إعـــــــلان

Collapse

.

,
See more
See less

ارجو الافادة ضروري يا أهل الانسر الـ 1300 ضروري

Collapse
X
 
  • Filter
  • الوقت
  • Show
Clear All
new posts

  • ارجو الافادة ضروري يا أهل الانسر الـ 1300 ضروري

    يا أهل الانسر الـ 1300 أرجو الافادة ضروري ومن غير تحيز الله يبارك فيكم
    انا محتار وعايز اشتري عربية في حدود 65 ألف المبلغ ده ممكن يجيب عربيات كتير بس انا محتار بين الصني 2006 او 2007 اوتو او الانسر وبالسعر ده مش هقدر اجيب الا الـ 1300 سواء مانوال أو أوتو أو يارس 2007 مانوال او اوتو وبفكر كمان في الكورولا موديل 2003.
    سؤالي المهم ليكوا خصوصا اني بميل للانسر ال 1300 هو سحبها سيئ اوي يعني مع ملاحظة اني مش من الناس اللي مقضيها شد وبهدله في العربية، كل الناس في المنتدى هنا انطباعاطهم عن العربية سيئ وحاسس اني مالكي الانسر ال 1300 اتعس مالكي سيارات في العام أرجو افادتي وياريت تقارنوا بين سحبها وسحب الانوس أو الافيو لان دولي السيارتين اللي انا امتلكتهم.
    أسف على الاطالة وشكرا لمساعدتكم

  • #2
    ص ياجميل لو انت غاوي تحرق وتشد والكلام ده متجبش 1300 اما لوعايز عربيه كويسه ومحترمه اتكل على الله واشتريها على فكره انا معايا 1300 اتوماتيك موديل 2006 وزى الفل عايز اقولك على الصحراوي الصيف اللى فات كنت ماشى 160 ومشغل التكيف ومعايا 3 فى العبيه غير الشنط وكانت ماشيه زي الفلز

    Comment


    • #3
      تسلملي يا اسلام والف شكر على ردك بس في وجهة نظرك وبالمقارنة مع الاخيارات اللي انا حاططها الانسر 1300 هي الأنسب؟

      Comment


      • #4
        1300 الأوتو في المشي العادي كويسه وممكن تجبها مانوال احسن واحسن ومعانا هنا الأستاذ محمد عزت ممكن تسأله معاه المودلين مانوال وأتو 1300وانا معايا 1300 الأتو موديل 2008 كويسه في المشي انما في الشد لأ وخصوصا لو انت مشغل التكييف واليارس مع بنت خالتي مانوال 2007 جميله جدا في الشد والجري دية كل المعلومات اللي عندي

        Comment


        • #5
          شكرا لردك يا ابو حميد

          Comment


          • #6
            بص يا جميل ال 1300 فى الشد فى اغلب انواع العربيات مش مريح سواء 1300 مانيوال او اوتو

            ثانيا كل واحد على حسب الى عاوزه من العربيه يعنى واحد عايز عربيه موفره فى البنزين او عربيه مريح معاه او عربيه بتجمع وجايبها للشد والجرى وبس او عربيه صغيره كل واحد على حسب

            انما لو بنتكلم عن 1300 اوتو فى الانسر حلوه مش وحشه لو زى ما بتقول مش عايز جرى وشد والكلام ده وهى بتجرى برضو مش ما بتتجريش بس الى بييقارنها بيقارنها بالفيرنا 1600 مانيوال فى طبعا بيحس انها مش بتجرى ولا حاجه او بطئيه فى تجميها الاولانى وده طبعا مش بيبان غير فى حالات الشد والجرى

            لكن الانسر عربيه ممتازه وثابته على الطريق بخلاف عربيات كتير عربيه حماله اسيه تقدر تقول كده وانت مطمن ليها قطع غيار فى كل مكان وكل الانواع الاصلى والتقليد وكل الناس بتفهم فيها

            على فكره الكلام ده عن تجربه انا معايا لانسر 1300 اوتو بومه 2003 واى خدمه يا باشا تحت امرك

            Comment


            • #7
              عيب الانسر 1300 اوتوماتيك هو بطء التسارع لحد 60 كم - ساعة
              بس بعد كدة صدقني غصب عنك هتشيل رجلك من على البنزين علشان بتفتح على السرعة مرة واحدة
              انا بيتهيألي السبب ده علشان ثقل وزنها اللي يقارب الطن
              [CENTER][mark=#00ffb7]Follow Me: http://twitter.com/DrAhmadSelmy[/mark][/CENTER]

              [CENTER] [img3]http://oi40.tinypic.com/i2mv7b.jpg[/img3][/CENTER]

