لسه شارى بومه زيرو وفيها عيب بسيط..ارجو الافادة

[DrMax]

السلام عليكم
انا جديد معاكو هنا فى المنتدى وسعيد جدا انى اشتركت فيه

الحمد لله غيرت ال 132 اللى بقالها معايا مية سنة لحد مزهقت منها
ولسه شارى بومه 1300 مانيوال 2009
مستلمها من ساعتين بالظبط
بس لقيت فيها مشكلة بسيطة وهايفة بس خنقانى لان العربية زيرو

لما بدى اشارة شمال واكسر الدريكسيون واعدل الدريكسيون بعد كده الاشارة مبترجعش مع عدلة الدريكسيون بتعمل تكة بسيطة كده والدراع بيعلى سنة صغيرة لكن مبيقفلش الاشارة ومبيرجعش لوضعه الطبيعى وبتفضل الاشارة شغالة
ده فى الشمال بس لكن الاشارة اليمين بترجع عادى
روحت للمعرض اللى جبت منه قالولى هنسالك ايه الوضع ونرد عليك

فانا عايز اعرف هل فى صيانة الالف هيظبطولى الحوار ده ومجانا عادى ولا هيقولولى سوء استعمال والحوارات دى
وهل هيحتاج فك دريكسيون وكده ولا ايه الوضع
هوه عيب بسيط لكن اكيد يخنق لان العربية زيرو ويابانى !!! والوكيل ماشر عليها فى كتيب الخدمة انها اوك قبل التسليم!!!!
ارجو الافادة وياريت لو البشمهندس طارق يرد عليا كمان
وشكرا جزيلا

[mohamedway]

ما دام لسه شاريها من ساعتين فقط يبقه إرجع المعرض و خد واحده تانيه و متسكتش و اعمل مشكله و متستناش الضمان حتى لو هتتعمل فى الضمان عادى و لكن عصفور فى اليد و لا ضمان على الشجره!!

المفروض التوكيل عشان يصلحلك العيب ده انه يغيرلك مجموعة مفاتيح الدركسيون كلها و ما أعتقدش انها رخيصه خالص و طبعا تغييرها يتطلب فك فبر الدركسيون و الطارة.

[DrMax]

ما دام لسه شاريها من ساعتين فقط يبقه إرجع المعرض و خد واحده تانيه و متسكتش و اعمل مشكله و متستناش الضمان حتى لو هتتعمل فى الضمان عادى و لكن عصفور فى اليد و لا ضمان على الشجره!!

المفروض التوكيل عشان يصلحلك العيب ده انه يغيرلك مجموعة مفاتيح الدركسيون كلها و ما أعتقدش انها رخيصه خالص و طبعا تغييرها يتطلب فك فبر الدركسيون و الطارة.

ماهى المشكلة ان العربية 2009 وانا جبتها نبيتى بالعافيه لان ده اللون اللى كنت عايزه..كل اللى باقى فى المعارض 2009 اللون اسود ومفيش غير اسود..فلو مكنش موضوع اللون كنت رجعتها فورا
بس افهم من كلامك كده ان فى صيانة الالف هيدفعونى تمن التصليح بتاع المفتاح ده.؟؟انا متهيالى انها حاجة عايزة ظبط بس لان زى مبقولك الدراع بيعلى سنة صغيرة مع التكة واان بلف الدريكسيون..يعنى السنة اللى بتخليه يرجع موجودة وكل حاجة بس اعتقد انها مش مظبوطة فى مكانها
والله مش عارف اعمل ايه

[د.احمدالشافعى]

السلام عليكم
الف مبروك العربيه وربنا يديك خيرها ويبعد عنك شرها
انا عايز اسأل سيادتك سؤال بخصوص اللون هو فعلا مافيش غير اللون الاسود فى عربيات 2009 فى التوكيل
وعربيتك لونه ايه لو مش سودا

[DrMax]

الله يبارك فيك
انا كاتب فى ردى اللى قبل حضرتك علطول انها نبيتى
وفعلا سالت فى كل حتة مفيش غير اسود من 2009 1300
وفى معارض اتصلت بالتوكيل فى مصر مفيش غير اسود
ياريت لو عندك فكرة عن مشكلتى تفيدنى
وشكرا

[د.محمود صلاح]

دى وكيل ولا خليجي ؟ وعليها ضمان ولا لأ ؟

لو عليها ضمان اطمئن ,, أكيد هيغيروها لك لأن ده عيب صناعة مش عيب المستهلك

[DrMax]

