مشكله ممكن تعمل حادثه ياريت تسعدوني

[kingkolman]

انا معايا لانسر كريستاله ٢٠٠٠ و هيه ١٣٠٠ سي سي راكب عليها جنط ١٧٥/٧٠ -١٣
بس كان منتهدل اوي عشان كده غيرته المهم شيلته و ركبت جنط ١٨٥/٦٠ - ١٤ و طلعت عشان اسافر بيها لاقيت العربيه عند سرعه فوق ال ٨٠ بتتهز اوي و الدركسيون خفيف اوي و فيه رعشه رجعت تاني و ركبت رينجات و كمان عملت ترصيص للعجل و برده نفس المشكله
علي فكره الجنط و الكاوتش لسه شاريهم جداد و مفيش حاجه مستعمله فيها و جبت احسن نوع كمان

ياريت تساعدوني في حل المشكله دي
ملحوظه : العربيه كانت زي الفل معايا قبل تغيير الكاوتش و الجنط

[أبو إياد]

انت عملت تقريبا كل حاجه
رينجات وترصيص وكمان الجنوط والكاوتش جداد
بس كل الاعراض دى تشير ان هناك خلل اتجاه الجنوط والكاوتش حاول تشوف الرنجات دى ممكن ماتكونش مظبوطه وممكن الترصيص كان اى كلام

يبقا بالترتيب كده تروح لواحد تانى بتاع ترصيص واقف وشوف الجهاز وهو بيكشف على الجنط لو كان صفر يبقا الترصيص مظبوط لو قرا ارقام يبقى ماكنش مظبوط وخصوصا فوق رقم 5

[kingkolman]

منا رجعتله تاني و بصلي عليه و كانت القرايه صفر ده انا كمان عملت الترصيص علي ال ٤ عجلات مش ال ٢ الاماميين بس !!!!

[أبو إياد]

تروح لواحد تانى بتاع ترصيص

[mohamedway]

غالبا المشكله فى الأورينج اللى محطوطة أو بمعنى أدق المشكلة فى مخرطة الخراط اللى عملهم و أكيد مخليه العجل بيرف معاك.

[fouaa]

انت جبت جنوط اسبور مش كده ؟ هيا فعلا لو مش مليه مكانها زى الجنوط الحديد هتفضل تعمل الهزه على السرعه حتى لو العجل مترصص وهيبقى مفيش معاك غير حلين تغيرهم وتجيب حديد بتوع لانسر نفس المقاس وتركب الكاوتش بتاعك عليه او تجيب اسبور بردو بتاع لانسر وده هتلاقيه استراد وهتركب الكاوتش عليه بردو اعتقد ده افضل حل الرنجات مش ممكن هتبقى زى الجنط الاستندر .

[kingkolman]

علي فكره يا جماعه انا روحت لبريدجستون عشان يعمل ترصيص تاني و كان كله تمام حيت انا قولته الجنط اللي فيه ترصيص كتير يخليه ورا و روحت اجرب لاقيت نفس المشكله
المهم رفعت مقص مقص و جبت اول لاقيت فعلا في رفه جامده اوي
جربنا شيلنا الرنجات و كانت تمام
بس برده في هزه بسيطه بس علي ١١٠ كدا مش ٨٠ زي قبل كدا
تفتكروا ممكن يكون في مشكله في الكاوتش ؟
معظم الناس قالتلي كدا اصلي جبت النقشه غريبه شويه
انا جبت
dunlop bas made in south africa

ايه رايكوا ؟

[kingkolman]

متابع الرد

[kingkolman]

انتوا فين يا شباب ؟

[walidabdelaziz]

انتوا فين يا شباب ؟

السلام عليكم

تاريخ انتاجه كام ...؟ هتلاقيه مختوم على الكاوتش فى هيئة ارقام وحواليهم حلقة مستطيلة
يعنى مثلا
2906 ده يبقى الاسبوع 29 سنة 2006 او
3609 يبقى الاسبوع 36 سنة 2009 طبعا عشان تحسبها بالضبط يبقى تقسم 36 على اربعة -عدد اسابيع الشهر- وبالتالى تعرف شهر كام فى السنة= 9 يبقى شهر سبتمبر

الافضل فى الجنوط ال bridgestone - michelin -good year

انا غرضى انى اعرف الكاوتش متخزن وبالتالى يبقى ناشف وبالاضافة الجنوط السبور تخلى العفشة تنشف شوية على الارض

[kingkolman]

هوه فعلا انا شوفته و كان الاسبوع الثالث في ٢٠٠٩ يعتبر جديد ولا اديم ؟

[أبو إياد]

صلاحيه التخزين صالحه للبيع لفتره 3 سنوات

[walidabdelaziz]

صلاحيه التخزين صالحه للبيع لفتره 3 سنوات

فى الواقع اللى اعرفه ان 5 سنين مش 3 مع احترامى لرأيك طبعا

[walidabdelaziz]

هوه فعلا انا شوفته و كان الاسبوع الثالث في ٢٠٠٩ يعتبر جديد ولا اديم ؟

يعنى مكتوب 0309 بالتالى يبقى شهر يناير 2009 وده حالته ان شاء الله كويسه

[kingkolman]

3109
ده التاريخ و اعتقد انه جديد مش قديم
علي فكره انا روحت عملت رينجات عموله و احسن من اللي كانت راكبه و بالمقاس و برده مفيش فرق لسه بتعمل رجه علي سرعه ١١٠ بس بتروح بعدها و ترجع تاني و تروح
تفتكروا المشكله في ايه ؟