حاسس اني اضحك عليا

[nokian70]

حلمي اني اشترى عربية لانسر كريستالة طبعا من كمية النصب اللى فى السوق وجشع وطمع التجار قلت بلاش و خلينى على النت ودورت كتير وكلمت ناس كتير و شفت عربيات كتير
لحد مارسيت على مهندس كان بايع عربيتو و روحت انا و والدى نشوف العربية لآول مرة واتكلمنا معاه وساعت الشراء لقنا توكيل بتاريخ حديث قال انها عربيت خالتو ولسة عملالو توكيل عشان يبعلها العربية وقلنا ماشي عشان كان شكلو متقي المهم اشتريت العربية لانسر مو 1999 مانيوال 1300 تكييف بور و زجاج كهرباء و المفروض انها عاملة 98000 كم كما قال العداد و الحالة العامة مش واحشة ياعنى فبريكا دواخل و بعد الآجزاء فى الخارج وكان معايا والدى مهندس ميكانيكا خبرة لا تقل عن 30 سنة فى مجال العربيات و بعد موافقتة خدت العربية ورفعتها في بنزينة ودة طبعا ماجاش بالساهل بسبب رفض والدى لانو حس ان الموضوع ملوش لزمة وثقتة في البائع وانها تكلفة زيادة بعد ماشفها المهم بعد الالحاح و الآصرار وافق وكانت النتيجة في كل الحالات مرضية عن حالة العربية وكنت طاير بيها من الفرحة بعد عربيتى 128 باستثناء كام حاجة لحظتها بعد كدة بدات الفرحة دى تختفى ويجي احساس انى اضحك عليا او انى كنت ضاحية مهندس نصاب
1-الكاوتش كلو متغير و بمقاسات مختلفة طبعا غيرتو كلو وجبت4 فرد مقاس العربية
2-لاحظت ان في دخنة سوداء عرفت انها مشكلة كربيراتير ورحت عشان انضفو فى مركز الصفا و فكة كلو و غسلة تمام وصلح كمان التشوك اللى هوا زي الشفاط بس اوتوماتك
3-غيرت طبعا فلاتر و سيور و قواعد الموتور والقنطرة و 4 تيل فرامل و 4 بوجيهات من التوكيل و مساعدين خلفى والآمامى (فرحان بقى و مش عايز استرخص) وجبت كمان اول الشتاء بطارية جافة وفرش و انزار
4-غيرت فوانيس عشان كانو مشبريين وغيرت الآقصدام اللى ورا عشان كان معوج كتييير بواحد اصلى من الحرفيين و اشتريت مرايا شمال عشان كانت ملحومة واتكسرت
5-روحت رخصت وكانت المفاجئة ان العربية مترخصة اربع مرات غير طبعا التوكيلات اللى بنهم وبسم الله مشاء الله كل واحد في المرور اروح عندو يستغرب من حجم دوسية العربية وكمية الناس اللى اشترتها وبعد الترخيص 3 سنين بحاول اقنع نفسى ان كل دة مش مهم والمهم حالة العربية

-كل اللى فات دة وبقول عشان ادي عمر للعربية مع ان العربية جايبها 55000 جنية من سنة و دة كان سعر عالى بس عشان الحالة اللى المفروض انها انضف و اغلى حاجة شوفتها
عندى كام استفسار عايز افهمو؟
1- و انا بنضف الفلتر الهواء من كام يوم لقيت ترشيح زيت تحت الفلتر في العمة ولما سألت الميكانيكي قالى ان الموتور بيودع وعايز نص عمرة برغم ان البوجيهات نضيفة و حارقة كويس و مافيش اى اثر لزيت وحبيت اتاكد روحت بنزينة وكشفت على كبس الموتور لقيتة 70% ووالدى قالى انو عادي مافيش منو مشكلة.هل كدة فعلا محتاج نص عمرة؟ ولو محتاج هل ممكن عربية يبانى عاملة 98 الف تعمل عمرة؟
2-كمان لاحظت ان ذراع المساحات شغال على سرعة واحدة بس هى اخر حاجة اما الباقى مافيش استجابة منو كمان زرار سرعت التكييف والسخان و زرار بتاع توزيع الهواء كلو على وضع واحد بس دة طبيعى انو يبوظ سالت علية راجل بتاع تكييف قالي ان الجرابات(السلك بتاع البوابات)بينشف من عدم الاستعمال و لازم يتغير؟سالت عليه و مش لقية هل ماينفعش يتزيت او احط سائل مزيل الصدأ؟