              Comment


              • #8
                انا كمان كنت محتار زيك كده بينها وبين حاجات تانية كتير 1600...لسه شاريها من 4 ايام لانسر 1300 مانيوال
                العربية زى الفل وبتجرى وكل حاجة وموفرة فى البنزين..وكفاية انها ميتسوبيشى ويابانى...مادام ملكش فى الشد والجرى العربية مش هتزعلك فى حاجة... طبعا لو قارنتها بالفيرنا اكيد الفيرنا بتجرى اكتر لان حجمها صغير و 1600
                لكن مادام عايز عربية محترمة وموفرة وتعمر وملكش فى الجرى والشد يبقى توكل على الله وهات لانسر 1300
                وطبعا لو عايز السحب والجرى يبقى احسن هاتها مانيوال

                Comment


                • #9
                  يا جماعة انا جربت الفرنا فضلت معايا شهرين (ايجار) عربية مجرمة جري مفيهاش غير ماتور وتكييف فطبيعي انها تكون جرايه عن الانسر ال 1600 كمان انا عايز اقارن سحب الانسر ال 1300 بالانوس او الافيو لاني للاسف مجربتش غير ال 1600

                  Comment


                  • #10
                    العربيه ال 1300 مش جرايه طبعا , مشيها كويس جدا ولو طلعت بيها على الطريق هتجمع معاك عادى وهتشد بيها بس لو انت غاوى حرق وجرى مع الناس يبقى مش هتعجبك , العربيه بتحس ان تسارعها وحش فعلا لو شغلت التكييف بتفطس منه جامد

                    غير كدا سحبها طبيعى , يعنى هى ابطأ من العربيات ال 1600 فى السحب من 0 ل 100 بحوالى 3 ثوانى بس مش قصه كبيره

                    فى المقابل , جوا البلد بتدخل فى 300 كم فى الصفيحه وعلى الطريق هتنسى البنزين نهائى
                    [CENTER]
                    [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
                    [/CENTER]

                    Comment


                    • #11
                      اكيد الانسر مفيهاش كلام زيها زى تويوتا 95 96 93 من احسن موديلات الانسر 99 98بس تمنها عالى مش عارف ذبادة عن سعر سوقها

                      Comment


                      • #12
                        بدون تحيز وبكل امانه ومش مستفيد اى شىء لو اشتريت 1300 او 1600

                        قبل وظيفتى الحكوميه وبحكم عملى السابق كان لى عدة تجارب مع سيارات كتير جدا منها جميع فئات اللانسر
                        والنتيجه انى امتلك 1300 وليس 1600 وده حسب الاحتياج
                        واحتياجك انت هو اللى هايحدد ايهما انسب وليس افضل
                        بجميع المقاييس 1600 افضل

                        ليه 1300 ؟؟؟؟؟

                        مافيش حاجه اسمها عربيه بطيئه او سحبها ضعيف
                        ولو قلنا ضعيف . ضعيف بالنسبه لايه ؟ عاوز تقارنها بايه ؟

                        عربيه 1300 cc فتيس مانيوال 90 حصان وزنها تقريبا 1150كجم

                        انا جربت البومه عموما لغايه 200.000كم واكتر من عربيه
                        عموما عربيات فوق الممتازه مقارنتا بغيرها من فئات اخرى ومش هاذكر انواع لان الناس بتزعل
                        لكن اللانسر اكتر قطع غيار متوافره فى مصر اقل اسعار قطع غيار موجوده فى مصر اكتر سياره توافرت لها قطع غيار سواء مستعمل او استيراد او جديد او صينى او كورى او يابانى او اوريجنال
                        جميع مهندسى وعاملى الميكانيكا اتقنوا صيانه هذه السياره

                        لم اجد عيوب فى التصنيع على مدار 200.000كم

                        لكنها كلها عيوب استعمال فقط لاغير

                        بس ماننكرش ان كل فئه من اللانسر سواء 1300 م او اوتو او 1600 م او اوتو ليها ثغره

                        1300 مانيوال = طقم دبرياج عند 100000كم الى 120000كم
                        1300 اوتو = تيل فرامل (وده طبيعى فى اى اوتوماتيك ) + قواعد موتور بس مش قبل 60000كم

                        1600 مانيوال نفس ثغره 1300 طقم الدبرياج
                        1600 اوتو = تيل الفرامل + الفتيس اذا لم يراعى كل 40000كم صيانه دوريه مع تغيير سير الكاتينه به عند 100000كم وده اللى كل الناس بتقع فيه واللى بسببه غيرت فتيس فى اسبورت 2005 مرتين

