واجوبة اخواني في المنتدى فما هو الخلل الى صاير في العربية مع العلم انو عندنا مافي مركز معتمد او وكيل يوجد فقط ميكانيكي فارجو الحل مع العلم ان البنزين الذي افول فيه العربية سوبر يعني احسن نوع في البنزين ارجو ان تعطوني الحل جزاكم الله خير الجزاء

اخوكم عبد الحميد من العراق / اربيل

[abdlhameed]

شو ياشباب مافي حدا عندو حل مع العلم انو محرة سيارتي 1300 cc

[turch]

استهلاك البنزين جوه المدينه بيكون عالي جدا جدا عشان الفتيس بتاعنا cvt لكن لو حضرتك مسافر التانك ال 50 لتر بيعمل 615 كيلو بالظبط على 120 سرعه وده عن تجربتي الشخصيه لكن جوه المدينه ال50 لتر مبيكملوش ال 500 واحيانا بيجيب 450 كمان انا قعدت حوالي شهر افول العربيه واصفر العداد وعملت حوالي 6 اختبارات على سرعات مختلفه وظروف مختلفه .

اطمن تماما المعدل الرسمي بتاع العربيه اللي الشركه قالت عليه (14 كيلو)لكل لتر على سرعه ثابته 90 بدون تكيف

[KSA2011]

هو مين الى قال انه اللمبه لما تنور العربيه يبقى فيها 10 لتر ؟
10 لتر يا جماعه يعنى نص صفيحه ؟
انتم مش بتشوفوا الصفيحه بترفع العداد اد ايه ؟ مش معقول نصه الى هو ال 10 لتر الى هى اقل من اخر شرطه مثلاا تبقى نص صفيحه !!!
اصل شفت المعلومه دى فى اماكن كتير فى المنتدى !!

[limo]

هو مين الى قال انه اللمبه لما تنور العربيه يبقى فيها 10 لتر ؟
10 لتر يا جماعه يعنى نص صفيحه ؟
انتم مش بتشوفوا الصفيحه بترفع العداد اد ايه ؟ مش معقول نصه الى هو ال 10 لتر الى هى اقل من اخر شرطه مثلاا تبقى نص صفيحه !!!
اصل شفت المعلومه دى فى اماكن كتير فى المنتدى !!

اقولك انا ليه
انا اول لما استلمت العربيه كانت عامله 8 كم فقط ولمبه البنزين كانت منوره يعنى من الاخر كان فيها شويه بنزين من المصنع روحت النزينه حطيط 25 لتر والعداد وصل تقريبا للنص وتانى مره حطيط بنزين بس اول لما المبه نورت 25 لتر برضو العداد وصل للشرطه الى قبل الاخيره
تفسير الموضوع ده ان التانك فيه حوالى 10 لتر احتياطى لما اللمبه بنور

[yaserbasha2000]

مؤشر البنزين ولمبة البنزين دول مجرد مؤشرات لمستوي البنزين فقط و ليسوا اجهزة قياس لمستوي البنزين يعني ممكن يفرقوا لو العوامة فيها سنة خشونة او الريوستات بتاع العوامة مش نظيف او حتي ان العربية تكون مش مستوية يعني مايلة في اي اتجاه

علشان تقيس استهلاك تفول العربية لحد زور التنك (متعتمدش علي فصلة مسدس البنزين) قبل الرحلة وبعد الرحلة لكن الاعتماد علي ان المؤشر نزل للربع او النص ده كلام مش دقيق

[abdlhameed]

اطمن تماما المعدل الرسمي بتاع العربيه اللي الشركه قالت عليه (14 كيلو)لكل لتر على سرعه ثابته 90 بدون تكيف


اخي اشكرك واشكر جميع الاخوة الي جواب على سؤالى بس انا عربيتي بتعمل 8.75 كم بالتر الواحد جوة المدينة فهل هذا طبيعي اعتقد مو طبيعي ارجو الافادة وجزاكم الله خير

[limo]