اسف على الآطالة انا حبيت اشاركوا تجريبتى وياريت اى حد عارف مشكلة او واجهتوا نفس المشكلة يقلى
اخر حاجة عايز استفسر عنها هل اللي بيحصل دة طبيعى لآي عربية مستعملة؟؟؟؟؟؟

[د.محمود صلاح]

الف مبروك العربية , وطبعاً المستعمل عمره ما هيكون 100 % ,, لازم يكون فيه حاجات محتاجة تظبيط ,, بس اللي يزعل في موضوعك هو عدد المشتريين , طبعاً أول يد أو تاني يد فقط هو المقبول في المستعمل

[OldVic]

حلمي اني اشترى عربية لانسر كريستالة طبعا من كمية النصب اللى فى السوق وجشع وطمع التجار قلت بلاش و خلينى على النت ودورت كتير وكلمت ناس كتير و شفت عربيات كتير

لحد مارسيت على مهندس كان بايع عربيتو و روحت انا و والدى نشوف العربية لآول مرة واتكلمنا معاه وساعت الشراء لقنا توكيل بتاريخ حديث قال انها عربيت خالتو ولسة عملالو توكيل عشان يبعلها العربية وقلنا ماشي عشان كان شكلو متقي المهم اشتريت العربية لانسر مو 1999 مانيوال 1300 تكييف بور و زجاج كهرباء و المفروض انها عاملة 98000 كم كما قال العداد و الحالة العامة مش واحشة ياعنى فبريكا دواخل و بعد الآجزاء فى الخارج وكان معايا والدى مهندس ميكانيكا خبرة لا تقل عن 30 سنة فى مجال العربيات و بعد موافقتة خدت العربية ورفعتها في بنزينة ودة طبعا ماجاش بالساهل بسبب رفض والدى لانو حس ان الموضوع ملوش لزمة وثقتة في البائع وانها تكلفة زيادة بعد ماشفها المهم بعد الالحاح و الآصرار وافق وكانت النتيجة في كل الحالات مرضية عن حالة العربية وكنت طاير بيها من الفرحة بعد عربيتى 128 باستثناء كام حاجة لحظتها بعد كدة بدات الفرحة دى تختفى ويجي احساس انى اضحك عليا او انى كنت ضاحية مهندس نصاب
1-الكاوتش كلو متغير و بمقاسات مختلفة طبعا غيرتو كلو وجبت4 فرد مقاس العربية
2-لاحظت ان في دخنة سوداء عرفت انها مشكلة كربيراتير ورحت عشان انضفو فى مركز الصفا و فكة كلو و غسلة تمام وصلح كمان التشوك اللى هوا زي الشفاط بس اوتوماتك
3-غيرت طبعا فلاتر و سيور و قواعد الموتور والقنطرة و 4 تيل فرامل و 4 بوجيهات من التوكيل و مساعدين خلفى والآمامى (فرحان بقى و مش عايز استرخص) وجبت كمان اول الشتاء بطارية جافة وفرش و انزار
4-غيرت فوانيس عشان كانو مشبريين وغيرت الآقصدام اللى ورا عشان كان معوج كتييير بواحد اصلى من الحرفيين و اشتريت مرايا شمال عشان كانت ملحومة واتكسرت
5-روحت رخصت وكانت المفاجئة ان العربية مترخصة اربع مرات غير طبعا التوكيلات اللى بنهم وبسم الله مشاء الله كل واحد في المرور اروح عندو يستغرب من حجم دوسية العربية وكمية الناس اللى اشترتها وبعد الترخيص 3 سنين بحاول اقنع نفسى ان كل دة مش مهم والمهم حالة العربية

