متسوبيشي تتقدم

[إسلام شاهين]

ارتفعت صادرات أكبر خمس شركات يابانية في صناعة السيارات خلال شهر أكتوبر الماضي واختلفت نسب زيادة التصدير من مصانع هذه الشركات في اليابان.

وأعلنت مجموعة تويوتا التي تضم دايهاتسو وهينو موتورز ارتفاع صادرات سياراتها خلال الشهر الماضي بنسبة 16.8% إلى 268325 سيارة فيما ارتفعت صادرات نيسان بنسبة 17.5% إلى 69167 سيارة وهوندا بنسبة 10.6% إلى 63566 سيارة ثم مازدا بزيادة قدرها 13.6% إلى 69612 وحققت ميتسوبيشي أعلى نسبة زيادة وهي 60.15 إلى 43886 سيارة.:d:d:d:d

وعلى الرغم من ضعف المبيعات داخل السوق الياباني إلا أن تويوتا ومازدا حققتا تحسناً في المبيعات الداخلية فيما تراجعت مبيعات الشركات الثلاث الأخرى.

في الوقت نفسه ارتفع إنتاج شركة تويوتا في داخل اليابان بنسبة 12.9% إلى 411829 سيارة وفي مصانعها بالخارج بنسبة 18.5% إلى 409174 سيارة.

[tareq_khamesy]

ما شاء الله ... ربنا يزيد و يبارك

[tareq_khamesy]

المعادلة الصعبة اللى بتحققها السيارات اليابانية ما بين القوة و السعر و الجودة المناسبين لمعظم شرائح المستهلكين هى اكيد اللى رفعت الصادرات الى هذه الدرجة

[ali1spc]

بسم الله ماشاء الله ودة ياكد الحمد لله ان الواحد اختار صح اليابانى

[body]

ياريت اعرف ال 3 شركات اللى تراجعو يااستاذ اسلام وشكراً

[Mohamed_Hegazy]

واللة يا خوان انا جدا حزين ارى هذا الشاب يشجع المارد اليبانى وهذا يشجع بل ويستميد دفاعا عن هذا الاسد الفرنسى وهذا يستحقر التقفيل المصرى ونسينا ابسط قواعد اجدادنا وهى حمارتك العارجة ولا سؤال اللئيم اصبحنا نستميت دفاعا عنة الستم معى اننا فعلا نعيش فى زمن المهانة

[Mohamed_Hegazy]

الاخ إسلام شاهين لاتذعل مننى فانت واللة انسان نشيط جدا فى هذا المنتدى ولكن انا حذين من الوضع باكملة ومن هذة البلادة التى اصابتنا جميعا واصبح شغلنا الشاغل هى البحث عن الرفاهية ومن اي مصدر وباى ثمن

[abouzaid2000]

علامات الإنحطاط

يعني يا أستاذ حجازي مع كامل إحترامي لرأيك هوة البحث عن الرفاهية بأي ثمن "بس مش بأي طريقة طبعاً" تبقي هية دي علامات إنحطاط ....أنا مختلف معاك جدا كل واحد من حقة يدور علي الرفاهية طالما قادر يحققها من مصدر مشروع ...والرجوع لمبدء حمارتك العارجه مش هوة علامة التقدم والسمو اللي هوة عكس الإنحطاط .......إحنا فعلاً عايشين في إنحطاط موافقك 100% بس علامات الإنحطاط مش البحث عن الرفاهية والدفاع عن الأسد الفرنسي والصناعه الياباني ......الإنحطاط في حياتنا لية علامات تانية كثير أكثر قسوه من اللي حضرتك بتوصفها ....لو الأخوة الأعضاء يشاركوني الرأي ياريت تدلو بدلوكم و تعطو أمثلة علي علامات الإنحطاط الحقيقية ............وشكراً

[Mohamed_Hegazy]

ياخ abouzaidفيه حديث اوقول ماثور معناة اخشوشنو فان النعمة لاتدوم وبعدين احنا ايه فى حياتن احنا المصريين ميسر علشان ندور فى منتها الرفاهية في العربية وندفع كل الفلوس دى فى سلعة من صنع غيرنا يعنى فلوسها فى الاخر مش لصالحنا فى الوقت الى بلادنا محتاجة فية كل مجهود حتى نستطيع خلق فرص عمل ونستطيع ان نرفع رءوسنا بين الامم وصدقنى لن ترفع بركوب السيارات الناعمة وماشابة ذلك وانما بالتفكير الببعيد عن الاستهلاكى لان الفلوس هى الترجمه للمجهود وعايزين مجهودنا ما يضعش على الاسفلت الخربان

