تحذير لمالكى البومه

[أبو إياد]

سالخير على اجمل ناس وبالذات اللى عنده لانسر بومه

فى حوار غريب كده اكتشفته من فتره وفى الاخر توصلت الى عيب ومحتاج تاكيد للمعلومه دى من المهندس طارق

فى عربيتين بدون اى مقدمات كده لقينا ان لمبه srs والخاصه بالايرباج منوره بشكل مستمر ومش بتطفى
المهم انا كلامى مش علشان علاج الموضوع انما كلامى عن سبب ظهور المشكله دى وده اللى فضلت وراه الى ان توصلت ان وصل المياه للموتور وبالذات عن طريق غسيله بالمياه بيتسبب فى تلف الحساس ده وبعدها بتنور فى التابلوه

انا كنت عالجت العيب ده اول مره فى الرواس فى 2007 فى عربيه كانت موديل 2005 وكلف 700ج مع العلم ان الكل اجمع ان لو اللمبه دى نورت مش شرط ان يكون فى عيب فى الايرباج ومش شرط انه يفقد وظيفته

ممكن الاستاذ طارق ياكدلى معلومه المياه دى
وتكلفه اطفاءه اللمبه دى بيكلف كام حاليا ؟
وهل هو بالفعل بيتم تغيير حساس الساعه ؟

[kmhbravo]

المفروض أن موتور أى عربية ما يتغسلش بالميه خصوصاً فى العربيات الحديثة اللى بيبقى فى الكبوت علبة الفيوز وكمان الكمبيوتر بتاعها ecu وحساسات الهوا ..... إلخ وأنصح بتنضيفة بس بالهوا ولا حتى تنضفة بالإسبراى بتاع غسيل المواتير

[DrMax]

انا سمعت قبل كده ان الموضوع ده بيحصل فى اللانسر لكن ده مش عيب ولا حاجة
الشركة عاملة حساس الايرباج بحيث ان ليه life time محدد...وبعد متنتهى المدة دى اللمبة تنور فيتم تغييره وذلك للتاكيد على ان الايرباج دائما جاهزة للعمل فى حالة اى اصطدام لا قدر الله
فالشركة اللى تعمل كده فى رايى شركة محترمة وبتحافظ على سلامة العملا بتوعها
عشان ميجيش حد يكون سايب حساس الايرباج بال 5 سنين ويحصله حادثة ويفاجىء ان الايرباج ساعتها مبيفتحش

فده مش عيب ولا حاجة...بالعكس..ده تاكيد على فاعلية احد وسائل الامان فى العربية
وشكرا

[أبو إياد]

معاك يادكتور لكن فى عربيه عملت الحركه دى بعد 10000كم
ولو الشركه فعلا عامله كده يبقى مش من حقها انها تجبر العميل انه يدفع مبلغ علشان يطفى اللمبه دى

[DrMax]

معاك يادكتور لكن فى عربيه عملت الحركه دى بعد 10000كم
ولو الشركه فعلا عامله كده يبقى مش من حقها انها تجبر العميل انه يدفع مبلغ علشان يطفى اللمبه دى

ماهو فى العربية اللى حضرتك بتتكلم عليها حضرتك قولت ان وصل مية للموتور والحساس
وغسل الموتور بالمية عامة غلط زى مقال العضو برافو

لكن فى العادى زى مقولت هوه ليه لايف تايم محدد بعيدا عن المية يعنى

عندك حق ان الشركة مش من حقها انها تجبر العميل يدفع مبلغ عشان يطفى اللمبة دى بس تقدر تقول هية دى ضريبة الامان

عايز ايرباج ادفع بقى :)
تحياتى

[mohamed Gamal]

الشركة عاملة حساس الايرباج بحيث ان ليه life time محدد

معلش بس لو الشركة عاملة الموضوع ده كنا شفنا فجداول الصيانة مواعيد محددة لتغييره أو حتى لفحصه .......ولا ايه!!!!؟؟؟

[marwan_147]

الله اعلم متابع باهتمام

[DrMax]

معلش بس لو الشركة عاملة الموضوع ده كنا شفنا فجداول الصيانة مواعيد محددة لتغييره أو حتى لفحصه .......ولا ايه!!!!؟؟؟

منا قولت فى ردى انى سمعت الكلام ده مش شور يعنى :)...وفى اعتقادى مش هيتحط فى جداول الصيانة مواعيد محدده لتغييره او لفحصه لانه لما بيبوظ اللمبة بتنور...عموما مستنيين رد المهندس طارق للتاكيد