-كل اللى فات دة وبقول عشان ادي عمر للعربية مع ان العربية جايبها 55000 جنية من سنة و دة كان سعر عالى بس عشان الحالة اللى المفروض انها انضف و اغلى حاجة شوفتها
عندى كام استفسار عايز افهمو؟
1- و انا بنضف الفلتر الهواء من كام يوم لقيت ترشيح زيت تحت الفلتر في العمة ولما سألت الميكانيكي قالى ان الموتور بيودع وعايز نص عمرة برغم ان البوجيهات نضيفة و حارقة كويس و مافيش اى اثر لزيت وحبيت اتاكد روحت بنزينة وكشفت على كبس الموتور لقيتة 70% ووالدى قالى انو عادي مافيش منو مشكلة.هل كدة فعلا محتاج نص عمرة؟ ولو محتاج هل ممكن عربية يبانى عاملة 98 الف تعمل عمرة؟
2-كمان لاحظت ان ذراع المساحات شغال على سرعة واحدة بس هى اخر حاجة اما الباقى مافيش استجابة منو كمان زرار سرعت التكييف والسخان و زرار بتاع توزيع الهواء كلو على وضع واحد بس دة طبيعى انو يبوظ سالت علية راجل بتاع تكييف قالي ان الجرابات(السلك بتاع البوابات)بينشف من عدم الاستعمال و لازم يتغير؟سالت عليه و مش لقية هل ماينفعش يتزيت او احط سائل مزيل الصدأ؟

اسف على الآطالة انا حبيت اشاركوا تجريبتى وياريت اى حد عارف مشكلة او واجهتوا نفس المشكلة يقلى
اخر حاجة عايز استفسر عنها هل اللي بيحصل دة طبيعى لآي عربية مستعملة؟؟؟؟؟؟

أستاذى، معظم ما ذكرته كان المفروض يكون واضح من المعاينة الظاهريه (حالة الكاوتش، الاكصدام، التعليق، المراه) و كذلك الزراير و التابلوه. قياس كبس الموتور أمر بديهي جدا لسيارة عمرها 10 سنين و عامله 100 ألف كيلو.

الامور دى طبيعيه لسيارة مستعملة و مبروك عليك.

[HeMa_LanCeR]

هو أولا مبروك العربيه
ثانيا انت صرفت كتير والمفروض مكنش ده كله اتصرف كده العربيه بقت غاليه قوي
المهم بالنسبه لترشيح الزيت كده فعلا المكنه خفيفه بس انا عايز تتأكد انه زيت
يعني امسح المكان ده تاني وترقبه من وقت لأخر
وانت بتغير زيت ايه ؟؟؟؟؟؟
وبالنسبه لوضع تغيير التكييف ده فعلا بيبوظ كتير وانا عندي باردو ثابت وعلشان تجديب وير هتجيبه مستعمل

[nokian70]

بالنسبة لموضوع الزيت فا انا بحط زيت شيل العبوة الصفراء الي بتتغير كل 3000 كم و انا بتابع من فترة خروج الزيت تحت الفلتر و كل مرة بنضفة مش عارف في ناس بتقول انى ممكن اكون زودتلها زيت مع انى ظابط على المقاس عموما ياريت تقللى انت بتحط زيت اد اية من غير فلتر و بالفلتر عشان المفروض اغير زيت وبالنسبة للجراب بتاع اوضاع التكييف و التبرييد و التسخين عرفت ان دول بيبقوا على سلك زي سلك الدبرياج كدة في العربيات القديمة و دة مابيتغيرش غير لما يتقطع اقصد ماينفعشى احط سائل مزيل الصدا فى الجرابات دى و يتنضفوا كويس و يشتغل تانى ولا لازم يتغير ؟؟؟؟
بالنسبة للصرف الكتير للآسف انا لما احب حاجة مش ببخل عليها عموما ربنا يعوض عليا خير
والف شكرا على ردك يا هيما

[nokian70]

الف مبروك العربية , وطبعاً المستعمل عمره ما هيكون 100 % ,, لازم يكون فيه حاجات محتاجة تظبيط ,, بس اللي يزعل في موضوعك هو عدد المشتريين , طبعاً أول يد أو تاني يد فقط هو المقبول في المستعمل

د.محمود صلاح اولا الله يبارك فيك و شكرا على ردك ثانيا بخصوص موضوع عدد الرخص دة متعرفش اد اية دايقنى و اللى غاظنى اكتر انهم من اماكن مختلفة ياعنى مثلا من شمال سيناء و كفر الشيخ و الشرقية دول اصحاب الرخص و للأسف عمرك ماتعرف العربية دى كام واحد رخصها غير لما تكون مشترى و رايح تنقل ملكية ياعنى مافيش اى مفر الحمدو لله على كل شئ

[nokian70]

أستاذى، معظم ما ذكرته كان المفروض يكون واضح من المعاينة الظاهريه (حالة الكاوتش، الاكصدام، التعليق، المراه) و كذلك الزراير و التابلوه. قياس كبس الموتور أمر بديهي جدا لسيارة عمرها 10 سنين و عامله 100 ألف كيلو.

