تغير كاوتش البوما

[khaledmekawy2008]

كنت عاوز اعرف يا جماعة ايه هو انسب مقاس كاوتش للانسر البوما وتنصحوني بايه انا عايز كاوتش ينعم العفشة وفي نفس الوقت رياضي ويستحمل الجري وكده ايه احسن نوع ممكن اركبه في العربية وياريت حد يقولي الاسعار بتاعتهم كام

[أبو إياد]

1300= 14/185/65
1600= 15/195/60

الانواع جى تى /كومهو/ريديال ماكسيس/بريدج ستون

الاسعار 14 فى حدود 280ج
15 فى حدود 330ج

[A7MED_PHARMA]

استاذ محمد عزت دايما جاهز بالردود

[khaledmekawy2008]

1300= 14/185/65
1600= 15/195/60

الانواع جى تى /كومهو/ريديال ماكسيس/بريدج ستون

الاسعار 14 فى حدود 280ج
15 فى حدود 330ج

الف شكر يا استاذ محمد بس عايز اعرف ايه احسن مكان ممكن اركب فيه الكاوتش ويكون مضمون وهل اركبه في التوكيل؟؟ والف شكر تاني مرة

[Eng.Osama.Afifi]

أنا كنت سألت في الموضوع ده ... وكانت متطلباتي كالآتي :
1- يكون محترم ويعتمد عليه
2- يكون ممتاز على السرعات العالية
3- العفشة أنعم والعزل أفضل
كان الإخوة نصحوني ببريجستون سوبر سايلنت ... بس سألت عليه لقيته 530 جنيه الفردة ( صناعة ياباني ) ... فبحوشله وإحتمال أشتريه قريبا

أنا عربيتي 1600 جنط 15

[أبو إياد]

استاذ محمد عزت دايما جاهز بالردود

ده احنا شرقاويه زى بعض واستحاله الواحد يبخل بمعلومه او بمساعده

[أبو إياد]

الف شكر يا استاذ محمد بس عايز اعرف ايه احسن مكان ممكن اركب فيه الكاوتش ويكون مضمون وهل اركبه في التوكيل؟؟ والف شكر تاني مرة:oc_sun1[1]:

حاول تشوف توكيلات او محلات كبيره ليها اسم علشان لو فى عيب من عيوب التصنيع تقدر تاخد حقك واهم حاجه طبعا تاريخ الانتاج وهو بيكون بارز على الكاوتش ومكون من 4 ارقام
مثال : 0905
09= عام 2009
05=الاسبوع الخامس اى الاسبوع الاول من شهر فبراير

صلاحيه التخزين الموصى بها بتكون 3 سنوات
كده كده انت خليك فى الاحدث طبعا
وخد بالك لما يركب الكاوتش من اتجاه الاسهم بتاع كل فرده تكون للامام

أنا كنت سألت في الموضوع ده ... وكانت متطلباتي كالآتي :
1- يكون محترم ويعتمد عليه
2- يكون ممتاز على السرعات العالية
3- العفشة أنعم والعزل أفضل
كان الإخوة نصحوني ببريجستون سوبر سايلنت ... بس سألت عليه لقيته 530 جنيه الفردة ( صناعة ياباني ) ... فبحوشله وإحتمال أشتريه قريبا

أنا عربيتي 1600 جنط 15

طبعا البريدجستون جامد جدا ويابانى علشان كده سعره مرتفع اما باقى الانواع بتكون اندونيسى وكورى ياعنى هتلاقى مثلا فى الكومهو اندونيسى وكورى طبعا هو نوع ممتاز بالنسبه لسعره لكن صوته بيكون مرتفع بعكس البريدج

[M.Nasr]

هو المفروض الواحد يغير الكاوتش عند كام الف كيلو؟

[أبو إياد]

هو المفروض الواحد يغير الكاوتش عند كام الف كيلو؟

الطبيعى 50000كم
فى ناس بقا بتغيره عند 20 وناس عند 60 وناس عن 100 حسب الحاله والاستخدام

[khaledmekawy2008]

حاول تشوف توكيلات او محلات كبيره ليها اسم علشان لو فى عيب من عيوب التصنيع تقدر تاخد حقك واهم حاجه طبعا تاريخ الانتاج وهو بيكون بارز على الكاوتش ومكون من 4 ارقام
مثال : 0905
09= عام 2009
05=الاسبوع الخامس اى الاسبوع الاول من شهر فبراير

صلاحيه التخزين الموصى بها بتكون 3 سنوات
كده كده انت خليك فى الاحدث طبعا
وخد بالك لما يركب الكاوتش من اتجاه الاسهم بتاع كل فرده تكون للامام



طبعا البريدجستون جامد جدا ويابانى علشان كده سعره مرتفع اما باقى الانواع بتكون اندونيسى وكورى ياعنى هتلاقى مثلا فى الكومهو اندونيسى وكورى طبعا هو نوع ممتاز بالنسبه لسعره لكن صوته بيكون مرتفع بعكس البريدج

معلش يا استاذ محمد هكتر عليك فين اقرب توكيل لبريدجسدتون من الزقازيق عشان انا ناوي علي سوبر سايلنت ان شاء الله والف شكر لحضرتك

[أبو إياد]

اعذرنى ياخالد مش عارف والله انا الفرع الوحيد اللى اعرفه فى شارع رشيد المهندسين

وعلى فكره انا عائلتى من الحسنيه زقازيق

[khaledmekawy2008]

اعذرنى ياخالد مش عارف والله انا الفرع الوحيد اللى اعرفه فى شارع رشيد المهندسين

وعلى فكره انا عائلتى من الحسنيه زقازيق

تشرفت بمعرفه حضرتك يا استاذ محمد والف شكر ياباشا انا كنت فى المهندسين اول امبارح فقولت اروح اشوف التوكيل اللى فشارع رشيد بس لقيتهم قافلين كانت الساعة 4 ونص ؟؟؟؟ المهم لقيت واحد عندنا فالزقازيق فى موقف المنصورة جنب محل ابو شنب لو تعرفه فسالته على بريدجستون سوبر سايلنت فقالى اللى موجود هو الاندونيسى وكفائته اكبر من كاوتش العربية الاصلي واسمه بريدجستون turanza a15 فهل ده كويس ولا لا؟؟ وكان عنده نوع تاني بيشكر فيه قوي اسمه Milestone وقالي انه ايطالي وكويس جدا فايه راي حضرتك؟؟ وشكرا جزيلا

[أبو إياد]

انا ماسمعتش عن ميلستون قبل كده فاخلينا فى اللى نعرفه او شوف حد من الاعضاء يكون جرب الميلستون قبل كده