اطمن تماما المعدل الرسمي بتاع العربيه اللي الشركه قالت عليه (14 كيلو)لكل لتر على سرعه ثابته 90 بدون تكيف


اخي اشكرك واشكر جميع الاخوة الي جواب على سؤالى بس انا عربيتي بتعمل 8.75 كم بالتر الواحد جوة المدينة فهل هذا طبيعي اعتقد مو طبيعي ارجو الافادة وجزاكم الله خير

المعدل ده طبيعى جدا فى 1600 اوتوماتيك جوه البلد وده المتوسط بتاعى برضو

[abdlhameed]

اوكي اشكرك يااخي على سرعة الجوب

[مصراوي جدا]

مؤشر البنزين ولمبة البنزين دول مجرد مؤشرات لمستوي البنزين فقط و ليسوا اجهزة قياس لمستوي البنزين يعني ممكن يفرقوا لو العوامة فيها سنة خشونة او الريوستات بتاع العوامة مش نظيف او حتي ان العربية تكون مش مستوية يعني مايلة في اي اتجاه

علشان تقيس استهلاك تفول العربية لحد زور التنك (متعتمدش علي فصلة مسدس البنزين) قبل الرحلة وبعد الرحلة لكن الاعتماد علي ان المؤشر نزل للربع او النص ده كلام مش دقيق

الكلام ده صح 100 %

كمان قياس معدل الاستهلاك لا يمكن حسابه داخل المدينة

القياس بيكون السير بسرعة منتظمة 90 كيلو متر بدون تكييف ، يعني يا استاذ عبد الحميد حضرتك تطلع اول طريق سفر وتفول العربية يعني تملاها بنزين عالآخر تماما وتعمل مسافة معقولة مثلا 40 كيلو بسرعة منتظمة 90 كيلو متر في الساعة وبعدين تفول التنك تاني وتشوف استهلكت كام لتر في الـ 40 كيلو اللي قطعتهم دول
وبعدها نحكم استهلاك البنزين عالي ولا معقول انما بشكل عام العربية 1300 يعني لازم الاستهلاك يكون كويس مش عالي

[abdlhameed]

اشكرك على هذا الجواب الجميل والمقنع ياباش مهندس طارق وسف اعمل على الى قلت علية ان شاء الله واخبرك شوالي صار معي كما اشكر جميع اخواني الى اعطو ارائهم في هذا السؤال الله يعطيكم العافية ويجعلها في ميزان حسناتكم

[mmmmgogommmm]

السلام عليكم بعد التحية اشكر المهندس طارق وجميع الاخوة الذين ردو على اسئلتي عندي لانسر اوتوماتيك 2007 وعاملة 49000 كم لقد فولت العربية وصفرت العداد وحسبت استهلاك البنزين اليوم نور عندي نور البنزين يعني في بنزين في الخزان 10 لتر ومجوع المستلك 40 لتر والعداد بعطي 350 كم مع العلم اني اكثر سرعة ماشي فيها هي 70 كم في الساعة يعني مو كتير صرف البنزين ما يعادل 8.75 كيلو متر في التر الواحد مع العلم انو يجب ان يكون 15 كيلو متر في التر الواحد هيك الىفهمتو من اسئلة واجوبة اخواني في المنتدى فما هو الخلل الى صاير في العربية مع العلم انو عندنا مافي مركز معتمد او وكيل يوجد فقط ميكانيكي فارجو الحل مع العلم ان البنزين الذي افول فيه العربية سوبر يعني احسن نوع في البنزين ارجو ان تعطوني الحل جزاكم الله خير الجزاء

اخوكم عبد الحميد من العراق / اربيل

انا معنديش لانسر بس الهيونداى ماتريكس داخل البلد حوالى 11 كيلو لللتر الواحد ومن المعروف ان تكنولوجيا هيونداى مبنية على تكنولوجيا ميتسوبيشى وطبعا اليابانى اعلى مع العلم الهيونداى الماتركس 1600 حاول تراجع التوكيل يظبطلك الموتور والللة اعلم

[marwan_147]

احتياطى البنزين فعلا 10 لتر