الامور دى طبيعيه لسيارة مستعملة و مبروك عليك.

كلامك مظبوط بس للآسف اللى لفت نظرنا اولا حالة العربية من تكييف و موتور و اساسيات وملتفتناش عن الحجات الصغيرة دى اللى عرفت بعد كدة انها كبيرة قوي
وشكرا للرد حضرتك

[SkyBird]

أستاذى، معظم ما ذكرته كان المفروض يكون واضح من المعاينة الظاهريه (حالة الكاوتش، الاكصدام، التعليق، المراه) و كذلك الزراير و التابلوه.

كلام سليم
لم يضحك عليك احد
انت من .... تعجل
و لاتلوم البائع لانة المالك العشرين او الاربعين حتى .. فقد اعطاك الفرصة للمعاينة

[د.محمود صلاح]

هل المفترض إن البائع يخبي معلومات عن العربية قد تضر البيعة ؟

[kemoelord]

انا طبعا زعلان جدا للاستاذ نوكيا لاني اتعرضت لمثل هذا الموفف من قبل لكن على الاقل انا لا فحصت ولا هببت حاجة كل الي عملته ان كان معايا ميكانيكي شاف العربيه وخلص , لكن الاستاذ نوكيا تقريبا فحص وكان معاه ميكانيكي ورفع العربيه وكبس الموتور طلع 70% وده كويس للاسف المشكله بتيجي من البائع يعني المفروض يقول على كل شئ لوجهه الله كده ومن اجل الامانه والفلوس الي هياخدها تكون حلال انا حقيقي مش عارف الناس بتقبل الفلوس على نفسها ازاي ؟؟؟؟؟

[kemoelord]

هل المفترض إن البائع يخبي معلومات عن العربية قد تضر البيعة ؟

انا هقول لحضرتك على قصه بيع سيارتي وحضرتك قولي بجد لو كنت غلطان ؟ انا بيعت سيارة لانوس 99 من 3 شهور كده ب 32.500 وفيه ناس قالتلي انك خسرت فيها بس انا كنت بايعها لحد معرفه وقولت هو هيصرف عليها كتير لانها كانت محتاجه ضروري (اكصدام امامي وخلفي +كبالن+مساعدين امامي) فاخذت في اعتباري والله اني ما ازود عليه المبلغ المهم قولتله على كل المشاكل الي فيها في منتهى الامانه لدرجه انا كنت عامل كشكول وكنت كاتب فيه كل مسمار وبمعنى كلمة مسمار صرفته على السيارة من ساعه ما اشتريتها (وطبعا كنت اصلا مشتريها من واحد كده زي الي باع للاستاذ نوكيا لا عنده ضمير ولا دم حتى ) واخد الراجل مني الكشكول ولاحظ باهتمامي بالسيارة , المهم هو كان اكبر مشكله فيها كان في شرخ بين المقص والشاسيه المهم انا خبرتي اصلا بالعربيات مش كبيرة يعني مش بفهم اوي المهم قولتله ان فيها شرخ وان الحمد لله انا لحمته والركبه الي فيها الشرخ اتحلت تماما وعملتها وغيرت الكبالن كمان وعملت زرجينه وكنت فاكر ان المشكله كده اتحلت , المهم في النهايه هو اعجب بالعربيه وما كان عاوز يروح يرفع العربيه واكتفى بالكشف الي هو عمله وانا شخصيا كنت بزن عليه وبالحاح شديد انه يروح يكشف علشان لو مش عاجبه حاجة ما ياخدها مع اني مش فارقه معايا وانا الي مستفيد المهم في النهايه قالي لا وانا هتكل على الله وهشتريها واخدها وبعدها بشهر سمعت انه باع العربيه لان العربيه الشاسيه تبعها مفتوح ومش نافعه .. هل انا كده خدعته او خونت الامانه ؟؟؟؟؟؟؟؟؟؟؟؟؟؟؟؟ لان ساعتها كنت عاوز اروح حتى ادفعه نصف الفلوس الي دفعها لاني حسيت انه اتظلم ؟؟؟

[Tayer]

بارك الله فيك