كشافات النور

[m_totti]

السلام عليكم
حد يعرف اهمية وجود العاكس الموجود امام لمبة كشافات السيارة الامامية وهل لو خلعتها من امام اللمبة بيكون توزيع النور افضل ام وجودها افضل في توزيع النور
وشكرا

[A7MED_PHARMA]

أنا شايف - والله أعلم - إنها بتعكس النور إلي خارج من اللمبة ..وتوجهه على العواكس إلي موجودة في بطن الكشاف
وكده بتدي إضاءة أقــــــــــوى

-والله أعلم -

[el931]

انا شايف انك اولا ً تسيبة كما هو
ثانيناً متفكرش تغير اى حاجة هى موجودة اصلا ً فالسيارة خاصة فالنور
وفالكشافات الامامية لان حتى مجرد محاولتك لضبط النور على اقل تعبير ( بيبوظ الدنيا ) ومبتعرف ترجعة لاصلة تانى
دة حتى مجرد التحميل او الخبطة الخفيفة فالاكصدام الامامى بتغير اتجاة النور وبرضو مهما حاولت ظبطة من المسامير مبينفعش وانا كنت بعانى من الموضوع دة كتير فالعربية القديم الاكسنت لدرجة انى اشتريت فالنهاية كشافين من التوكيل تجاوز سعرهما ال 1000 جنية والنور كان افضل كتير بس برضو مرجعش زى الاول
معلش اطلت بس انا بسافر على طرق صحراوية كتير والموضوع دة مهم جدا ً بالنسبة لى

[mohamed Gamal]

أعتقد لو شلتهم النور هيدايق الناس علشان مش هيبقى متوجه على الأرض هيبقى فكل حتة