Tweet
تقييم بوما اوتوماتيك كلاسيك 2010
بسم الله الرحمن الرحيم
لانسر بوما وكيل كلاسيك اوتوماتيك 2010
1-الشكل الخارجي : كلنا حافظينه عن ظهر قلب شكل قديم شويه ولكنه شغال مش وحش من قدام حلو بس من ورا العربيه صغيره شويه بيبقي شكلها احلي كتير مع الاسبويلر .
2-الشكل الداخلي:العربيه من جوه زي بره كلاسيكيه برضه بس بصراحه المواد بتاعتها من الداخل جيده جدا وهو ده اللي خلاني اجيبها لأني زهقت من الفبر اللي بيبقي معموله منه العربيات من جوه والتقفيل ممتاز
الشيء الجديد اللي مش موجود في الموديلات القديمه العدادات شكلها اتغير وبقيت بيضه وبالليل بتنور احمر. اعذروني لأني مش مصور العربيه بس ان شاء الله وعد اصور العدادات بالليل والصبح علشان اوضح اختلاف التابلوه وكمان التاره شكلها اتغير بقيت زي الشارك انا عرف ان الاختلافات بسيطه بس برضه تحسسك انك مختلف شويه في شيء بس ماعجبنيش في التقفيل ان الغطيان الفبر اللي علي المسامير مش موجوده انا كنت بشوفها في العربيات التانيه الاقدم وثانيا كان عندي مشكله في الشطنه كانت لازم تترزع جامد علشان تتقفل والحمد لله اتحلت في التوكيل .
الشيء الجديد اللي مش موجود في الموديلات القديمه العدادات شكلها اتغير وبقيت بيضه وبالليل بتنور احمر. اعذروني لأني مش مصور العربيه بس ان شاء الله وعد اصور العدادات بالليل والصبح علشان اوضح اختلاف التابلوه وكمان التاره شكلها اتغير بقيت زي الشارك انا عرف ان الاختلافات بسيطه بس برضه تحسسك انك مختلف شويه في شيء بس ماعجبنيش في التقفيل ان الغطيان الفبر اللي علي المسامير مش موجوده انا كنت بشوفها في العربيات التانيه الاقدم وثانيا كان عندي مشكله في الشطنه كانت لازم تترزع جامد علشان تتقفل والحمد لله اتحلت في التوكيل .
3-الوسع الداخليه والكنبه الخلفيه: العربيه وسعها متوسط يعني ماتقدرش تقول واسعه قوي او ضيقه بس بصراحه ممكن تكون اوسع من كده بالنسبه لحجمها الخارجي لولا البوز الطويل قوي بالنسبه لوضعية الجلوس مريحه في الكنبه والكراسي الاماميه انا استغربت من الناس اللي بتقول انها متعبه وانها زي المصطبه انا خليت اكتر من حوالي 6 اشخاص ركبوا معايا الكنبه الخلفيه للحكم عليها وكلهم اجمعوا انها مريحه .
4-التكييف:لسه ماقدرش احكم عليه لكنه مبدئيا كويس جربته اليومين الحر دول وكان كويس .
5-العفشه:احلي حاجه في العربيه بصراحه وانا شايفها اكبر ميزه للعربيات الياباني علي الكوري العفشه بالنسبه للنشوفيه فهي متوسطه ولكنها قويه وادخل في اجدع مطب او نقره وانت مطمن وماتسمعش رزع خالص انا بصراحه ببهدلها عامل بيها 3 الاف كيلو كلهم بهدله ومطبات جامده طبعا للتجربه فقط ومريحه جدا ي السفر والعربيه بتبقي ماسكه نفسها وماتحسش بعين القطه بس ساعات بظهر صوت تخبيط مع عين القطه الجامده بس اعتقد ده عادي وموجد في اللانسر .
