إعـــــــلان

Collapse

.

,
See more
See less

رايكم ايه في اللانسر دي؟ موديل 2008

Collapse
X
 
  • Filter
  • الوقت
  • Show
Clear All
new posts

  • رايكم ايه في اللانسر دي؟ موديل 2008

    [justify]السلام عليكم ورحمة الله وبركاته

    معروض علي عربية لانسر بالمواصفات التاليه
    - موديل 2008
    - 1600 سي سي
    - ماشية 37000 كم
    - هاف سبورت
    - خليجي
    - تامين شامل
    - تكملة اقساط للبنك بواقع 2500 جنيه شهريا لمدة 36 شهر باقي
    صاحب العربية عاوز 15 الف ليه وانا اكمل الاقساط

    لسه ما كشفتش عليها بس شفتها من بره على السريع وسقتها شوية بسيطه على الدائري
    لقيت فيها مبدئيا شوية حاجات بسيطه من خلال نظرتي الخارجية :-
    - راشش بره بس (هو اللي قاللي) وش نظافه فقط ؟؟؟!!!!
    - الاكصيدام الخلفي ناقص كليبسات ومفارق شويه وكان في حد مريح عليه بعربيته
    - الفوانيس الاماميه مشبرة من جوه وزجاجهم مش نظيف من الداخل
    - المرايه الشمال مكسورة ومركب بدالها قطعة مرايه زجاجيه تصنيع يدوي
    - ذراع النور العالي لما احب اعمل رعاش يفتح النور العالي وعلشان اعمل رعاش لازم ايدي تكون حساسه جدا لدرجة اني اتخنقت منه لاني مش قادر اخفف ايدي علشان ما يفتحش مني وكل ما اجي ارعش للي قدامي افتح النور العالي مش عارف ده عيب في العربية ولا ده عادي في اللانسر كله؟ وهل لو كان عيب يتصلح عادي ولا بيبقى مشكله؟
    - كرسي السائق لما قعدت علشان اسوق حسيت اني عاوز احط تحتي مخدتين علشان اعرف اشوف الطريق بدل مانا شايف الدركسيون بس (مع العلم اني مش قصير انا طولي 170 سم والله) بس حسيت ان الكرسي مفطوس لتحت مش عارف ليه ولما سالته قاللي ان في بكرة بتعلي الكرسي لفوق بس ما عرفتش استعملها لاني كنت طلعت بالعربيه - فهل البكرة دي بتعلي الكرسي بدرجه ملحوظه ولا الكرسي عاوز تنجيد؟طيب والتنجيد ممكن يدخله في كام؟ وبيرجع زي الاول ولا لا؟
    - في صوت صفاره بسيط مع الفرامل ولما سالته قاللي انها مركونه ويمكن شوية تراب
    - الدركسيون فيه فرق ناحية الشمال يعني مش معدول والعربيه ماشيه علطول ولما سالته ليه كده قاللي انه كان بيعمل شغل في العفشه والميكانيكي ماظبطش وهو بيركب العفشه
    - وبعد مانزلت من العربية وانا باسلم على الراجل لاحظت حاجه في الكبوت خوفتني جدا وقلت اعرفها لما اجي اكشف في اي بنزينه
    لقيت الكبوت كانه مفتوح يعني كاني شديت ذراع الكبوت بس لسه مارفعتوش (فاهميني؟)
    قلت يمكن هو نسي وفتح الكبوت بس ماقفلوش كويس
    قمت ضاغط على الكبوت بايدي علشان يتقفل بس للاسف اكتشفت ان هي دي قفلته بس الفرق بين الكبوت والفوانيس فرق كبير وواضح
    يبقى ايه الاحتمالات؟ تكون واخده خبطه من قدام مثلا؟

    طيب اللي انا عاوزه من حضراتكم بقه تفيدوني في الكلام اللي قلته ده كله يطمن ولا لا؟
    ولو عاوز اكشف عليها عند حد محترم واخد كلامه ثقه تنصحوني اروح فين؟هل في بنزينه كويسه ولا التوكيل احسن ولا ايه ؟
    ولو الكشف عليها طمني ونويت اشتريها - هل شوية اللعب اللي حكيتلكم عليهم دول فيهم مشاكل ولا اقدر اصلحهم و بكام تقريبا
    وايه رايكم في سعر العربية بالطريقه اللي قلتهالكم غاليه ولا كويسه؟
    وفي حالة ان الاقساط حتفضل باسمه في البنك ايه الاوراق والعقود والتوكيلات اللي بتتعمل بيني وبينه علشان اضمن حقي في العربيه لانها بكده حتفضل باسمه لحد ما نخلص الاقساط علشان مايجيش بعد مانخلص الاقساط يقوللي مش بايع

