خليجى كويتى بضمان ؟؟؟مش فاهم

[M!SHO]

يا جماعه أنا جبت لانسر بوما 2009 وصاحب المعرض قالى انها خليجى كويتى بس بضمان ..وانا اللى اعرفه ان الخليجى من غير ضمان ؟؟؟ ديه أول حاجه
تانى حاجه انا استلمت العربيه عامله 820 كيلو بس كانت بورقها لسه دا عادى ولا ايه ؟؟؟
ياريت حد يفهمنى

[eng/muhamad]

يا جماعه أنا جبت لانسر بوما 2009 وصاحب المعرض قالى انها خليجى كويتى بس بضمان ..وانا اللى اعرفه ان الخليجى من غير ضمان ؟؟؟ ديه أول حاجه

فى معارض بتعمل ضمان على الخليجى 20000 كم او سنه ده عادى و موجود كتير لكن طبعا غير ضمان التوكيل

تانى حاجه انا استلمت العربيه عامله 820 كيلو بس كانت بورقها لسه دا عادى ولا ايه ؟؟؟

كتييييييييييييييييييييييييير جدا 820 كم العربيه الزيرو المفروض بالكتير تعمل 100كم انا لو مكانك احاول اشوف واحده عامله كم اقل

[tigernet]

فى معارض بتعمل ضمان على الخليجى 20000 كم او سنه ده عادى و موجود كتير لكن طبعا غير ضمان التوكيل

كتييييييييييييييييييييييييير جدا 820 كم العربيه الزيرو المفروض بالكتير تعمل 100كم انا لو مكانك احاول اشوف واحده عامله كم اقل

انا عربيى لانسر خليجى كويتى استلمتها كانت عملة 22 كيلو
820 ممكن تكون اتنقلة من معرض لمعرض
او اتبعت و رجعت

[Diaby]

ده بيستهبل 820 كم ليه يعنى المفروض بالكتير 50 كم
ممكن تكون دي بتاعت التست درايف

[M!SHO]

أولا" شكرا" لكل اللى ردوا و اللى مردوش ومعلش طلب كمان أعرف منين ان العربيه خليجى ولا وكيل والضمان بيبقى عامل ازاى ؟؟

[مصراوي جدا]

حسب رقم الشاسيه اللي حضرتك ارسلته ليا فهي مصري وبضمان طبعا 3 سنين او 100 ألف كيلو

بس المفروض العربية بيكون معاها شهادة ضمان زي اللي في الموضوع ده

http://www.nilemotors.net/Nile/121218-a.html

أو على الأقل دفتر الصيانة الأزرق بيكون مختوم بختم الوكيل (مصرية)

[M!SHO]

شكرا" لحضرتك يا بشمهندس طارق ومعلش تعبتك معايا وفعلا" هى معها دفتر الصيانة الأزرق ومختوم بختم الوكيل لكن معهاش شهادة الضمان...ومره تانيه شكرا" لحضرتك

[د.محمود صلاح]

820 كتير جداً بالنسبة لعربية زيرو ,,

[M!SHO]

والله أنا عارف ان 820 كم كتير أوى بس هعمل ايه مكنش فيه غيرها وكمان مشوفتش العداد غير لما رخصت

[ahmed-moga]

والله أنا عارف ان 820 كم كتير أوى بس هعمل ايه مكنش فيه غيرها وكمان مشوفتش العداد غير لما رخصت

ممكن يكون صاحب المعرض بعت سواق جابها من ميناء بورسعيد والسواق اللي جابها عمل بعدها مشاوير بيها بس أذاي ياباشا صاحب المعرض بيقولك انها خليجي كويتي بضمان والضمان زي ماأستاذ طارق وضح انها مصري وبضمان مصريه 3 سنوات او 100000 كيلو حضرتك دفعت كام فيها لأن في فرق سعر بين الخليجي والمصري

[M!SHO]

هى فعلا" جايه من بورسعيد, فى ورقه كانت على العربية مكتوب فيها شركة المصريه بورسعيد ,, وبالنسبه لحكاية الضمان هى طلعت مصرى زى ما قال البشمهندس طارق
العربيه 2009 وتقريبا" كدا سبورت عشان مفيهاش فرش جلد و كانت ب 123 وادهالى ب 118 ...

