العربيه هنجت!!

[Ralliart]

النهارده اخويا كان بيدور العربيه لقاها بتعمل صوت تكتكه ومبتدورش
وبعد شويه دارت ومشيت عادي
هل كده المشكله في البطاريه ولا بوجيهات ولا ايه بالضبط؟؟
علماً بان الشبابيك والكاسيت والنور شغالين عادي

[mohamedway]

الموضوع كله ان البطارية باظت و بتنام و التكتكه ده بتحصل فى الانسر من المارش لما البطارية تكون نايمه و المارش مش قادر يقوم.

الشبابيك و الكاسيت و الذى منه أحمال تافهه بالنسبه لحمل المارش على البطارية عشان كده شغالين.

[sherif_m72]

الموضوع كله ان البطارية باظت و بتنام و التكتكه ده بتحصل فى الانسر من المارش لما البطارية تكون نايمه و المارش مش قادر يقوم.

الشبابيك و الكاسيت و الذى منه أحمال تافهه بالنسبه لحمل المارش على البطارية عشان كده شغالين.

مع احترامى لحضرتك لو الموضوع بطاريه مش هتدور الا بالزق ولا هيشتغل الكلاكس بنفس صوته ! اعتقد ان السبب هو كلبسات البطاريه اللى هما ماسكين الكابلات على البطاريه (الاوطاش) زى مابنقول عليه فى اسكندريه دول عاوزين يتربطوا كويس او يتغيروا وممكن يكون صوابع البطاريه مملحين وعاوزين يتنضفوا
وحاول تعمل الموضوع ده بسرعه عشان الموضوع ده ممكن يبوظ دواير كهربائيه في العربيه وبالاخص الانوار

[zoro007]

كان حصل معايا نفس الموضوع دا بالظبط ان العربيه تعمل صوت تكتكه وانا بدور ومتدورش وطلعت من البطاريه فعلا وروحت للكهربائى كشف على البطاريه قلى البطاريه كل سنه وانته طيب فيها وجبت واحده جديده

مع ان الكلام دا حصل فجاه بدون اى مقدمات من العربيه وفى خلال يومين البطاريه ماتت مبقاش فيها النفس وجبت بطاريه جافه شغاله زى الفل الحمد لله حتى الآن

روح اكشف على البطاريه عند كهربائى افضل برضه علشان تتأكد

[Ralliart]

الحقوني العربيه عملت فضيحه النهارده
كانت مع والدي في الجامعه وفجأه وهي واقفه ضربت كلاكس وحالفه متبطل !!!!!! وفضلت نص ساعه لحد ما سكتت لوحدها وطبعاً البطاريه كده شكراً
افيدوني يا رجالة نايل موتورز انا خايف تكون مشكله كبيره في الكهربه
العربيه عمر ما حد مد ايده فيها غير التوكيل وشكلي هحجز واروحلهم بكره
مع انهم بيأخروني جامد بس هعمل ايه

[Ralliart]

شكراً على ردودكم mohamedway ، sherif_m72 ، zoro007

[sherif_m72]

ربنا معاك وان شاء الله تطمئن عليها وابقى بلغنا باللى هيتم معاك
دعواتنا ليك بالخير

[مصراوي جدا]

لو تقدر تجيبها يا استاذ مصطفى قليوب بكره الأحد وباذن الله متتأخرش

[Ralliart]

ان شاء الله هاجي عالساعه 8 الصبح
حضرتك هتكون موجود ولا لأ؟؟

[Ralliart]

ربنا معاك وان شاء الله تطمئن عليها وابقى بلغنا باللى هيتم معاك
دعواتنا ليك بالخير

يا رب
وان شاء الله هقول على اللي حصل

[SkyBird]

الحقوني العربيه عملت فضيحه النهارده
كانت مع والدي في الجامعه وفجأه وهي واقفه ضربت كلاكس وحالفه متبطل !!!!!! وفضلت نص ساعه لحد ما سكتت لوحدها وطبعاً البطاريه كده شكراً

هو موقف رخم جدا وكان الله في عونك
انا لو مكانك هتمنى ان اتحول لكائن هلامي
على العموم
البطارية شغلت الكلاكس نص ساعة فشكلها كدة ممتازة وان العيب في دواير الكهربا
هو حضرتك غسلت العربية قريب او دخلت في ميه قبل ما تحصل المشكلة دي؟

في انتظار كشف التوكيل وابقى قولنا على حل المشكلة

[Ralliart]

هو موقف رخم جدا وكان الله في عونك
انا لو مكانك هتمنى ان اتحول لكائن هلامي
على العموم
البطارية شغلت الكلاكس نص ساعة فشكلها كدة ممتازة وان العيب في دواير الكهربا
هو حضرتك غسلت العربية قريب او دخلت في ميه قبل ما تحصل المشكلة دي؟

في انتظار كشف التوكيل وابقى قولنا على حل المشكلة

موقف رخم جداً وكمان والدي كان ماشي بيشتم وبيقول مين اللي مشغل الكلاكس في وسط الجامعه وفوجئ انها عربيته :POINTI~2[2]:د
وانا مغسلتش العربيه قريب بس ممكن يكون سايس الجراش غسلها
لو العيب طلع منه هـ...........
والغريب ان العربيه دلوقتي شغاله طبيعي بس انا فصلت الكلاكس

[Ralliart]

انا لسه راجع من التوكيل والحمد لله المشكله اتحلت وكانت في الضاغط بتاع الكلاكس اللي في التاره
هو اللي كان بيدوس وبيخلص البطاريه ويخلي العربيه متدورش بس تكلفة التصليح اللي اتصدمت بيها
-فك وتركيب التاره فقط (فيها ايرباج) 500 جنيه!!!!!!!!!!!!!!
- طقم كلاكس بـ175 جنيه
وطبعاً عشان نايل موتورز وبشمهندس طارق جزاه الله خيراً اخدت خصم 56 جنيه
وطبعاً احب اشكر البشمهندس طارق على مجهوده وللاسف ملحقتش اقعد معاه وحسيت اني قليل الذوق عشان اخدت الاستيكر ومشيت على طول بس ربنا اعلم بحالي كنت مستعجل جداً ومكنتش اعرف ان التصليح هياخد وقت (3 ساعات)

[Ralliart]

ونسيت اقول ان الكلاكس اللي غيروه صوته وحش جداً جداً ،مش عارف دا اصلي ولا عملو ايه؟؟
وكمان اكتشفت ان الفوجات مش شغاله مع انها كانت شغاله قبل ما اروح التوكيل
مش عارف اعمل ايه انا مش هروح تاني عشان لو رحت هتخانق عشان اكدت عليه مليون مره وسألته كشفت على الكهربا والنور وقالي آه

[SkyBird]

-فك وتركيب التاره فقط (فيها ايرباج) 500 جنيه!!!!!!!!!!!!!!
- طقم كلاكس بـ175 جنيه

يا نهار حلاوة
انا الكلاكس عندي عطلان ومحدش عارف يصلحو او بمعنى اصح خايف علشان الايرباج
هو التوكيل بيسغل النقطة دي ولا ايه؟
من غير المقبول مطلقا ان شغل ميكانيكي في الطارة -حتى لو متخصص -يكلف مثل هذا المبلغ
هو فيه ايه ؟!!

وكمان اكتشفت ان الفوجات مش شغاله مع انها كانت شغاله قبل ما اروح التوكيل

وكمان فاشلين
من رايي انك لازم ترجع وتخليهم يصلحوا اللي افسدوه