6-الثبات علي الطريق:طبعا العربيه لو علي طريق مستوي بتكون ثابته جدا انا لسه مجربها علي طريق العلمين كانت زي المسطره ولكن في الطريق الصحراوي بعد ال 140 او ال150 بحس ان العربيه بيكون صعب التحكم فيها ولازم تكون واخد بالك كويس لأنها ممكن تعوم منك .
7-الباور: هيدروليك متوسط التقل زي النيو سيراتو تقريبا
8-الشنطه: وسعها كويس اعتقد انها حوالي 380 لتر بس اصغر من عربيات كتير في نفس قئتها
9-استهلاك البنزين :التانك بعمل معايا تقريبا 370 كم
10-قوة المحرك :متوسط القوه يعني ماتحسهوش غول او انه خرافي محرك 1600 عادي جدا ذو اعتماديه عاليه وصوته طبعا مميز ولكن اعتقد ان الصوت قل شويه مع الفتيس الجديد لأن السي في تي علي وضع ال اس كان بيقي عامل زي الغساله .
11-الفرامل :بصراحه ممتازه ماعرفش هل اتعدلت عن الموديلات التانيه ولا ايه وجربت ال ايه بي اس حوالي تلات مرات غصب عني وربنا ستر الحمد لله .
12-صوت الكاوتش غير مسموع خالص جوا الكابينه واعتقد السبب في كده ان الكاوتش بقي من نوع بريدجستون .
14-الفتيس: فتيس استبترونك عادي جدا زي اي ستبترونك ولكن اعتقد انه حسن العربيه في حاجتين ان السحب علي السرعات القليله اتحسن شويه ون صوت الموتور قل لأنه انا سقت الفتيس القديم وكان عالي قوي نفس العصايه بتاعة الدركسيون في الفتيس القديم ولكن الحاجه اللي ماعجبتنيش ان الفتيس بالليل بيكون مظلم لأنه مش محطوط فيه لمبات زي القديم بس اتعودت اني ابص علي العدادات علشان اعرف النقله .
الموتور ده بصراحه محتاج فتيس خمس سرعات مش اربعه خالص هيخليه يفوق عن كده شويه
ملحوظه:العربيه بوجه عام متوسطه وعربيه عائليه ولكن اللي مخليها متميزه جودتها واعتماديتها وقلة الاعطال والخامات الداخليه ممكن يكون سعرها عالي شويه ولكنها بتقلد اخواتها اللي في فئتها. اللي بيشتري عربيه للاستخدام العادي وللسفر انصحه بيها ولكن اللي فاكرها بورش او فاكرها افضل عربيه في العالم فاانا لا انصحه بيها تماما لانها مش هتعجبه
-انا متأسف لأني ماصورتش العربيه من جوه بس ان شاء الله اصورها بالليل والصبح علشان ابين الاختلاف في العدادات والفتيس
-بعتذر عن تأخري في كتابة التقييم لأن في ناس كتير كانت عايزاه ولكن معلش كنت مشغول وكنت مستني اجربها علي طريق سفر طويل
-اي نقطه عايزه توضيح او سؤال انا في الخدمه .
ملحوظه:العربيه بوجه عام متوسطه وعربيه عائليه ولكن اللي مخليها متميزه جودتها واعتماديتها وقلة الاعطال والخامات الداخليه ممكن يكون سعرها عالي شويه ولكنها بتقلد اخواتها اللي في فئتها. اللي بيشتري عربيه للاستخدام العادي وللسفر انصحه بيها ولكن اللي فاكرها بورش او فاكرها افضل عربيه في العالم فاانا لا انصحه بيها تماما لانها مش هتعجبه
-انا متأسف لأني ماصورتش العربيه من جوه بس ان شاء الله اصورها بالليل والصبح علشان ابين الاختلاف في العدادات والفتيس
-بعتذر عن تأخري في كتابة التقييم لأن في ناس كتير كانت عايزاه ولكن معلش كنت مشغول وكنت مستني اجربها علي طريق سفر طويل
-اي نقطه عايزه توضيح او سؤال انا في الخدمه .
.gif "Mahf(5)")
Comment