عايز اغير عمة الموتور

[dr-mohamed]

سؤال على السريع
العمة اللى بتبقي فوق الموتور وبيتحط فيها فلتر الهوا
العمة دي انكسرت وعايز اغيرها
يا تري تتكلف كام ومنين جديد واستيراد
وهل الفلتر السيموتا بيركب بدل العمة دي ولا لا؟
طبعا السؤال للجميع وبشكر الكل مقدما وخصوصا هيما لانسر

اه نسيت العربية لانسر كريستالة 99 اوتوماتيك

[HeMa_LanCeR]

بتعملها حوالي 200 جنيه كامله يعني الجزء اللي فوق واللي تحت
والفتر مش بيركب مكانها بس اللي بيركب مكانها الفلتر الاسبور بتاع الكربراتير بيعمل حوالي 250 جنيه
بص ياريت تصورها وتقولي اتكسرت ازاي وانا اعملك حركه جامده جدا
هخليك تسمع الصوت كأنك مركب فلتر اسبور بالظبط

[dr-mohamed]

والله كنت منتظر الرد من اكتر من شخص
بس الوحيد اللى كان لازم يرد هو انت يا هيما
ولو مردتش كنت هقول حاجة من اتنين
اما هيما زهق مني وكنت هزعل وده بنسبة 1..,.%
او ان هيما تعبان ومش قادر يدخل الموقع وكنت هتضايق جدا وده بنسبة 99.999%
بص يا هيما هي خلاص عليه العوض فيها
وانا مش عايز الفلتر سبور علشان الصوت
انا عايز يكون الصوت هادي جدا او اهدا حتى من الصوت العادي للعربية وعايزه علشان هايحسن الاداء
لو مش هيحسن الاداء مش هيفرق معايا في حاجة

مقولتليش الاسعار دي للجديد ولا للاستيراد
ولو للجديد اجيبها منين ؟

الحقني يا هيما بالرد علشان مخليا العربية صوتها عالي جدا وسحبها زبالة اكتر ما هو .....

شكرا يا هيما

[HeMa_LanCeR]

لأ طبعا مافيش زهق انا مقدرش ازهق من حبايبي
وبالنسبه للعمه دي هتكون استيراد علشان تكون اصلي
وانا اصلا مش عارف في منها جديد ولا لأ
بس لو انت عايز الجزء اللي فوق بس فا ممكن اهزلك السعر شويه
عموما هي من الحرفيين أسأل انت عليها وجيب اخر سعر وانا اجيبلك اقل منه