    ياريت ما اكونش دوشتكم باسئلتي بس ياريت تردوا علي بالتفصيل الممل
    وشكرا مقدما لكل من سيقرا او يرد على موضوعي
    [/justify]

  • #2
    ابعد عن العربية دى حرام عليك فلوسك
    دى موديل 2008 وعاملة 37000 كيلو بس؟!!!
    يعنى ايه راشش برة وش نظافة هيا العربية لحقت؟!
    وبعدين الكبوت ايه اللى مفارق
    العربية دى واخدة حادثة جامدة يا برنس وهوا عايز يخلص منها باى شكل
    واللى يأكد كدة ان الدركسيون معوج يعنى العربية عاملة حادثة والزوايا اتعوجت تظبيط عفشة ايه اللى يعوج دركسيون انت راكب عربية موديل الخمسينات
    انا كنت عند عفشجى مرة برصص العجل (عربيتى موديل 2008 لانسر) لقيت واحد بيعدل دركسيون اوبترا لقيت الراجل بيقولى العربية دى عاملة حادثة مفيش دركسيون بيتعوج كدة غير من حادثة

    يا سيدى ابعد عن الشر وغنيلو

    لو عايز كسر زيرو وتحف خد الموقع ده
    Car100100 - Used Cars - سيارات مستعملة

    واستنى رأى بقيه الاعضاء

    Comment


    • #3
      كلام محمود كلو مظبوط العربيه على كلامك واخده خبطه فالوش ومدام كان بيعمل شغل عفشه يبقى كانت العفشه مفكوكه وده مش منطقى لو عاوز عربيه 2008 شوفلك حاجه مش رشه بره عشان تبىق مطمن وياريت تكون بيتى ابعد عن التجار والمعارض اتعب شويه واخسر شويه فلوس لا تزكر احسن متخسر كتير خالص وربنا معاك
      ENG:AHMED TAWFIK
      [aldl]http://img35.imageshack.us/img35/1567/otkv.jpg[/aldl]

      Comment


      • #4
        كلام سليم العربيه ديه بلغة السوق مشنة وعلى فكره العربيه ديه اكيد كانت بتتاجر علشان كده طلع عينها خلى فلوسك معاك و ربنا يكرمك باللى احسن منها
        [SIGPIC][/SIGPIC]

        Comment


        • #5
          بسم الله الرحمن الرحيم

          بص يا سيدى اولا العربيه دى موديل 2008 وباقى على الاقساط 3 سنوات ياعنى العربيه على 5 سنوات وبما ان قيمه القسط 2500ج يبقى العربيه تقريبا على الابيض من غير مقدم لان القسط عالى جدا

          90% العربيه كانت بتستخدم فى الايجار والله اعلم
          موضوع الكرسى ده مظبوط
          موضوع النور علشان تشغل الرعاش لازم تكون منور النور الصغير او مطفى انما لو مشغل الواطى بدل الرعاش بثبت على العالى
          موضوع الكليبسات وفارق الاكصام ده طبيعى من التريحات على العربيه
          موضوع الفوانيس وتشبيرها ده غير طبيعى وبيحصل نتيجه كسر فى الفوانيس او تغيرهم بفوانيس صينى وفى الحالتين بيكون نتيجه تصادم
          وبالنسبه لفارق الكابوت بص فى التوقيع بتاعى هتلاقى عربيتين 2007 و2008 وهو ده الفارق الطبيعى بتاع البومه

          الموضوع الاهم بقا موضوع الاوراق والضمانات
          بالنسبه للمشترى : مطالب بدفع المبلغ المتفق عليه كمقدم ومطالب بدفع الاقساط الشهريه للبنك ومطالب بالتأمين على السياره لصالح البنك كل سنه مع العلم بان السياره ستظل باسم البائع الى ان تنتهى سداد باقى الاقساط
          بالنسبه للبائع : مطالب بعمل توكيل بيع للمشترى بعد نهايه مده الاقساط وطبعا الضامن ربنا

