حادثة : الانسر طلعت فوق الرصيف

[A7MED_PHARMA]

كنت رايح ميت غمر النهاردة أجيب أدوية للصيدلية

.
الحادثة دي حصلت في مدخل ميت غمر النهاردة العصر تقريبا
قدام الورشه إلي بتركب قزاز كهربا ( مش فاكر إسمها )
الطريق حارة رايح ..وحارة جاي
.

عربية لانسر لونها فيراني ..وكأنها لسه خارجة من المعرض النهاردة الصبح
ماشيه في أمان الله
وعربية بيجو 7 راكب نازلة من الورشة بضهرها ..من غير ماياخد باله من الطريق ..ومن غير ماحد يشوف له الطريق ..عافيه كده

هب
طااااااااااااااااااخ
العربية الانسر راحت (طاقشة) في شنطة البيجو
نطت على الرصيف وراحت نازلة تاني
نص وش العربية الانسر راااااااااااح
والعربية البيجو ..يدوبك ( إعوجاج طفيف ) في الشنطة بتاعتها

لو حد ن ميت غمر راح ..هيلاقي الانسر دي واقفه هناك مامشيتش من ساعتها

.
الراجل الي كان راكب الانسر نزل وقال :" إيه ...إنت عملت إيه "
وراح ماسك موبايله ..وبيتكلم فيه
وبتاع البيجو كذلك ..راح مطلع تليفونه وبيتكلم فيه برضووو

سيبتهم ومشيت
المهم
العربية الانسر صعبت عليا موووووت
بقولكم وكأنها كانت خرج معرض النهاردة الصبح

مش متخيل لو الموقف ده حصل معايا .
المفروض بالظبط ساعتها أعمل إيه ؟؟؟

[KSA2011]

ربنا يصبره
اصل هيعمل ايه يا دكتور احمد ؟ او اى حد ممكن يعمل ايه ؟
هتتصلح طب ما هتترش وبالتالى كل سنه وانت طيب العربيه انتهت
هو نصيب وربنا يسترها معانا جميعا

[ahms10]

قدر الله وما شاء فعل نصيب الواحد بيحمد ربنا وبيقول دايما قدا اخف من قدا متعرفش اة الى كان ممكن يحصل ربنا يستر طريقنا كلنا



نرجو مراعاة كتابة لفظ الجلالة
مشرف القسم

[د.محمود صلاح]

خضيتني عليك يا دكتور أحمد ,, ربنا يسلمك من شر الطريق

[ahmed-moga]

فعلا في ناس وخصوصا السواقيين واخدنها عافية وبلطجه وحاليا اتوبيسات النقل العام الخضراء بيمشوا عكس الأتجاه لأ وكمان ايه بسرعة ومديين النور العالي انا كنت ماشي وواحد من دول ولقيته في وشي ومخرج الطريق ميطلعش غير عربيتي بس الحمد الله ربنا ستر رحت موقف العربيه وشديت الهاند ونزلته قلتله مش هحرك العربيه ولوطولت في الكلام عندي استعداد اني احبسك لأنك ماشي عكس الأتجاه لأمش عاجبه وبيبلطج وعايز يتخانق وبيقولي لو محركتش العربيه هافرمهالك قلتله طب وريني كده وتليفون للنجده كانت عندي في خلال دقيقتين لأن القسم جنب مني بس للأسف معملوش حاجه غير انهم فضوا الأشتباك وخلوه يرجع قلتلهم ده ماشي عكس الأتجاه قالولي مش من سلطتنا دية سلطة المرور احنا ناخده لو الموضوع تطور لحادثه او حصلت تلفيات في سيارتك او اتخانق معاك واستخدم سلاح قلتلهم شكرافعلا النجده في خدمة الشعب وسبتهم ومشيت
لو حال البلد فضل علي كده بصراحة انا مش هاقدر اعيش فيها اكتر من كده كل يوم بنعشم نفسنا ان البلد حالها هايتصلح بس الظاهر مفيش فايده زي ماقال الزعيم الراحل سعد زغلول لاحول ولا قوة الا بالله

[Ralliart]

النهارده كان هيحصلي نفس الموضوع لولا ستر ربنا
تاكسي 131 طالع من شارع مصدق على شارع محي الدين من غير ما يبص او عامل نفسه عبيط ،وفجأه لقيته في وشي لأ وبياخد الملف عالواسع ! ولما جيت اكلمه الناس اللي ماشيه في الشارع بتقولي دا راجل كبير ميصحش تقوله حاجه!!!

انا بدعي كل يوم ان ميحصليش حاجه زي كده مش عشان العربيه
دا عشان هيبقى فيها جريمة قتل !!!!!!

