الى الأستاذ طارق وكل مالكى شارك gls

[king1974]

انا مقيم فى الإمارات و اشتريت لانسر شارك 2010 1500cc GLS من حوالى شهر وعملت صيانة ال1000 كيلو وخلصت التلين . السؤال هو انا بسمع صوت زى الهوا المضغوط( فففففففففففففففففففف) طالع من تحت العربية لما ال rpm بيعدى 2000 لما بتكون العربية ماشية على D لكن لما بتكون العربية وقفة على P او N وادوس بنزين مبسمعش الصوت ده حتى لو عدى الrpm ال3000 ولما اقفل الشبابيك مبسمعوش اويكاد يكون ضعيف خالص وعلى فكرة لما رحت صيانة ال1000 طلبت منهم يكشفوا على الصوت ده وطلع معايا tester من الوكالة وساق العربية وسمع الصوت وقال ان هذا الصوت normal السؤال هل هذا الصوت طبيعى فعلا والالأ ؟؟؟؟ تنصحونى بايه؟؟؟؟؟؟؟ مع العلم ان السيارة مفهاش اى مشكلة يعنى مبتسخنش ولا اى حاجة وماشية معايا كويس بس عوز اعرف الصووووووت ده ايه

[مصراوي جدا]

انا سألت مهندسي الصيانة عندنا في التوكيل وقال ان في حالة الأصوات الصادرة من السيارة تحت ظروف معينة تختلف من سيارة الى اخرى والاساس في الحكم هو سماع الصوت الصادر لكي يتسنى لنا الحكم
يعني الخلاصة مش هيقدر يحكم من غير ما يجرب العربية ويسمع الصوت بنفسه انما كمان معنى الكلام ان ده موضوع غريب ومش بيحصل في العربيات التانية

انا رأيي الشخصي ربما يكون فيه حاجة عالقة في العربية من تحت سواء في العفشة او ماسورة الشكمان وممكن بشكل مبدئي ترفع العربية عند اي ميكانيكي او بنزينة مش لازم التوكيل وتبص على العربية من تحت لو فيه اي شيء ظاهر مش طبيعي سواء كيس صغير مثلا عالق في مكان ما تحت او قطعة مفكوكة من مكانها بتسبب الصوت ولو كانت الأمور الظاهرية طبيعية يبقى لازم التوكيل هو اللي يكشف ويحدد سبب الموضوع طالما بيضايقك بالشكل ده

[king1974]

اولا احب اشكرك يااستاذ طارق على سرعة ردك وتواصلك و اهتمامك انا من خلال بحثى فى المنتدى لقيت احد الأعضاء واسمه coolsh كان اشترى شارك 2008 gls وكان عنده نفس الصوت بس مقلش بعد كده ايه اللى حصل لما كشف على السيارة انا بعت له رسالة بس مردش على

[H_A_T_Em]

ممكن يكون ده العادي لان هي اصلا صوتها عالي عشان الموتور المايفك والله اعلم

[king1974]

ممكن يكون ده العادي لان هي اصلا صوتها عالي عشان الموتور المايفك والله اعلم

والله فيه ناس قالولى نفس الكلام ان المكينات الميفيك صوتها كده لكن انا عايز اعرف معلومات اكثر من حد عنده نفس السيارة

[Atrees]

انا كمان عاندي الصوت دة تقريبا - بس متهيالي انة فعلا عادي - ناهيك عن صوت الشكمان والنعر الغلسة جدا في صوت العربية لما تيجي تكبس وتسحب - مش عارف لية لانسر اخطاءت في تصميم مجموعة علبة الشكمان - الصوت دة ظاهر لان علبة الشكمان الاكبر حجما عند الاكصدام الخلفي مما يساعد علي ظهور الصوت بشكل كبير

[H_A_T_Em]

ماهو الموتور المايفك موتور رياضي و مش بيكون صوته واطس بيبقي عالي علي عكس بعض العربيات اللي مبتسمعلهاش صوت زي المازدا 3 مثلا و علي فكره صوت الشارك مميز جدا جدا و هي ماشيه و عموما بس انا بتكلم عن صوت الموتور مش عارف بقي انت بتسمع ايه ممكن يكو حاجه تانيه الله اعلم بس لو صوت الموتور مضايقك قوي ممكن حد من الخبراء يقولك تعمل ايه

[H_A_T_Em]

http://www.nilemotors.net/Nile/36639-1000-3.html