[Mohamed_Hegazy]

انا اقصد من اى مصدر وهو اننا لانمانع من التعامل مع دول تنصب العداء لناولقيمنا ويوزعون الادوار فيما بينهم وهدفهم واحد فى النهاية وصدقنى التقدم ياتىمن المحافظة على قيمنا وتراثنا وليس من الانسلاخ منة وكانه هو علامة للتخلف ياراجلياطيب انا اشتريت سيارة شاهين على نفس المبدء واذ افاجء بانئ كل من حولى هجوم لدرجة انى كرهت العربية من الاحباط وهذا ناتج منالثقافة السطحية التى نتمتع بها وانك يجب ان تستهلك كل ماتنتج واما تكون غيرمصرى الست معى ان هذا فية كثير من الانانية واخيرا ارجوان يتسع صدركم لهذا الراي

[abouzaid2000]

طبعاً صدري متسع جداً لرأي حضرتك ...بس اللي بيهاجم الشاهين مش بيهاجمها عشان تقفيل مصري في حد ذاتة ....أكيد عشان عيوب التقفيل المصري وفلسفة الصناعة المصرية نفسها اللي فيها زهد في الكماليات اللي مبقتش كماليات خلاص وبقت من الأساسيات النهاردة ...كل واحد تعب بالقرش اللي بيدفعة في سيارة عايز يشتري بالقرش دة أعلي قيمة ممكنة ودي طبيعة البشر ومش هنقدر نغيرها ...شركة جنرال موتورز بتخسر نصيبها من السوق الأمريكي عشان تخلفت عن السيارات اليابانية ومع ذلك الشعب الأمريكي مقالش هشجع جنرال موتورز علي حساب مصلحتي كمستهلك ....يعني دي قواعد عامة للسوق في العالم كلة في منافسة والشركات لازم تشوف السوق محتاج أية وتوفرة لزبونها ومتعتمدش علي أن الأمريكي هيشتري منتج أمريكي تشجيعاً للصناعه الأمريكية والمصري كذلك .....كل واحد بفلوسة عايز يحصل علي أعلي قيمة ممكنة في السيارة اللي هيشتريها اللي لازم نركز علية هوه مصدر فلوس المستهلك ...لو مصدرها مشروع يبقي هوه حر يروح يشتري اللي يريحة والشركات هية اللي عليها تجذب العملاء لمنتجاتها ....أما عن الثقافة السطحية فدي ليها أسبابها اللي أولها حالة التعليم و المجتمع اللي انفتح علي العالم إستهلاكياً مش انتاجياً ولا معايير انتاج محترمة ولا إحترام للنظام والقانون والمسؤول عن إدارة المجتمع دة غايب أو في غيبوبة وعلية العوض

[seka]

يا اخ إسلام انت لو دورت ع السبب زيادتها هاتلقيها بسبب المصريين عامة واعضاء نايل موتورز خاصة

[sab3aawy]

انا اقصد من اى مصدر وهو اننا لانمانع من التعامل مع دول تنصب العداء لناولقيمنا ويوزعون الادوار فيما بينهم وهدفهم واحد فى النهاية وصدقنى التقدم ياتىمن المحافظة على قيمنا وتراثنا وليس من الانسلاخ منة وكانه هو علامة للتخلف ياراجلياطيب انا اشتريت سيارة شاهين على نفس المبدء واذ افاجء بانئ كل من حولى هجوم لدرجة انى كرهت العربية من الاحباط وهذا ناتج منالثقافة السطحية التى نتمتع بها وانك يجب ان تستهلك كل ماتنتج واما تكون غيرمصرى الست معى ان هذا فية كثير من الانانية واخيرا ارجوان يتسع صدركم لهذا الراي

انا بس حابب اعلق على نقطتين فى كلامك

اولا اللى يهاجم السيارة الشاهين هو اللى ببساطة مركبهاش، وبيقيمها من منظرها الخارجى، انا بقوللك انت راكب عربية اكثر من ممتازة واللى مايعرفش يقول عدس، وبقوللك هذا الكلام بناء على تجربة 5 سنوات مع الشاهين، وبرضه بقولهولك بناء على تجارب قيادة ملهاش آخر لكل انواع العربيات اللى انت سمعت عنها، الشاهين اكثر من ممتازة فى معظم الأوجه، اما بالنسبة للكماليات الناقصة فمعضمها بتركب فيها وبقروش معدودة ، فسيبك من اى حد يصدع دماغك بكلام هو فى النهاية سمعه من واحد تانى ومجربوش فعليا