                        _____________________________________

                        1300 بتوصل معايا 190 سواء مانيوال او اتوماتيك (لى حريه الراى ولك حريه التصديق)
                        1600 بتوصل 210

                        فرق استهلاك البنزين مش كبير مابين 1300 و 1600 ممكن تلاحظه فى داخل البلد لكن فى السفر فرق بسيط جدا لا يذكر

                        طبعا فى فرق فى الضريبه مابين 1300 وال 1600 ده بالنسبه للمرور

                        __________________________________________________ _

                        النقطه المهمه بقا بالنسبالى ان ماينفعش حد يركب عربيه اوتوماتيك اقل من 2000cc او 1800 على الاقل

                        Comment


                        • #13
                          المشاركة الأصلية كتبت بواسطة mohamedezat مشاهدة المشاركة
                          بدون تحيز وبكل امانه ومش مستفيد اى شىء لو اشتريت 1300 او 1600

                          قبل وظيفتى الحكوميه وبحكم عملى السابق كان لى عدة تجارب مع سيارات كتير جدا منها جميع فئات اللانسر
                          والنتيجه انى امتلك 1300 وليس 1600 وده حسب الاحتياج
                          واحتياجك انت هو اللى هايحدد ايهما انسب وليس افضل
                          بجميع المقاييس 1600 افضل

                          ليه 1300 ؟؟؟؟؟

                          مافيش حاجه اسمها عربيه بطيئه او سحبها ضعيف
                          ولو قلنا ضعيف . ضعيف بالنسبه لايه ؟ عاوز تقارنها بايه ؟

                          عربيه 1300 cc فتيس مانيوال 90 حصان وزنها تقريبا 1150كجم

                          انا جربت البومه عموما لغايه 200.000كم واكتر من عربيه
                          عموما عربيات فوق الممتازه مقارنتا بغيرها من فئات اخرى ومش هاذكر انواع لان الناس بتزعل
                          لكن اللانسر اكتر قطع غيار متوافره فى مصر اقل اسعار قطع غيار موجوده فى مصر اكتر سياره توافرت لها قطع غيار سواء مستعمل او استيراد او جديد او صينى او كورى او يابانى او اوريجنال
                          جميع مهندسى وعاملى الميكانيكا اتقنوا صيانه هذه السياره

                          لم اجد عيوب فى التصنيع على مدار 200.000كم

                          لكنها كلها عيوب استعمال فقط لاغير

                          بس ماننكرش ان كل فئه من اللانسر سواء 1300 م او اوتو او 1600 م او اوتو ليها ثغره

                          1300 مانيوال = طقم دبرياج عند 100000كم الى 120000كم
                          1300 اوتو = تيل فرامل (وده طبيعى فى اى اوتوماتيك ) + قواعد موتور بس مش قبل 60000كم

                          1600 مانيوال نفس ثغره 1300 طقم الدبرياج
                          1600 اوتو = تيل الفرامل + الفتيس اذا لم يراعى كل 40000كم صيانه دوريه مع تغيير سير الكاتينه به عند 100000كم وده اللى كل الناس بتقع فيه واللى بسببه غيرت فتيس فى اسبورت 2005 مرتين

                          _____________________________________

                          1300 بتوصل معايا 190 سواء مانيوال او اتوماتيك (لى حريه الراى ولك حريه التصديق)
                          1600 بتوصل 210

                          فرق استهلاك البنزين مش كبير مابين 1300 و 1600 ممكن تلاحظه فى داخل البلد لكن فى السفر فرق بسيط جدا لا يذكر

                          طبعا فى فرق فى الضريبه مابين 1300 وال 1600 ده بالنسبه للمرور

                          __________________________________________________ _

                          النقطه المهمه بقا بالنسبالى ان ماينفعش حد يركب عربيه اوتوماتيك اقل من 2000cc او 1800 على الاقل
                          أستاذذذذذذذذذذذذذ:b4_388:
                          [CENTER][SIGPIC][/SIGPIC][/CENTER]
                          [CENTER][COLOR=Navy][I][B]hany 3aref[/B][/I][/COLOR]
                          [/CENTER]

                          Comment


                          • #14
                            انا كان معاية بومة 2007 1300 عربية جميلة فى كل شىء
                            [COLOR=#333333][FONT=DroidArabicKufi-Regular]للهم صل وسلم على سيدنا محمد صلاة تحل بها عقدتي، وتفرج بها كربتي، وتمحو بها خطيئتي، وتقضي بها حاجتي[/FONT][/COLOR]

                            Comment

                            Working...
                            X