دى وكيل ولا خليجي ؟ وعليها ضمان ولا لأ ؟

لو عليها ضمان اطمئن ,, أكيد هيغيروها لك لأن ده عيب صناعة مش عيب المستهلك

اه يادكتور عليها ضمان لانها وكيل
المشكلة انها حاجة تخنق لان العربية زيرو ويابانى ازاى تطلع كده من المصنع
ربنا يسهل ويظبطوهالى فى التوكيل تبع الضمان..والله مش عارف اروح دلوقت ولا استنى صيانة الالف
عموما الحمد لله على كل شىء وكويس انها جت فى حاجة بسيطة وربنا يستر ومكتشفش عيب جديد حاكم انا مبقتش متفائل بالعربية كده
على فكرة انا كمان دكتور بشرى زى حضرتك بس على صغير هستلم نيابة كلى صناعى :)
تقبل تحياتى

[mohamedway]

أنا خايف يكون حاجه مكسورة و يلاقوا القطعه المكسورة واقعه جوه و ساعتها هيتهموك بسوء الإستخدام بقلب جامد و معاهم الدليل..... و ممكن يكون معاهم حق و هو فعلا سوء استخدام مش منك و لكن من أى حد فى المعرض اللى كانت العربيه واقفه فيه بقالها فترة (2009).

وممكن يكون العيب ده هو السبب اللى مخليها العربيه الحمرا الوحيده اللى لاقيتها و الباقى كله اسود.

أنا أشك بشده ان المعرض عارف ان العربيه فيها العيب وهو بيبعهالك و مكانش أمين معاك.

[مصراوي جدا]

اهلا يا دكتور
اولا مبروك العربية ربنا يديك خيرها ويكفيك شرها

انا سألت دلوقتي مدير الصيانة على الموضوع ده قال لي الموضوع بسيط بلغ العميل ييجي في اي وقت سواء عندنا في قليوب او في جسر السويس وهيتم حل المشكلة وهو واقف (طبعا في الضمان)

يعني مش لازم تنتظر لصيانة الألف علشان متحسش ان العربية فيها اي مشكلة

[DrMax]

أنا خايف يكون حاجه مكسورة و يلاقوا القطعه المكسورة واقعه جوه و ساعتها هيتهموك بسوء الإستخدام بقلب جامد و معاهم الدليل..... و ممكن يكون معاهم حق و هو فعلا سوء استخدام مش منك و لكن من أى حد فى المعرض اللى كانت العربيه واقفه فيه بقالها فترة (2009).

وممكن يكون العيب ده هو السبب اللى مخليها العربيه الحمرا الوحيده اللى لاقيتها و الباقى كله اسود.

أنا أشك بشده ان المعرض عارف ان العربيه فيها العيب وهو بيبعهالك و مكانش أمين معاك.

والله يامحمد مش عارف اقولك ايه..هية العربية واخدة الاوك من التوكيل فى شهر 12 اللى فات زى ما مختوم فى كتيب الخدمة يعنى من شهرين بس مش قديمة اوى ولا حاجة..وبالنسبة لقصة اللون العربية كانو بيجيبوها من مصر وقت مكنت بشوف لسه الاسعار وكانت جاية لدكتور صاحب مدير المعرض وبعدها بيومين رجع فى كلامو ومخدهاش لانه قرر يجيب 1600
والمعرض مشهورجدا اسمه الكمونى فرع طنطا...فاتح ييجى 10 فروع فى حتت كتير وسمعته كويس ومحدش اشتكى منهم..فقصدى ان العربية مكنتش جيالى الاول والعيب اللى فيها ده ميبانش غير لما تسوق وتدى اشارة وكده مش حاجة هتبان وهية واقفه
بجد محتار مش عارف اعمل ايه

[DrMax]

اهلا يا دكتور
اولا مبروك العربية ربنا يديك خيرها ويكفيك شرها

انا سألت دلوقتي مدير الصيانة على الموضوع ده قال لي الموضوع بسيط بلغ العميل ييجي في اي وقت سواء عندنا في قليوب او في جسر السويس وهيتم حل المشكلة وهو واقف (طبعا في الضمان)

يعني مش لازم تنتظر لصيانة الألف علشان متحسش ان العربية فيها اي مشكلة

اهلا بحضرتك يابشمهندس طارق والله يبارك فى حضرتك
طب الحمد لله ان الموضوع بسيط..خلاص هاجى ان شاء الله اول مرخص لانى من طنطا ولو سافرت بيها من غير نمر اكيد هيقفشونى ولسه مستلمها النهاردة الضهر
فاول مرخص هاجى وهكون سعيد طبعا لو اتشرفت بمقابلة حضرتك وانا هناك
شكرا ليك..بجد طمنتنى
تقبل تحياتى

