فلتر هواء اللانسر

[Eng.Osama.Afifi]

سلام عليكم
كنت عايز أستفسر عن فلتر هواء اللانسر ... كان التوكيل قالي سعره إنه 220 جنيه في الحدود ديه

بس كنت لقيت الإخوة الزملاء هنا بيقولوا على فلتر هوا رياضي وإنه بيزود قدرة العربية

فهل هو فعلا كويس ؟ ولا أجيب بتاع التوكيل ؟ وإيه المميزات والعيوب بتاعت الفلتر الرياضي ؟

ومعلش لو حد يقدر يقول الأنواع إللي موجودة وسعرها يبقى جزاه الله كل خير

[أبو إياد]

انا جربته لقيته حوار فاشل ولازم rpm توصله ل4000 او 5000 علشان تستمتع بصوته وشيىء طبيعى ان العربيه سحبها يزيد لانك بتحمل عليها اكتر من اللازم ده غير انه بيسمح بمرور شوائب اكتر من بتاعها الاصلى
خليك فى الاصلى افضل وبلاش تجيبه الا من التوكيل لانه موجود بره وسعره 50ج وفاشل وملوش لازمه لانه استحاله يكون مطبع على علبه الفلتر

[Haitham10]

انا مش هفتي في الفلتر الرياضي دة لاني مجربتوش شخصيا بس بسمع انه هيزود استهلاك البنزين جدا عندك

اما بالنسبة لفلتر التوكيل دى الحاجة الي مع تيل الفرامل لازم تجيبهم من التوكيل نصيحة عشان متوجعش دماغك كتير بتجارب هتضر عربيتك
وفلتر الهوا عموما اي نوع تاني هيغير صوت العربيه للأعلي وهتسمع تنعيره رخمة بالبلدي يعني

والمهندس محمد رد عليك وهو بيفهم اكتر مني وعنده خبرة تجارب مع اللانسر برضه

[romeo_6887]

بلاش من الفلتر الرياضي ده
بيدخل بلاوي للمكنه
هو بس بيخلي صوت المكنه
كأنها فيراري
و لو دخلت علي حمله بالصوت ده
هتتاخد منك العربيه
لانها حصلت كتير عندنا في بورسعيد

[Eng.Osama.Afifi]

ربنا يكرمكم ... شكرا على النصيحة

حشتري الأصلي من التوكيل بقى وخلاص

بس معلش سؤال تاني ... هو ليه فلتر البنزين بتاع التوكيل غالي أوي كدة ؟ كنت حغيره في صيانة ال40000 بسأل على سعره بمنتهى البراءة لقيتهم بيقول ب560 جنية ... طبعا صدمة كانت جامدة أوي ... ومغيرتوش لحد دلوقتي ... وناوي أغيره في ال60000 إن شاء الله

بس ليه السعر مبالغ فيه جدا ... أنا كل لما أسأل حد على السعر ده ألاقيه منبهر جدا من الرقم

[M.Nasr]

انا مع الشباب انك تبعد عن الفلتر الرياضى عشان مشاكله كتير وخليك فى الاصلى وفيه فكرة بردو انك تغسل الفلتر بطريقة معينة كان واحد من الاخوة الاعضاء هنا شرحها وممكن تجيب نتيجة

[أبو إياد]

بس معلش سؤال تاني ... هو ليه فلتر البنزين بتاع التوكيل غالي أوي كدة ؟ كنت حغيره في صيانة ال40000 بسأل على سعره بمنتهى البراءة لقيتهم بيقول ب560 جنية ... طبعا صدمة كانت جامدة أوي ... ومغيرتوش لحد دلوقتي ... وناوي أغيره في ال60000 إن شاء الله

بس ليه السعر مبالغ فيه جدا ... أنا كل لما أسأل حد على السعر ده ألاقيه منبهر جدا من الرقم

فعلا من الحاجات اللى قطع الغيار غاليه مقارنتا باى سياره تانيه والفلتر ده موجود بداخل التانك بس انت ليه عاوز تغيره هو ممكن يتنظف على فكره وانا اعرف ناس عملت 150000كم بفلتر الفابريقه

[Eng.Osama.Afifi]

فعلا من الحاجات اللى قطع الغيار غاليه مقارنتا باى سياره تانيه والفلتر ده موجود بداخل التانك بس انت ليه عاوز تغيره هو ممكن يتنظف على فكره وانا اعرف ناس عملت 150000كم بفلتر الفابريقه

التوكيل إللي بيقولي غيره ... تبع الصيانة يعني ... رغم إني لا أعاني من أي مشكلة

قالي غيره في ال40,000 ... وأنا مغيرتوش ... فالمهندس قالي ممكن تعد بيه لحد 60000 ... الكلام ده في الرواس

جيت في ال50.000 في توكيل المصرية ... سألني إنت غيرت فلتر البنزين ... قلتله لاء ... قالي حغيرهولك ... قولتله سيبه زي ماهو عشان مش عامل حسابه يعني ... قالي غيره في ال60.000 ... والكلام ده بوقيقي كدة من غير ما يبص على العربية ومن قبل ما العربية تخش أصلا وتترفع !

بس أول مرة أعرف إنه بيتنضف ... ومين إللي بينضفه ؟ التوكيل برده ؟

[Eng.Osama.Afifi]

مش عايز أقولك كمان إني كنت متخيل إن فلتر البنزين ده آخره 50 جنيه lol lol