          بيتعمل عقد بين البائع والمشترى لضمان حقوق الاثنين مع العلم ان المشترى هو اللى بينفذ قبل البائع

          Comment


          • #6
            انا بقول عشان الاخوة قالوا الصح وزيادة
            طالما 15 الف مقدم حط زيهم وهاتها زيرو 2010 وتقريبا هيبقي بنفس القسط ان مكنش اقل شوية وهتبقي سوبر اكشن كمان
            لان العربيه واضح جدا انها مخبوطة من كلامك ومكنش في اي عناية بيها عموما وانا اخدتها قاعدة في دماغي
            اي عربية صاحبها من النوع الغير مهتم وكدة مش هتبقي عربيه من بعده والله دي نصيحتي ليك بجد
            [CENTER]سبحان الله وبحمده سبحان الله العظيم
            -:: ياسلام لما كــان منتـدى سيـارات ::-
            . . . . A l o n e . . . . [/CENTER]

            Comment


            • #7
              العربيه دي عامله حادثه في رأيي المتواضع
              فبلاش منها خصوصا عشان موضوع القسط
              و وجع دماغ البنوك و الكلام ده

              Comment


              • #8
                ابعد عن الشر وغنيلو
                يا باشا كلامك عن العربية كله بيأكد انها مفرومة قبل كده :b4_592:
                بلاش منها احسن وان شاء الله تلاقى احسن منها
                [CENTER][FONT=Comic Sans MS]Mohamed Nasr
                [/FONT] [/CENTER]

                Comment


                • #9
                  حرامي حرامي
                  يعني إيه العربيه لسه كسر زيرو
                  وفيها كل الحاجات دي ......كبوت مفارق
                  والكرسي راقد
                  والتاره مفارقة
                  والاكصدام مش معدول
                  والطنبوره بتصفر
                  ودراع النور لحق إتهلك
                  ...............................
                  العربيه دي - والله أعلم - صاحبك كان جايبها يشغلها إيجار
                  وعملت حادثه
                  وعاوز يبيعها
                  مفيش حاجه بتحلق تبهدل العربيات كده ..إلا الإيجار
                  وصدقني
                  تلاقيها قالبه العداد كمان



                  .
                  بلاااااااااااااااااااااااااااااااااااااااااااااااا اااش
                  [rmade]http://im58.gulfup.com/qswdwL.jpg[/rmade]

                  Comment


                  • #10
                    إبععععععععععععععععععععددددددددددددددددد عن العربية ديه

                    والله العظيم أنا ليا أسوء تجربة مع العربيات المستعملة إللي زي الحالات ديه !

                    العربية كدة معدية ال105,000 ... غير القرف بتاع الورق والضمنات والبنك وكل شوية عايز تجيب صاحب العربية ... حتخنق نفسك خنقة ما يعلم بيها إلا ربنا !

                    وزي ما قال محمد عزت
                    المشاركة الأصلية كتبت بواسطة mohamedezat مشاهدة المشاركة
                    بسم الله الرحمن الرحيم

                    بص يا سيدى اولا العربيه دى موديل 2008 وباقى على الاقساط 3 سنوات ياعنى العربيه على 5 سنوات وبما ان قيمه القسط 2500ج يبقى العربيه تقريبا على الابيض من غير مقدم لان القسط عالى جدا

                    90% العربيه كانت بتستخدم فى الايجار والله اعلم
                    موضوع الكرسى ده مظبوط
                    موضوع النور علشان تشغل الرعاش لازم تكون منور النور الصغير او مطفى انما لو مشغل الواطى بدل الرعاش بثبت على العالى
                    موضوع الكليبسات وفارق الاكصام ده طبيعى من التريحات على العربيه
                    موضوع الفوانيس وتشبيرها ده غير طبيعى وبيحصل نتيجه كسر فى الفوانيس او تغيرهم بفوانيس صينى وفى الحالتين بيكون نتيجه تصادم
                    وبالنسبه لفارق الكابوت بص فى التوقيع بتاعى هتلاقى عربيتين 2007 و2008 وهو ده الفارق الطبيعى بتاع البومه

                    الموضوع الاهم بقا موضوع الاوراق والضمانات
                    بالنسبه للمشترى : مطالب بدفع المبلغ المتفق عليه كمقدم ومطالب بدفع الاقساط الشهريه للبنك ومطالب بالتأمين على السياره لصالح البنك كل سنه مع العلم بان السياره ستظل باسم البائع الى ان تنتهى سداد باقى الاقساط
                    بالنسبه للبائع : مطالب بعمل توكيل بيع للمشترى بعد نهايه مده الاقساط وطبعا الضامن ربنا

                    بيتعمل عقد بين البائع والمشترى لضمان حقوق الاثنين مع العلم ان المشترى هو اللى بينفذ قبل البائع
                    لو حيدهاني على 60,000 مش حشتريها !