[kemoelord]

اولا : الف مبروووووووووووووك على السيارة الجديدة وربنا يديك خيرها ويكفيك شرها وربنا يباركلك فيها ان شاء الله , ثانيا بالسنبه ل132 ايه وضعها لو بايع انا شايل يا عم ههههههه, ثالثا بالنسبه لموضوع ذراع الاشارة فهي مشكله بسيطه ان شاء الله زي ما اشار المهندس طارق عليها وانا راي ان شاء الله اول لما ترخص بامر الله تروح التوكيل فرع /قليوب وتقابل المهندس طارق وان شاء الله المشكله تتحل خصوصا انه هيكون عنده علم بالموضوع هنا في المنتدى وعنده خلفيه بالموضوع وفي انتظار تقريرك المفصل عن السيارة ورايك فيها ايه , واخيرا شكرااااا جزيلا للمهندس طارق للاهتمام بينا والله

[mohamedway]

اهلا يا دكتور
اولا مبروك العربية ربنا يديك خيرها ويكفيك شرها

انا سألت دلوقتي مدير الصيانة على الموضوع ده قال لي الموضوع بسيط بلغ العميل ييجي في اي وقت سواء عندنا في قليوب او في جسر السويس وهيتم حل المشكلة وهو واقف (طبعا في الضمان)

يعني مش لازم تنتظر لصيانة الألف علشان متحسش ان العربية فيها اي مشكلة

خلاص ما دام البشمهندس طارق طمئننا يبقه متقلقش يا دكتور و ممكن يكون فعلا الموضوع بسيط و هم عارفينه فى التوكيل .........................

أحسن روح قليوب و اتعرف على البشمهندس طارق هتلاقيه راجل خدوم جدا و محترم جدا و هيساعدك على قد ما يقدر.

[DrMax]

اولا : الف مبروووووووووووووك على السيارة الجديدة وربنا يديك خيرها ويكفيك شرها وربنا يباركلك فيها ان شاء الله , ثانيا بالسنبه ل132 ايه وضعها لو بايع انا شايل يا عم ههههههه, ثالثا بالنسبه لموضوع ذراع الاشارة فهي مشكله بسيطه ان شاء الله زي ما اشار المهندس طارق عليها وانا راي ان شاء الله اول لما ترخص بامر الله تروح التوكيل فرع /قليوب وتقابل المهندس طارق وان شاء الله المشكله تتحل خصوصا انه هيكون عنده علم بالموضوع هنا في المنتدى وعنده خلفيه بالموضوع وفي انتظار تقريرك المفصل عن السيارة ورايك فيها ايه , واخيرا شكرااااا جزيلا للمهندس طارق للاهتمام بينا والله

اولا الله يبارك فيك , ثانيا بالنسبة لل 132 مش عارف هبيع ولا لا بس عموما مش هتفرق كتير , ثالثا هرخص ان شاء الله واروح علطول وربنا يكرم واتشرف بمقابلة البشمهندس طارق هناك وبشكره للمرة الالف لانه زى مقولت مهتم بينا جدا ...جزاه الله خيرا

خلاص ما دام البشمهندس طارق طمئننا يبقه متقلقش يا دكتور و ممكن يكون فعلا الموضوع بسيط و هم عارفينه فى التوكيل .........................

أحسن روح قليوب و اتعرف على البشمهندس طارق هتلاقيه راجل خدوم جدا و محترم جدا و هيساعدك على قد ما يقدر.

مانا هرخص واروح ان شاء الله وربنا يقدم ما فيه الخير واكيد طبا هتعرف عالبشمهندس طارق هناك
شكرا ليك

[SkyBird]

مع ان العيب بسيط بس انا لو مكانك هاحس اني رميت فلوسي كلها في الهوا
تخيل حاجة شاريها زيرو وفيها عيب او زيرو ومحتاجة تتصلح
انا مش بحسرك بس انا مع الحل اللي يقول طالما لسة مرخصتش يبقى تروح ترميها في وشهم وتغيرها
وبلاش موضوع اللون يخليك تكسل
لان العيب ده هينسيك لونها لسنين طويلة قادمة وهتحس ان لونها نبيتي باهت
ربنا يديك الصحة وطول العمر