[ahmed-moga]

هى فعلا" جايه من بورسعيد, فى ورقه كانت على العربية مكتوب فيها شركة المصريه بورسعيد ,, وبالنسبه لحكاية الضمان هى طلعت مصرى زى ما قال البشمهندس طارق
العربيه 2009 وتقريبا" كدا سبورت عشان مفيهاش فرش جلد و كانت ب 123 وادهالى ب 118 ...

السوبر اكشن او الأسبورت فيه منها العادي ومنها السام والسام بس اللي بيكون بفرش جلد وبيبقي زياده 3 الاف جنيه ربنا يباركلك فيها ويديلك خيرها ويكفيك شرها وبجد انت اخدتها بسعر حلو السعر ده كان فعلا في الخليجي اما في المصري كان بالسعر قبل ماينزلك في سعرها بس علشان فرق سنة الموديل ده احنا دخنا علي موديل 2009 وملقناش كله خلص ومتنساش تروح التوكيل حضرتك علشان صيانة ال1000 كيلو وخليهم يكشفوا عليها كويس ولوفيها ملاحظات خليهم يقولولك واحتفظ بالفاتوره بتاعةالشراء من المعرض ويكون مثبت فيها تاريخ الشراء بتاع السنه دية وربنا يباركلك فيها

[ahmed-moga]

سؤال أخير ياباشا العربيه بجنوط 16وأسبويلر وفتحة سقف وفوانيس شبوره ولا من غير الكلام ده

[el931]

اخى الفاضل مبروك السيارة وربنا يديك خيرها ويكفيك شرها
وانا شايف انك تحمد الله كثيرا ً لان العربية طلعت مصرية وليس خليجى كما قال لك صاحب المعرض (هو غير امين ) وطالما ان الورق طالع باسمك - على حد معلوماتى - يبقى مفيش حد اشتراها قبلك وسجلها وان كان 800 كيلوا دول كتير خالص تعنى العربية مشيت كتير قبل البيع
عموما ً لا تدع شىء يفسد فرحتك بالسيارة طالما ان شاء الله العربية مفيهاش حاجة ودة يخليك تبص عليها كويس وتجرب كل حاجة
وموضوع الضمان - من خلال تجربة لى فى اكثر من 30 معرض -
السيارات بمواصفات مصرية ضمانها 3 سنوات او 100000 كم الضمان بيكون معاها ومختوم
اما الخليجى ( الامارات دبى ) ضمان 3 سنوات او 60000 كم وايضا ً معها ضمان مختوم بختم الرواس وانا قبل استلام العربية اخذت الضمان وذهبت بة الى احد فروع الصيانة واتأكدت منة
اما اى خليجى أخر يتقال ان الضمان بيتباع فى الصالات فقيل لى " دة نصب " يعنى إنة يديلك ضمان على بنك امريكى تقريباً والبنك بيعمل ضمان مع فروع الشركة دة كلام فارغ ( كما قيل لى فالشركة )
واتقلى " احنا بنضمن عربياتنا فقط اللى احنا مستوردينها "
وفى كل الحالات بيكون كتاب الضمان موجود لانة بيجى من الشركة الام فاليابان المهم الختم علية من فين ؟؟؟؟
معلش ذكرت هذا ليستفيد منة باقى الاعضاء من خلال تجربتى
والف مبروك تانى عالعربية وياريت تاخدها صيانة الالف وتطمن عليها ان شاء الله

[M!SHO]

استاذ احمد العربيه بجنوط 16وأسبويلر وفتحة سقف وفوانيس شبوره وفوانيس أماميه غامقه وخلفيه شفافه وكساحات وCD Changer ووحدات رفع يعنى تقريبا" كامله ماعدا الفرش الجلد وانا ناوى اركبه بعد صيانة الالف ان شاء الله ..