خبراء الكريستاله

[FunnyMickey]

سلام عليكم ياشباب نايل موتورز

انا اشتريت عربيتي من حوالي شهرين

لانسر موديل 2000
وابتديت الاحظ فيها شويه حاجات كده

عاوز اقول عليها عشان انا مبفهمش اصلا في حاجه اسمها عربيات اساسا

اول حاجه في صوت حكه خفيفه كده اما تيجي تلف الدركسيون

ده غير صوت طقطقه كده
رحت لعفشجي قاللي مش شغلتي

رحت لبتاع علبه دركسيون
قاللي حتروح لواحد بتاع مساعدين
يحل المساعد الشمال عشان ده البطاحات عاوزه تتزيت عشان ناشفه

المهم تم الموضوع ووهوا بيركب المساعد قاللي انه معووج وهوا ده اللي عامل الصوت
وقاللي محتاج يتغير

رحت لميكانيكي تاني
قاللي هما ناشفين شويه
قلتله يمشي ؟؟ قاللي يمشي
بس حتسمع صوت الطقطقه ده
وفعلا بسمعه ساعات وساعات لا

اول سؤال اغير المساعدين ولا ممكن استني شويه ؟؟؟

نيجي لتاني حاجه بقي

انا كنت بحط بنزين 92
وهيما لانسر
قاللي حط 90
وفعلا لقيت ان العربيه سحبها زاد وبقت تحفه وبتوفر كمان في البنزين

بس صوت الموتور بقي عالي شويه كده

واما تيجي تبطل العربيه كده تلاقيها كركرت شويه قبل ما تقف

والصبح لازم كذا مره تدور عشان السخان يلقط ويزود لوحده
قالولي كهربا زياده
اعمل فيها ايه دي ؟؟

تالت حاجه بقي

انهارده بزود الميه
لقيت علي البتاعه السوده اللي مكتوب عليها oil دي عند الموتور
حوالين الغطا ده زيت

ايه الزيت ده
ومعلش حتعبكم معايا بس انا عاوز حد يفيدني ويقولي المفيد عشان الصنايعيه دول ايدك منهم والقبر

وشكرا

[أبو إياد]

انت محتاج تلات حاجات
1 تغيير المساعدين علشان الكارتيرات بتاعه العربيه متتاثر ومتهلكش باقى العفشه وتعجل فى القضاء على الكاوتش

2 محتاج تغيير بوجيهات العربيه علشان موضوع الكركره ده وموضوع الدواره الصبح

3 حاول تكشف على غطاء علبه زيت الباور ممكن يكون فيه تنفيس

[FunnyMickey]

البوجيهات انا لسه مغيرها

[FunnyMickey]

انا خايف بس يكون صوت الطقطقه ده ملوش علاقه بالمساعدين
واشيل تمنهم عالفاضي

[HeMa_LanCeR]

موضوع المساعد مش هقدر احكم عليه من الكلام لازم يتكشف عليه
وموضوع الكركره كده الكهربا زياده شويه ومحتاجه تقل سنه
وموضوع ترشيح الزيت اللي حوالين الغطاء فا ده شيء طبيعي ماتقلقش

[FunnyMickey]

طب اكشف عليه ازاي ياهيما
بس بامانه مش واحد يفتي عشان يغير وخلاص

[SkyBird]

انا بسمع صوت تكة لما الف دريكسيون لليمين والعربية واقفة وعفشجي قالي ده عيب سكاترا والمفروض تتغير بس هو شحمها وظبطها والصوت بقى اوضح بعد التشحيم
رايي الشخصي ان ده مش عيب خطير في الاسكاترا (الجريدة المسننة التي تحول حركة الدريكسيون الدائرية لحركة خطية شمال ويمين) لاني الاحظ ان ناس كتيرة بيشتكوا من الصوت ده
انا تعايشت مع الصوت ده وكل حاجة تمام
بس الافضل تغيير الاسكاترا
باقي العيوب عندك تقريبا كلها خفيفة
وعندي برضوا السخان ميلقطش غير لما ازود سنة بنزين
او ادوس على دواسة البنزين نص دوسة قبل ما ادور العربية وده سببو ارتخاء في الشداد
وانصحك طالما غيرت بوجيهات يبقى غير كابلات البوجيهات ودي تمنها حوالي 45 جنية صناعة كوري

اللي قلتهولك ده مش افتى ولكن ماحدث معي
ادخل على قسم الورشة وثقف نفسك في هناك مواضيع جميلة او القسم التعليمي كمان
استمتع بعربيتك يا باشا

[FunnyMickey]

يعني انا دلوقتي اغير سكاترا

وايه هيا السكاترا دي اصلا

ولا اغير المساعدين

ده انا بعتت اجيبهم

[SkyBird]

يعني انا دلوقتي اغير سكاترا

وايه هيا السكاترا دي اصلا

ولا اغير المساعدين

ده انا بعتت اجيبهم

عيب السكاترا بيكون لما صوت خبطة زي حديد يخبط في بعض خبطة واحدة في نقطة معينة تسمعه لما تلف الدريكسيون والعربية واقفه
المساعدين عيبهم يظهر والعربية ماشية في مطبات بس ما اعرفش اذا كانوا يعملوا الصوت اللي تقصدو ولا لأ
استنى خد باقي الاراء
وزي ما قلتلتك روح قسم الورشة> مشاكل اجزاء التعليق
مشاكل اجزاء التعليق - :: نــايــل مــوتــورز:: - :: NileMotors.net ::

[SkyBird]

وايه هيا السكاترا دي اصلا

والاسكاترا البعض يسميها علبة الدريكسيون

[FunnyMickey]

مانا رحت اول حاجه لبتاع علبه الدركسيون
بص ياباشا

هوا وراني بقي بما انك معاك عربيه زي بتاعتي اصلا

اما تفتح الكبوت حتلاقي في جمب الكبوت الشمال واليمين تحت الازاز علي طول
علبتين كده بتوع المساعدين
ماشي؟؟
اما كنت بلف الدركسون بقي يحصل ايه
في بوز حديد رفيع كده طالع من العلبتين دول
معرفش ايه ده
المهم بقي البوز اللي في العلبه اللي ناحيتي انا
وانتا بتلف
يقعد يترعش كده وهوا بيلف لفه صغيره اوي جوه العلبه دي
وانا شايفه بعيني

حتي ساعتها المكيانيكي الحمار قاللي دول مش مساعدين العربيه الاصلي

ده اللي وراههوللي بتاع العلبه نفسه
واما رحت بقي لبتاع المساعدين وحل المساعد وقاللي معووج
بس كده

[SkyBird]

الراجل بتاع علبة الدريكسيون شكلو فاهم
والعيب شكلو اتشخص صح وانو من عيب مساعدين

اول سؤال اغير المساعدين ولا ممكن استني شويه ؟؟؟

برضو زي ما قالك بتاع المساعدين ممكن تمشي بيه
ولو فيه كاشات ابقى غيرو