[أبو إياد]

بس اللى انا متاكد منه باردو ان لو اللمبه دى منوره الايرباج لا يفقد وظيفته

[eltorky]

مساء الفل عاليك يا أبوأياد علي فكرة أنا عندي المشكلة دية بقالها سنة و العربية موديل 2007 ولسة سايبها زاي ماهيا لحد دلوقتي وهو فعلا عيب في العربية دية بزات ودليل علي كدة أن في عربيات موديل 2000 و قبل كدة كمان من انواع عربيات أخري و مفيش أي مشاكل في الحساس داة وبعدين أنا سئلت واحد عندة أسكنار و قالي أنو بيجيلو عربيات كتيرررررررررر جدا وبزات بومة و فيها المشكلة دية وفي منها حجات بتتعالج عن طريق الاسكنار و في حجات بتحتاج تغير حساس الايرباج علشان اللمبة دية تطفي

[مصراوي جدا]

سالخير على اجمل ناس وبالذات اللى عنده لانسر بومه

فى حوار غريب كده اكتشفته من فتره وفى الاخر توصلت الى عيب ومحتاج تاكيد للمعلومه دى من المهندس طارق

فى عربيتين بدون اى مقدمات كده لقينا ان لمبه srs والخاصه بالايرباج منوره بشكل مستمر ومش بتطفى
المهم انا كلامى مش علشان علاج الموضوع انما كلامى عن سبب ظهور المشكله دى وده اللى فضلت وراه الى ان توصلت ان وصل المياه للموتور وبالذات عن طريق غسيله بالمياه بيتسبب فى تلف الحساس ده وبعدها بتنور فى التابلوه

انا كنت عالجت العيب ده اول مره فى الرواس فى 2007 فى عربيه كانت موديل 2005 وكلف 700ج مع العلم ان الكل اجمع ان لو اللمبه دى نورت مش شرط ان يكون فى عيب فى الايرباج ومش شرط انه يفقد وظيفته

ممكن الاستاذ طارق ياكدلى معلومه المياه دى
وتكلفه اطفاءه اللمبه دى بيكلف كام حاليا ؟
وهل هو بالفعل بيتم تغيير حساس الساعه ؟

انا سألت المهندس عبد الجليل في مركز الخدمة الرئيسي في قليوب في الموضوع ده وقال ان مفيش علاقة بين لمبة الايرباج وبين وصول مياه للموتور او غسيل العربية

وان المشكلة دي بيتم معالجتها عن طريق حاجه من اتنين يا اما عن طريق جهاز الفحص (الكمبيوتر) ودي بتكلف 160 جنيه أو لو اتضح ان قرص srs تالف ومحتاج تغيير هيتكلف في حدود 850 جنيه


رأيي الشخصي
الموضوع ده متكرر فعلا واعتقد انه بيحصل نتيجة تركيبات كهربائية في العربية زي كاسيت او جهاز انذار او غيره عند كهربائي عادي مش مركز خدمة متخصص

[defo]

الي المهندس طارق

انا عندي لمبة srs منورة من غير سبب وكان حصل عندي ان لمبة الانذار ما بتقيدش عشان زر الانذار كان معلق ولما غيرته الكهربائي قالي ان السنسور بعد العربية ما اخدت خبطة بسيطة من الامام في جراج دون حدوث اي اضرار بالسيارة عاوز اعرف الكلام ده صح ام لا

[مصراوي جدا]

انا عندي لمبة srs منورة من غير سبب وكان حصل عندي ان لمبة الانذار ما بتقيدش عشان زر الانذار كان معلق ولما غيرته الكهربائي قالي ان السنسور بعد العربية ما اخدت خبطة بسيطة من الامام في جراج دون حدوث اي اضرار بالسيارة عاوز اعرف الكلام ده صح ام لا

لأ اعتقد كلام الكهربائي مش صح
دايما مشكلة ان لمبة srs منورة بتتحل اما عن طريق توصيل العربية جهاز الفحص (الكمبيوتر) ودي بتكلف 160 جنيه أو بيطلع ان قرص srs تالف ومحتاج تغيير هيتكلف في حدود 850 جنيه

[ahmedehab]

السلام عليكم كنت عاوز اعرف لما بتكون اللمبه بتاعة الايرباج مش بتنور باستمرار لكن بتنور وتطفى هل ينطبق على هذه الحاله نفس الكلام السابق؟؟؟؟؟؟؟؟؟ وشكرا

[limo]

طب ممكن نعرف يا بشمهندس طارق ايه اسباب تلف قرص ال
srs