استفسار بوما 2010

[mussolini]

السلام عليكم..

انا اللى بشكر حضرتك لمشاركتنا برأيك,بصراحة كلام حضرتك منطقى,بس انت عارف الواحد دائما بيخاف من اى حاجة جاية من مصر(اتضحك عليا قبل كدة فى عربية من توكيل كبير فى مصر) فا عشان كدا تلاقى رأى دائما ضد اى حاجة جاية لمصر او تقفيل مصرى,و انا اعترف ان عندى عقدة الخواجة(مع انى واللة كنت بفضل المصرى فى كل حاجة) بس بعد اللى حصللى انا بفضل ان اكون مريض...

تقبل مرورى

[Moh.Fahmy]

بالطبع عفشة التوكيل اشد من الخليجي و طبعا الجميع يعلم اني معايا بومة خليجي 2007 يعني اول دفعتها و فعلا ملاحظ ان عفشة المصري اشد لكن بالفعل التكييف بتاعي اشد من التوكيل و ده عن تجربة
و بالاضافة ان نفس موديل عربيتي المصري مافيهاش ايرباج و ايضا صاج الخليجي معالج ضد البارومة





محمد فهمي

[mohamedway]

الفرق بين الخليجى و المصرى فى الكماليات فقط + ان ال1600 الخليجى موتورها القدرة الحصانية بتاعته أعلى شويه مقابل انها محتاجة بنزين 95 لأن الموتور مصمم عليه + الصفارة بعد سرعة 120 كم/س.

العفشه.......... هى هى و اللى مش مصدق هو حر.

التكييف ............. هو هو و اللى مش مصدق هو حر.


الدهان ............ هو هو و اللى مش مصدق هو حر.


فرق الكماليات صعب حصره لإختلاف المصدر و الأوبشن و البلاد و لكن الكماليه اللى كتير بتكون ناقصه فى الخليجى هى الabs لذلك يجب التأكد منها انما المصرى ال1600 كلها فيها abs

[DrMax]

السلام عليكم..

انا اللى بشكر حضرتك لمشاركتنا برأيك,بصراحة كلام حضرتك منطقى,بس انت عارف الواحد دائما بيخاف من اى حاجة جاية من مصر(اتضحك عليا قبل كدة فى عربية من توكيل كبير فى مصر) فا عشان كدا تلاقى رأى دائما ضد اى حاجة جاية لمصر او تقفيل مصرى,و انا اعترف ان عندى عقدة الخواجة(مع انى واللة كنت بفضل المصرى فى كل حاجة) بس بعد اللى حصللى انا بفضل ان اكون مريض...

تقبل مرورى

لو التوكيل اللى قصد حضرتك عليه التوكيل اللى عربياته بتصدى وبتعطل وبتولع وناس كتير شاكياه فى جهاز حماية المستهلك فده طبيعى ان يتضحك عليك من عربيه فيه

وانا ضد اى تقفيل مصرى زيك بالظبط..لكن لو حاجة جاية مصر وتقفيل خواجه من شركة ليها اسمها وتاريخها يبقى اجبها وانا مغمض...بينى وبينك بعد اللى حصلك ليك حق تتعقد :)

ولعلمك الكلام فى موضوع الخليجى والمصرى كتير...طب ايه رايك انى سمعت قبل كده ان خامات الخليجى بتبقى اقل جودة لان العمر الافتراضى للعربيات هناك صغير وبيقعدو العربية هناك اخرهم 5 سنين ويرموها...بس اهو كلو كلام وكلو بيفتى

عموما مش فارقة نوع المواصفات ايه مصرى او خليجى او هندى حتى :) المهم الصناعة والتقفيل فين واسم الماركة اللى عالعربية

تحياتى