                    حتضيع وقتك وأعصابك وفلوسك على الفاضي
                    [CENTER]
                    [sor2]http://www.nilemotors.net/Nile/signaturepics/sigpic3314_4.gif[/sor2]
                    أحب الصالحين ولست منهم ........... لعلي أن أنال بهم شفاعة
                    وأكره من تجارته المعاصي ...........ولو كنا سواءً في البضاعة
                    الإمام الشافعي[/CENTER]

                    Comment


                    • #11
                      بصراحه يا جماعه مش قادر اقولكم غير جزاكم الله الف خير
                      والله معلوماتكم وردودكم الرائعه دي تخلي الواحد يبقى خبير عربيات
                      ربنا يكرمكم ويجزيكم عني خير

                      Comment


                      • #12
                        شكرا ليكم يا جماعه والله مش عارف اقولكم ايه
                        العربية فعلا طلعت عامله حادثه من الجنب الامامي شمال بس اتصلحت بغباء وراشه وش بمنتهى الاستهتار لدرجة اني مش بافهم في فحص العربيات وشفتها الصبح لقيت البلاوي اللي فيها
                        على العموم شكرا لانكم لحقتوني وخليتوني ابص على الحاجات المهمه دي وده كان راي الراجل اللي شافها معايا وهو بيفهم في البيع والحمد لله

                        بالمناسبه بقه ياريت تقولولي ايه رايكم في الستروين c4 لانها واكله دماغي وشايف امكانياتها حلوه قوي
                        ياترى تنصحوني بايه؟

                        Comment


                        • #13
                          المشاركة الأصلية كتبت بواسطة waelbaha مشاهدة المشاركة
                          شكرا ليكم يا جماعه والله مش عارف اقولكم ايه
                          العربية فعلا طلعت عامله حادثه من الجنب الامامي شمال بس اتصلحت بغباء وراشه وش بمنتهى الاستهتار لدرجة اني مش بافهم في فحص العربيات وشفتها الصبح لقيت البلاوي اللي فيها
                          على العموم شكرا لانكم لحقتوني وخليتوني ابص على الحاجات المهمه دي وده كان راي الراجل اللي شافها معايا وهو بيفهم في البيع والحمد لله

                          بالمناسبه بقه ياريت تقولولي ايه رايكم في الستروين c4 لانها واكله دماغي وشايف امكانياتها حلوه قوي
                          ياترى تنصحوني بايه؟
                          انصحك بانك تسال عليها فى قسم الستروين انا كل اللى اعرفه ان اسعاها فى بدايه الاربعينات

                          Comment


                          • #14
                            شكرا على الرد يا محمد عزت باشا

                            Comment


                            • #15
                              سلامو عليكو
                              انا مش لاقي اضافة اكتر من اللي قالوه الزملاء لكن ده فعلا عربية مشنة وهتلبس عربية عاملة حادثة وبتمن الجديد !!!!
                              اخيرا بس تقريبا الميتسوبيشي عشان تتاكد منها روح توكيل ميتسوبيشي بيعملو اختبار هناك ب 160 ج ويجيبولك تاريخها
                              ونصيحة لوجه الله اشتري زيرو زابعد عن المستعمل وقرفه
                              [CENTER][B][FONT=Verdana][SIZE=3]الحمد لله رب العالمين[/SIZE][/FONT]
                              [/B][/CENTER]
                              [CENTER][CENTER][B][SIZE=3][FONT=Tahoma][FONT=Verdana][SIZE=3] لا اله الا انت سبحانك اني كنت من الظالمين[/SIZE][/FONT][/FONT][/SIZE][/B]
                              [/CENTER]
                              [/CENTER]

                              Comment

                              Working...
                              X