اما بالنسبة لحكاية انك جبت الشاهين علشان صناعة محلى ، فلو هو ده السبب الوحيد فيؤسفنى انى اقوللك انك خدت قرارك على معطيات غير سليمة حيث ان نسبة المكون المحلى فى الشاهين ماتفرقش عن مثيلتها فى الفيرنا او الافيو او الصنى او حتى البى إم دبليو المجمعة محليا

اللى عندك مصرى فى الشاهين هو موكيت الأرضية وتنجيد الكراسى وجزء من فرش الأبواب والزجاج والبطارية وباكيتات الأبواب وخراطيم الأبواب والضفيرة والردياتير وبعض الخراطيم والشكمان والكاوتش وطنابير الفرامل والكارتيرات البلاستيك بتاعة الرفارف الأمامية، بعد كدة العربية كلها تركى بالكامل ، وهو نفس حال باقى العربيات المجمعة محليا ربما باستثناء الكاوتش ، وبالتالى لو انت اخترت الشاهين علشان معجب بأداءها فانا أويدك 100% اما لو كنت اخترتها علشان موضوع التجميع المحلى فكان قدامك الفيرنا بسعر قريب منها ولو كنت جايب ال1600 يبقى كان قدامك الفيرنا والأفيو

بالمناسبة انا من ضمن السيارات اللى غيرتها خلال حياتى كانوا 3 جداد ، والتلاتة تجميع محلى، لانوس وشاهين وصنى، لأنى مؤمن ان من حق صانعة بلدى عليا انى اشجعها، لكن ده لا يمنع انى برضه ادور على افضل المتاح منها

[إسلام شاهين]

انا بصراحة مش فاهم حاجة أنا جايب تقرير بيقول المتوبيشي تقدمت إيه اللي مزعل الناس ؟ وإيه اللي دخل الشاهين ؟ وإيه اللي دخل الرفاهية ؟ رفاهية إيه ؟ وإيه مع احترامي علاقة الدين بالموضوع ( اخشوشنوا ) ؟ أنا بجد مش فاهم حاجة ؟

أنا لا بدافع ولا باستميت أنا لاقيت الموضوع قمت جايبه هنا ولا بموت في الدفاع ولا يحزنون ويا سادة متزعلوش وماتخدوش على خاطركوا

الانسر عربية زباااااااااااااااااااااااااااااااااااااااااااااااا اااااااااااااااااالة وبنت ستين في سبعين .

بس خلاص كده كويس ؟؟؟؟؟؟؟؟؟؟؟؟؟؟؟؟؟؟؟؟؟

[Mohamed_Hegazy]

الاخ إسلام شاهين واضح انك مش مبصوط بس عندك حق انتة مقالك مالوش علاقة بالمضوع الى اثارتة ولكن سامحنى هيا جات كدة صدفة وكنت عايز افضفض شوية مع ناس فاهمين لانى فعلا انا عايز الخير
لكل البلد دى وبردة العملية مالهاش علاقة بالدين بشكل مباشر اقصد اللى باتكلم انا فية مالوش علاقة
بالمعلومات اللى فى مداخلتك لحسن تزعل تانى لكن لوجينا نحسبها
لو انا عايز اشترى ب100 الف مش لازم اتحرى كويس اى الحلول فى مصلحة بلدى ودينى ومصلحتى بالنهاية لو كلنا اتعلمنا هذا المبدا صدقنى فية الحل

اخى سبعاوى انا طبعا عارف الكلام دة وكنت بفكر فى كل السيارات اللى ذكرتها

ولكن انا اختارت الشاهين لاسباب مش مادية ولكن لعدم سقتى بالطرق فى مصر فانا عندما اقود ابص امامى ولاارى المطبات الابعد ماترزع العربية فربنا يعنا الى ان ينصلح الحال ونجيب الصنى والمرسيدس
كمان بس مصرى بردةعلى اولك

الاخ ابوزيد اشكرك على ردودك ولكن ياخى انا اعيش فى كندا من سنة 90 مابين مصر والسعودية وكندا وعلى فكرة كنت اعمل استشارى كندى بشركة ارامكو الذهران مابين 2001 و 2006 واشتغلت سنة فى امريكا يعنى عارف الوضع هنا الناس من كل الدنيا ومتجمعين علشان المال والحياة احنا غير هذا الشكل ولكن نادر نتقدمم ونكون احسن لو عملنا بالاسباب