فعلا في ناس وخصوصا السواقيين واخدنها عافية وبلطجه وحاليا اتوبيسات النقل العام الخضراء بيمشوا عكس الأتجاه لأ وكمان ايه بسرعة ومديين النور العالي انا كنت ماشي وواحد من دول ولقيته في وشي ومخرج الطريق ميطلعش غير عربيتي بس الحمد الله ربنا ستر رحت موقف العربيه وشديت الهاند ونزلته قلتله مش هحرك العربيه ولوطولت في الكلام عندي استعداد اني احبسك لأنك ماشي عكس الأتجاه لأمش عاجبه وبيبلطج وعايز يتخانق وبيقولي لو محركتش العربيه هافرمهالك قلتله طب وريني كده وتليفون للنجده كانت عندي في خلال دقيقتين لأن القسم جنب مني بس للأسف معملوش حاجه غير انهم فضوا الأشتباك وخلوه يرجع قلتلهم ده ماشي عكس الأتجاه قالولي مش من سلطتنا دية سلطة المرور احنا ناخده لو الموضوع تطور لحادثه او حصلت تلفيات في سيارتك او اتخانق معاك واستخدم سلاح قلتلهم شكرافعلا النجده في خدمة الشعب وسبتهم ومشيت
لو حال البلد فضل علي كده بصراحة انا مش هاقدر اعيش فيها اكتر من كده كل يوم بنعشم نفسنا ان البلد حالها هايتصلح بس الظاهر مفيش فايده زي ماقال الزعيم الراحل سعد زغلول لاحول ولا قوة الا بالله

حصلي موقف مع اوتوبيس بس الشرطه مكانتش بترد!!! والسواق قالي محدش هينفعك احنا حكومه فالحل الوحيد معاهم هو مد الايد

[A7MED_PHARMA]

خضيتني عليك يا دكتور أحمد ,, ربنا يسلمك من شر الطريق

ربنا يخليك يادكتور/ محمــــــــود
الحمد لله مش أنا

بس والله العربية ( وصاحبها ) صعبوا عليا أوي

تخيل
العربية لسه جديــــــــــــــــــــــــــــــــدة
فجأة
بقت رشة حوض وصاحبها يخسر فيها ألووووووووف لو حب يبيعها


حسبي الله ونعم الوكيل في الأغبياء

[د.محمود صلاح]

حاجة تحزن والله
ودى ميزة الضمان الشامل
وميزة العربيات القديمة الرخيصة , ثمنها بثمن تصليح رفرف من العربيات الجديدة فى التوكيل

[أبو إياد]

كنت عند بتاع الدوكو علشان ارش ال128 الكلام ده من فتره ولقيت عربيه فيرنا لسه الصالون باكياسه ومن غير نمر
وكان بيرش الرفرف الخلفى
فابقوله هى العربيه دى لحقت
قالى دى لسه ماتباعتش دى بتاعه المعرض واتخبطت وهى واقفه
وهاتتعمل وتتباع وكده كده العربيه زيرو محدش هايقلب فيها

خلانى اروح اتفرح على عربيتى اللانسر بعد ماشتريتها بسنتين هههههههههههههه

[nabaster]

يا راجل حرام عليك

بتقول لانسر وفيراني افتكرتها عربيتك

وقلت ده انتا ملحقتش تفوق من موضوع سير الكاتينه

يلا حصل خير

وربنا يعوض صاحب الانسر

انا شوفت الموقف ده بقي بس بالعكس

الميكانيكي بتاعي عنده سفينه مش عربيه

حاجه زي دي كده بي دي كوبيه التانيه اربع ابواب



وواحد بيبجو نازل من منزل وداخل يجري علي الطريق

وراح الميكانيكي داخل بالفورد في نص البيجو قسمهاله نصيين وكسرله المكنه وفرادي السلاح

والسواق بتاع البيجو طلع بكسور مضاعفه في الحوض

والعربيه الفورد اتكسر فيها الشبكه بس

البيجو كان معايا صورها العربيه اتفرمت بمعني الكلمه لان الفورد اخدتها بعرض الطريق ولزقتها في رصيف والعربيه مش هتنفع تاني ولازملها ربع امامي كامل بالمكنه ولازملها الربع الي في النص

ودول لواحدهم تمنهم حوالي 20 : 25 الف جنيه

والعربيه اصلا لو سليمه تمنها تقريبا 30 الف

ايديني انتا رايك بقي يصلحها ولا يعملها عشة فراخ؟؟

A.Yakout

[A7MED_PHARMA]

أكيد يعملها عشة فراخ طبعاً

بس شوفت
القوي ..في إلي أقوى منه
يعني لما بتوع البيجو يخرشموا بتوع الانســـــــــــر
ييجوا بتوع الفـــورد يقسموهم نصــــــــــــين

وعجبي
ههههههههههههههههه

[nabaster]

طيب بما انك بتستنتج استنتاجات كده غريبه

ايه رايك لو حطينا بدل البيجو دي الانسر الي بتحكي عليها؟؟

هااااااا ايه الي هيحصل للانسر؟؟؟

A.Yakout

[ahmed-moga]

طيب بما انك بتستنتج استنتاجات كده غريبه

ايه رايك لو حطينا بدل البيجو دي الانسر الي بتحكي عليها؟؟

هااااااا ايه الي هيحصل للانسر؟؟؟

a.yakout

اعتقد هاتبقي مجرد لوح صاج كبير يعملوا منه التكاتك

[kemoelord]

انا هقول كلمة واحده ومش انا الي قولتها كمان ده د.أحمد زويل قالها في العاشره مساءا لما استضافوا من اسبوع كده وكان بيتكلم عن الطبيعه فقال ما ينفع كل حاجة نسيبها ماشيه زي ما هي عاوزه لازم وضع دستور وقوانين تحدد اتجاها ومسارها واهدافها وسلوكها وطبعا الموضوع كان على " الطاقه " فاحنا الحمد لله في جميع المجالات السياسيه والاقتصاديه والاجتماعيه والثقافيه كله يداربعشوائيه بفضل الله

[mohamedhamam]

ربنا يكفينا شر طريقنا و شر أخطاء الأخرين