عندى مشكلة بسيطة

[medhat]

يا جماعة انا عندى مشكلة بسيطة مش عارف ده طبيعى و لا ايه، العربية لما بكون ماشى بيها و اسيب رجلى من على البنزين بسمع صوت غريب عالى و لو دوست دبرياج الصوت بيروح، هل ده طبيعى و لو فيه مشكلة ايه حلها، العربية لانسر 1600 مانيوال، وشكرا

[Nader]

لو قصدك صوت عالي من الموتور ينقى عادي لان دة اسمة انجين براكينج وتحس ان العربية بتفرمل شوية

[hazem_khidr]

متهيالي بليه الدبرياج

[hanyfarrag]

نادر وحازم قالوا إحتمالين ممكنين
بس عشان تفرق لازم تشوف هل الصوت ده موجود والفتيس فى المور
لو موجود جرب دوس دبرياج لو راح الصوت يبقى بلية الدبرياج
لكن لو الصوت موجود وانت ماشى على سرعة معينة ويظهر بعد ما تشيل رجلك من البنزين
يبقى ده الإنجين بريكينج وده طبيعى

[medhat]

شكرا ليكم يا جماعة، انتم طمنتونى، هو الصوت مبيبقاش موجود لو الفتيس فى المور، و بيظهر لما اكون ماشى و ارفع رجلى من على البنزين، فهو غالبا زى ما تفضلتوا و قولتوا Engine Braking ،انا كنت قلقان بس من الصوت لحسن يكون مشكلة، و شكرا مرة اخرى

[Abonora]

ماتعملهاش كتير بس علشان ده تحميل عالي على الموتور...و على الفتيس